Chapter 27

“Is that you, Ate Sha? Paano mo nalaman ang address ko? Sinabihan ka ba ni Jason?” tukoy nito sa pinsan niyang si Jason.

Napailing na lang siya sa isipan, sunod-sunod talaga ang tanong nito bunga ng pagtataka. Kahit siya naman ay nagulat nang makita ito rito, kahit sa panaginip niya ay hindi pumasok ni minsan na makikita niya rito ang dalagita.

Jason Alvarez is one of her cousin sa father side. Kapatid ito ni Vanessa, medyo matino ito kumpara sa kapatid nito na pinaglihi sa katigasan ng ulo. Kidding, matino talaga si Jason. He graduated with a high honor noong Senior High at do’n sila nagkakilala nitong kaharap niya, si Ellena Gonzales.

Ito naman si Ellena, natural na maganda. Tulad ngayon na kahit hindi ito maglabas ng effort sa katawan ay mapapansin na ang kagandahan nito, hindi tulad niya na kahit gawin na ang lahat, nakatago pa rin ang ganda. Hindi niya tuloy matukoy kung nakatago ba talaga o wala lang talaga siyang ganda na maibubuga.