Chapter 16 sa loob ng kotse

Matapos ang agahan, gumayak na sina Elizabeth at Benedict upang bumiyahe papuntang Maynila.

“Best, sigurado ka bang okay lang na sumabay sa’yo si Papa? Baka naman abala pa siya sa'yo,” tanong ni Monique na may halong pag-aalala.

“Naku, best, walang problema. Hindi naman out of the way 'yung pupuntahan ni Be—ni Tito,” sagot ni Elizabeth, agad na itinama ang sarili.

Hindi naman napansin ni Monique ang bahagyang pagkakamali ng kaibigan sa pagtawag sa kanyang ama. Ngunit sa gilid ng kanyang mga mata, napangiti si Benedict habang palihim na sumusulyap kay Elizabeth—isang sulyap na puno ng lihim at pananabik.

Mag-aalas otso na nang tuluyang makaalis sina Benedict at Elizabeth. Sa loob ng kotse, tahimik silang dalawa sa unang mga minuto, tanging tunog ng makina at mahihinang tugtog mula sa radyo ang pumapailanlang sa loob.

“Salamat ulit, ha,” basag ni Benedict sa katahimikan. “Hindi ko na sana ako sasabay, pero saktong may kailangan din akong puntahan.”

“Wala ‘yon. Sa totoo lang... mas gusto