Chapter 3: Fake Marriage

Gusto nang lumundag ng puso ni Liana sa sobrang bilis ng tibok nito. Nakatitig siya sa madilim na mga mata ni Alexander, hindi makapaniwala sa narinig.

"Pakasalan ka? Nababaliw ka na ba?" nahihirapang bulong ni Liana habang pilit na itinutulak ang matigas na dibdib ng doktor. "Tito ka ng asawa ko! Isang malaking kasalanan 'to!"

Hindi man lang natinag si Alexander. Lalo pa nitong inilapit ang mukha sa kaniya, dahilan para magdikit ang mga labi nila nang bahagya.

"Kasalanan?" Malamig na tumawa si Alexander. "Ang tunay na kasalanan ay ang ginagawa sa'yo ng pamangkin ko. At ano naman ang mawawala sa'yo, Liana? Your marriage with Marco is already dead. The moment he laid hands on another woman in your bed, tapos ka na sa kaniya."

Bumaba ang tingin ni Alexander sa nanginginig na labi ni Liana. Hinawakan nito ang baywang ng babae at mas lalo pa itong hinila papalapit.

"P-Pero hindi kita kilala..." nanginginig na apela ni Liana.

"Kilala mo ako," bulong ni Alexander, ang boses ay puno ng pagnanasa. "Inside out. Kagabi lang, isinuko mo ang sarili mo sa akin."

Bago pa makasagot si Liana, biglang nag-ring ang cellphone sa table ni Alexander. Kumawala ang doktor at sinagot iyon. Habang nakikipag-usap ito sa linya, nag-vibrate din ang cellphone ni Liana sa kaniyang bulsa.

Kay Marco galing ang text message:

*Liana, pumunta ka sa ospital ngayon din. Kinausap ko ang billing department. Ititigil na nila ang gamot ng nanay mo simula ngayong tanghali kapag hindi ka pumirma sa kasunduan na wala kang kukunin kahit piso sa condo at sa pera ko kapag naghiwalay tayo. Magdusa ka.*

Napakuyom si Liana sa hawak na cellphone. Nanginginig ang buong katawan niya sa sobrang galit. Walang-hiya talaga si Marco. Gagamitin pa nitong bargaining chip ang buhay ng ina niya para lang hindi ito makasuhan at para wala siyang makuha kahit ano.

Naramdaman ni Liana ang paglapit uli ni Alexander sa kaniyang likuran. Ipinatong ng doktor ang dalawang kamay sa mga balikat niya at dahan-dahang hinaplos ang kaniyang leeg.

"He texted you, didn't he?" pabulong na tanong ni Alexander. "Gusto ka niyang ipagpalit sa wala. Pinipilit ka niyang sumuko."

Napaangat ng tingin si Liana sa salamin sa harap nila. Nakita niya ang kaniyang sarili, wasak, nasasaktan, at desperada. At sa likod niya, nakatayo ang bilyonaryong neurosurgeon, nakatitig sa kaniya na parang handa nitong sunugin ang buong mundo para lang sa kaniya.

"I-Iligtas mo lang si Mama..." pabulong na sabi ni Liana habang tumatagaytay ang luha sa kaniyang pisngi. "Iligtas mo lang siya... papayag ako."

Bahagyang ngumiti si Alexander. Isang ngiti ng tagumpay. "Good girl."

Lumayo ito nang bahagya at kinuha ang dalawang set ng dokumento sa ibabaw ng mesa. Inilapag iyon sa harap ni Liana kasama ang isang mamahaling sign pen.

"Ang unang papel ay ang annulment at divorce petition laban kay Marco. My lawyers will handle everything. Marco won't even know what hit him," paliwanag ni Alexander. "Ang ikalawang papel ay ang marriage contract natin. A secret marriage."

Tiningnan ni Liana ang papel. Bawat salita roon ay nagpapatunay na itatali niya ang sarili sa pinakamakapangyarihang lalaki sa pamilya Vance.

Walang pag-aalinlangang pinirmahan ni Liana ang dalawang dokumento. Nang matapos siya, kinuha agad ni Alexander ang mga papel at ibinigay sa abogadong mabilis na pumasok sa silid.

Nang makalabas ang abogado at maiwan silang dalawa muli, may kinuha si Alexander sa isang maliit na velvet box. Binuksan niya ito at isinuot sa gitnang daliri ni Liana ang isang napakagandang diamond ring.

"A-Ano 'to?" gulat na tanong ni Liana.

"You are now my wife, Liana," seryosong sabi ni Alexander. Kinuha nito ang kaniyang kamay at hinalikan ang likod niyon, diretso ang tingin sa kaniyang mga mata. "And a Vance wife deserves the best."

Biglang naramdaman ni Liana ang matinding kaba. "Kasal na tayo... sa papel?"

"Sa papel," pag-ulit ni Alexander. Pero bago pa makahinga nang maluwag si Liana, mabilis siyang hinila ng doktor sa baywang at isinandal sa gilid ng malaking desk.

Pumulupot ang braso ni Alexander sa kaniyang katawan. Bago pa makapagsalita si Liana, inangkin na ng doktor ang kaniyang mga labi sa isang marahas, mapang-angking halik.

Umungol si Liana sa gulat, pero mabilis ding nadala ng init na dulot ng halik nito. Ikinulong ni Alexander ang maselang bahagi ng kaniyang mukha sa mga kamay nito, pinalalalim pa ang halik na tila ba kinukuha ang kaniyang buong hininga.

Nang humiwalay ang mga labi nito, kapwa sila hingal na hingal. Madilim pa rin ang mga mata ni Alexander sa matinding pagnanasa.

"That's to seal the deal, Mrs. Vance," bulong ni Alexander, habang dahan-dahang hinahaplos ang labi ni Liana na namumula dahil sa kaniyang halik. "Inaayos na ng mga tao ko ang paglipat ng mommy mo sa pinakamagandang suite sa ospital na 'to. And tonight... you are moving into my penthouse."

"T-Tonight?" gulat na tanong ni Liana.

"Yes. You are my wife now, Liana. At hindi ako pumapayag na ang asawa ko ay natutulog sa ibang bahay."