Chapter Thirty-Two

Olivia

Nang sandaling maimulat ko ang aking mata'y nagising ako dahil sa sigawang naririnig ko mula sa labas. Kaya't dali-dali akong tumayo upang tignan ito. Binuksan ko nang dahan-dahan ang pintuan upang silipin kung anong nangyayari sa labas at dinig na dinig ko ang malakas na boses ni Daddy Richard.

"Ano bang pinag-gagagawa mo sa buhay mo, ha? Wala ka na ba talagang pakealam sa negosyo natin, ha? Puro na lang barkada ang inaatupag mo. Hanggang kailan ba ako maghihintay na magpaka-tino ka, ha? Hihintayin mo ba munang mawala ako bago mo pahalagahan ang kung anong meron ka ngayon?" narinig kong sigaw ni Daddy Richard.

Bahagya ko pang binuksan ang pinto nang makita ko ang kabuuan. Kitang-kita ko si Lloyd na nakatungo't dinuduro-duro lamang ni Daddy Richard. Habang palihim ko silang pinapanood, para bang nadudurog ang puso ko.

Hindi ako sanay na nakakarinig nang ganito. Sa bahay naman kasi ay tahimik lang dahil ako ang madalas na nanenermon kay Dad