Chapter 3

SA halos dalawang oras na pagta-trabaho ni Naya sa The Gentleman's Club, hindi siya makapaniwala na kikita siya nang malaking halaga. Hindi siya makapaniwala na kikita siya ng bente mill sa loob lang ng ilang oras.

Tama nga ang sinabi sa kanya ni Madam Miranda at Abegail na malaki ang magbigay ng tip ang mga guest ng nasabing Club. Ang sabi ni Abegail sa kanya hindi daw basta-basta ang mga guest ng nasabing club doon.

Mga milyonaryo at bilyonaryo ang mga miyembro doon. Mayayamang negosyante, kilalang pangalan sa showbiz at malalaking opisyal na gobyerno. Kaya pala ang ilan sa mga guest na naroon sa bulwagan ng The Gentleman's Club ay may suot na mask para hindi maitago ang pagkakakilanlan ng mga ito. At bago nga din siya pumasok sa The Gentleman's Club ay pinagpirma siya ni Madam Miranda ng Non-disclosure agreement. Kapag may nakilala siyang pumasok doon ay hindi niya iyon pwede i-kwento sa labas. At ganoon din ang mga guest na miyembro ng nasabing club. Pinapahalagan ang privacy ng lahat.

Naging malaking tulong din ang kita niya sa nasabing Club para mabayadan niya ang renta nila sa inuupahang bahay. At ang natira sa bente mill ay binayad niya sa kulang pa nila sa ospital sa mga na-poison ng tinitinda ng kapatid. Ang natirang utang na lang niya ay ang kinse mill na inutang niya kay Madam Miranda na ipangbabayad sana niya sa renta ng bahay.

Kaya nag-desisyon siyang sumubok pa ng isang gabi sa pagsasayaw sa The Gentleman's Club. Baka kasi palarin at bigyan siya ulit ng malaking tip ng mga VIP Guest. At kapag nagkataon ay mababayadan na niya ang utang niya kay Madam Miranda at hindi na siya muling babalik sa The Gentleman's Club na iyon.

And speaking of VIP Guest. Biglang pumasok sa isip niya ang isang guest ng nasabing club na nakipagtitigan siya. Hindi nga niya maintindihan ang sarili kung bakit hindi niya maalis-alis ang tingin sa lalaking nasa sulok at may maitim na mga mata. Para kasing may magnetikong naghihila para makipagtitigan din dito.

Ipinilig na lang ni Naya ang ulo para maalis iyon sa isip niya. Dapat hindi na niya isipin iyon dahil baka iyon na ang huling beses na makikita niya ang mga matang iyon dahil mamaya na ang huling gabing tatapak siya sa The Gentleman's Club.

Lumabas naman na si Naya sa kwarto at hindi niya napigilan ang mapakunot ng noo nang makita ang Nanay niya na nakabihis.

"Saan po kayo pupunta, Ma?" tanong ni Naya dito.

"Pupunta ako sa dating boss ko, Naya," sagot nito. "Sa Ninong Hugo mo," dagdag pa na wika nito.

Kilala lang ni Naya ang pangalan na binanggit ng Mama niya pero hindi niya ito kilala ng personal at hindi pa nga niya ito nakikita noon pa. Hindi nga din ito um-attend sa binyag niya noon pero nagpadala lang ito ng regalo at pera, ayon sa Mama niya.

Six years old na siya noong pinabinyagan siya. Late na kasi siyang pinabinyagan ng mga magulang dahil nga sa hirap ng buhay. Isinabay na nga siya sa binyag ng kapatid niyang si Nicholas noon na isang taon naman.

Nagta-trabaho noon bilang katulong ang Mama niya sa pamilya ng Ninong Hugo niya, kung hindi siya nagkakamali ay 21 years old na si Ninong Hugo ng kunin ito ng Mama niya bilang kumpare. At kung bibilangin niya ay 36 years old na ito. 15 years din kasi ang age gap nilang dalawa.

Sa totoo lang ay never pa niyang nakita ang Ninong Hugo niya. Hindi nga niya alam ang hitsura nito. Basta ang alam lang niya ay mayaman ito dahil galing ito sa mayamang pamilya.

"Ano pong gagawin niyo doon?" mayanaya ay tanong ni Naya dito.

Napansin niya ang pag-a-alinlangan ng Mama niya na sagutin ang tanong pero mayamaya ay sinabi din nito ang agenda nito kung bakit nito pupuntahan ang Ninong Hugo niya.

"Tinawagan ko kasi siya kahapon," wika nito. "Nagbabakasakaling baka may trabaho siyang ma-i-offer sa akin. At sinabi niyang naghahanap siya ng maglilinis at magluluto sa penthouse niya. At prenesenta ko ang sarili ko."

Mas lalong kumunot ang noo niya. "Ma, alam niyo namang hindi na kaya ng katawan niyo ang mag-trabaho. Kaya ko naman--

"At ano? Hayaan ko na lang na ikaw lahat ng gumastos sa pangangailangan natin? Ako ang ina, dapat ako ang magbigay ng mga pangangailangan ng mga anak ko."

"Naiintindihan ko po ang gusto niyong mangyari, 'Ma. Pero intindihin niyo din po sana kami kung ayaw namin kayong pag-trabahuin. May edad na po kayo at may sakit pa. Mas makakabuting magpahinga na lang po kayo at ako na lang po ang bahala sa lahat. Kaya ko pa naman, eh. Ang h-hindi ko po kaya iyong mawala po kayo sa b-buhay namin," wika niya dito, hindi nga din niya napigilan ang paggaralgal ng boses. "Kayo na lang po ang natitirang magulang namin, Ma. Hindi naman kakayanin kung pati kayo ay mawawala pa."

Sa pagkakataong iyon ay may tumulong luha sa kanyang mga mata. Agad naman niya iyong pinunasan.

Humugot na lang ng malalim na buntong-hininga ang Mama niya. "G-gusto ko lang naman tumulong, Naya. Ayokong maging pabigat."

"Hindi naman po kayo pabigat, eh," wika niya.

"Madali lang naman ang magiging trabaho ko sa penthouse ng Ninong mo, Naya. Maglilinis lang ako at lulutuan ko lang siya. At tatlong beses lang iyon sa isang linggo," dagdag pa na wika nito.

"G-ganito na lang po, Ma. Pang gabi naman ako sa pinagta-trabahuan ko. Matutulungan ko kayo sa paglilinis sa penthouse ni Ninong Hugo. Para hindi kayo mapagod," suhestiyon niya.

Akmang bubuka ang bibig ng Mama niya para sana tumutol ng mapatigil ito ng magsalita siya. "Payagan niyo na ako, Ma. Para mapanatag din ang loob ko," dagdag pa niya.

Wala din nagawa ang Mama niya kundi pumayag sa gusto niya. "Pero kailangan muna nating makausap ang Ninong Hugo mo. Kailangan kong sabihin sa kanya na isasama kita sa penthouse niya."

"Sige, Ma. Hintayin niyo ako, magbibihis lang ako saglit." Mabilis siyang pumasok sa loob ng kwarto para magbihis.

Simpleng puting blouse at skinny jeans lang naman ang isunuot niya. Itinuck in lang niya ang blouse sa jeans na suot. Ipinusod din niya ang mahabang buhok.

Kinuha din niya ang cellphone at tote bag at saka siya lumabas ng kwarto.

"Tara na po, Ma," yakag na niya dito.

Sabay naman na silang lumabas ng bahay hanggang sa makasakay sila sa jeep.

Sa pag-aaring kompanya daw ni Ninong Hugo sila pupunta dahil naroon daw ang lalaki.

At nang makarating sila doon ay hindi napigilan ni Naya na mamangha sa laki ng building nito.

"Tara na, Naya," yakag na sa kanya ng Mama niya.

Sabay naman na silang humakbang ng Mama sa loob ng building.

Lumapit naman sila sa building para magtanong kung saan matatagpuan ang opisina ni Ninong Hugo. At nang malaman ay agad silang sumakay ng elevator patungo sa 20th floor.

"Magandang umaga," bati ng Mama niya sa lalaking nilapitan nila, mukhang secretary ito ni Ninong Hugo.

"Magandang umaga," ganting bati nito.

Nagpakilala naman ang Mama niya. "Pinapunta ako dito ni Sir Hugo," dagdag pa na wika nito.

"May meeting pa si Sir Hugo. Maupo muna kayo habang hindi pa tapos ang meeting niya," magalang na imporma nito.

Naupo naman sila Naya sa visitor chair na naroon. "May asawa na po ba si Ninong Hugo, Ma?" mayamaya ay tanong niya, bigla kasi siyang na-curious. Naisip kasi niyang baka may asawa na ito, since nasa mid thirties na ang lalaki.

"Wala pa akong nabalitan. Girlfriend siguro, may hisura din kasi ang Ninong mo."

Hindi naman niya napigilan ma-curios sa hitsura nito. Ang nasa isip kasi ni Naya since may sarili itong kompamya at CEO pa ito ay mga napapanot, malaki ang tiyan. Ganoon ang nasa isip niyang hitsura ng mayamayang negosyante.

Si Ninong Hugo kaya? Napapanot na kaya? Pero siguro ay hindi pa dahil lagpas trenta pa lang ito.

"Good morning, Sir Hugo."

Mayamaya ay napaayos mula sa pagkakaupo si Naya nang marinig niya iyon. Nag-angat nga din siya ng tingin.

At hindi napigilan ni Naya ang mapakurap-kurap ng mga mata nang makita ang isang lalaki na naglalakad palapit.

He's tall, fair-complexioned, and gorgeously handsome. The man is wearing a black tuxedo with a white long-sleeved shirt underneath.

Hubog na hubog ang katawan nito na para bang alaga iyon sa gym. He's got sex appeal written all over him.

Napansin niyang may sinabi ang secretary nito pero hindi niya iyon masyado pinagtuunan ng pansin dahil ang atensiyon ay nasa lalaki mismo.

"Kanina pa po sila naghihintay."

Mayamaya ay sumulyap sa gawi nila ang gwapong lalaki.

"Sir Hugo," wika ng Mama niya bago ito humakbang palapit.

Sa halip na sumunod ay nanatili siya sa kinatatayuan habang nakatingin pa din siya dito. Kaya napansin niya ang pagsasalubong ng kilay nito nang sulyapan nito ang Mama niya. Pero mayamaya ay napansin niya ang rekognisyon doon.

May mga sinabi ang Mama niya kay Ninong Hugo nang makalapit ito pero wala na doon ang atensiyon niya. Napako kasi ang atensiyon niya sa lalaki.

Ito ba ang Ninong Hugo niya?

"Naya, anak. Halika."

Mayamaya ay napalunok siya ng tawagin siya ng Mama niya. Nakita nga din niya ang pagsulyap nito sa gawi niya.

At napaawang ang labi niya nang magtama ang mga mata nila ng lalaki. His intense gaze was familiar to her, as if she had seen it before, as if she had gazed into those eyes before.

Isang beses siyang lumunok bago siya humakbang palapit. At naramdaman niya ang panginginig ng mga tuhod habang naglalakad siya palapit, lalo na at hindi inaalis ng lalaki ang tingin nito sa kanya.

And Naya bit her lower lip when she smelled his expensive perfume.

"Sir Hugo, siya po ang anak kung si Naya," pagpapakilala ng Mama niya. "Siya iyong inaanak mo," dagdag pa nito. Pagkatapos ay tumingin sa kanya ang Mama niya. "Naya, anak. Magmano ka sa Ninong Hugo mo," utos nito.

"O-opo," sagot naman niya. Pagkatapos niyon ay muli siyang humarap sa lalaki. At napaawang ang labi niya nang makita na sa kanya pa din ito nakatingin. Kahit na hindi inaabot ni Ninong Hugo ang kamay ay kusa na niya iyong kinuha.

Nagulat pa nga siya ng mahawakan niya ang kamay nito. Para kasing may boltahe ng kuryente na dumaloy sa buong katawan niya. Nag-angat naman siya dito at napansin niyang titig na titig ito sa kanya, pansin niya na halos mag-isang linya ang mga kilay nito.

Napakagat siya ng ibabang labi at napansin niya ang pagbaba nito ng tingin sa labi niya. Hindi naman niya iyon pinansin, sa halip ay pinagpatuloy niya ang pagmamano.

"Nice meeting you po, Ninong Hugo," wika niya dito.

At sa kabila ng kabang nararamdaman ay nagawa pa din ni Naya na ngitian ang Ninong Hugo niya.