Chapter 4

SINUBUKAN ni Naya na ilibot ang tingin sa paligid nang tumugtog ang nakakaakit na musika sa bulwagan ng The Gebtleman's Club. Hinahanap kasi ni Naya ang lalaking may maiitim na mga mata. Pero nalibot na niya ang tingin sa palogid, kahit na iyong dati nitong pwesto pero hindi pa din niya natatagpuan. Mukhang wala ang lalaki ng gabing iyon para manuod.

At hindi maipaliwanag ni Naya ang nararamdaman ng sandaling iyon. Nakaramdam kasi siya ng paghihinayang.

Paghihinayang? wika naman ng bahagi ng isipan niya.

At bakit siya naghihinayang na hindi niya nakita ang lalaki ngayong gabi? At bakit niya hinahanap ang mga matang iyon? Umaasa ba siyang muli niyang makikita ito?

Ipinilig na lang naman ni Naya ang ulo para alisin sa isip niya ang lalaki, lalo na ang paghihinayang na nararamdaman niya. Ito na ang huling gabing sasayaw siya sa The Gentleman's Club kung papalarin siyang makakuha ng malaking tip mula sa mga VIP customer. Dahil kapag nabigyan siya ng malaking tip ay mababayaran na niya si Madam Miranda sa utang niya. Hindi na niya kailangan na magsayaw sa harap ng customer habang nakatitig ang mga ito sa katawan niya ng puno ng pagnanasa. Kulang na lang ay hubaran na siya ng mga ilang kalalakihan, lalo na iyong may edad na lalaki na hindi man lang magsuot ng maskara. Kulang na lang kasi ay maglaway ang mga ito sa kanila.

Nang sandaling iyon ay nakasuot siya ng kulay pula na corset na may fishnet stocking, exposing again her beautiful and slender body.

Kaya kailangan niyang galingan ang performance niya ngayon gabi.

Humugot siya ng malalim na buntong-hininga. Pagkatapos ay nag-umpisa na siya sa performance niya.

'I see red' ng Everybody loves an outlow ang musikang pumapainlanlang sa bulwagan. Bagay sa nakakaakit na performace nila.

Hinawakan na ni Naya ang pole at saka siya dahan-dahan na pumaikot doon. Iniliyad niya ang kalahating katawan dahil iyon ang step nila.

Sa sumunod na sandali ay sa pagsasayaw na naka-focus ang atensiyon nila. Kailangan niyang pagbutihin ang pagsasayaw.

Malapit ng matapos ang performance nila Naya nang makita niya ang pagbukas ng pinto. Tumuon ang tingin niya doon at muntik na siyang nadulas mula sa pole nang makita kung sino ang pumasok, mabuti na lang at mabilis siyang nakakapit.

Ang lalaking may itim na mga mata. He was wearing a black long-sleeved shirt, with the sleeves rolled up to his elbows. And he was wearing his mask again. His intense and piercing eyes looked intently at her. Hindi gaya ng ibang lalaki ito, hindi niya nararamdaman na para bang hinuhubaran siya sa bawat titig niyo. Iba ang nararamdaman niya.

And she couldn't understand, but she felt something in her stomach as if there were butterflies playing there.

Hindi na nga din ito umupo, gaya na lang ng mga VIP customer na naroon. Sa halip ay isinandal lang nito ang likod sa pader habang nakatitig sa kanya.

And from there, she could feel his intense gaze, sending shivers down her spine.

Hindi naman nagtagal ang pagtitinginan nila dahil tapos na ang performance nila.

At bago sila lumabas ng backstage ay sinulyapan pa niya ang lalaki, he was still looking at her.

At hindi niya maipaliwanag kung bakit parang may naglalaro na paro-paro sa kanyang tiyan.

Inalis na lang ni Naya ang tingin at tuluyan ng lumabas ng backstage.

"Good job ladies!" salubong sa kanila ng floor director. Nakangiti naman sa kanila si Madam Miranda.

Dumiretso naman sila sa dressing room para magpahinga at makapagbihis na. Nanatili naman sila sa loob, hinihintay ang pagpasok ni Madam Miranda para ibigay ang kita nila. Hindi naman nagtagal ay pumasok ito, may hawak na sobre at inabot iyon sa kanila.

Pagkaabot ay tiningnan niya ang laman para bilangin. Lihim siyang napangiti nang makitang 16 thousand iyon. Makakabayad na siya ng utang niya kay Madam Miranda. Hindi na niya kailangan na magsayaw. Kinuha naman niya ang isang libo sa sobre at ibinulsa.

Pagkatapos ay inabot niya kay Madam Miranda ang ang kinse mil.

"Iyong utang ko po, Madam Miranda," wika niya. Tinanggap naman nito iyon. "Salamat po sa pagpapautang sa akin," wika niya.

Akmang kukunin niya ang bag ng mapatigil siya ng tawagin nito ang pangalan niya.

"Naya."

"Po?"

"May isang kliyente na gusto ng isang private pole dance," imporma nito sa kanya. "And he's requesting a private dance from you."

"Pwede po ba akong tumanggi?" wika naman niya.

"Oo naman, Naya. Hindi ka namin pipilitin kung ayaw mo."

"Salamat po, Madam Miranda. Pero tatanggi po ako sa nire-request ng customer para sa private dance," wika niya.

Pagkatapos niyon au kinuha na niya muli ang bag. Pero napatigil ulit siya nang marinig niya ang sumunod na sinabi ni Madam Miranda.

"Sayang din iyon, Naya. The VIP guest who is requesting you is willing to pay huge money."

Napatingin muli siya kay Madam Miranda. "He is paying you 30 thousand for one performance, Naya."

Napatingin si Naya sa sinabi ni Madam Miranda. Napaawang din ang labi nang marinig kung magkano ang peranh ibabayad nito sa kanya sa dalawang oras na pagsasayaw niya.

At nang sandaling iyon ay gustong magbago ang isip ni Naya. Parang nahihikayat siya na tanggapin ang offer nito.