Chapter 57: Jealousy

Panay ang tingin ni Ira sa pintuan ng opisina ng boss niya. Tanghali na pero hindi man lang siya nito tinawag para magpatimpla ng kape.

Isang linggo ng malamig ang pakikitungo ni Astin sa kan'ya. Hindi na siya nito kinausap pagkatapos ng huling tagpo nila sa condo nito.

Ilang araw na niyang pilit na inaalala ang kahat. Kung sino ba talaga siya. Pero nauuwi lang sa sakit ng ulo niya.

Itinuon niya sarili sa mesa niya at sinimulan ang dapat simulan.

Tatayo sana siya para kunin ang prinint sa printer nang marinig ang pamilyar na tinig ng bata. Nakaramdam ng tuwa ang puso niya. Ilang araw na niyang hindi ito nakikita. Gustong-gusto niya itong makita. Kung siya nga si Laura, gusto niyang bumawi dito.

Nakangiting tumayo siya at bumaling sa pintuan. Pero napalis ang ngiti niya nang makitang nakakapit ito sa magandang babae. Magkausap ang dalawa habang naglalakad. Mukhang masaya si Kiarra na kausap ang kasama nito.

Tumitig siya dito. Ang ganda ng ngi