CHAPTER 22

NAKAUPO siya sa eleganteng sofa na naroroon sa deck ng yateng sumundo sa kanila. Kasama niya sina May, Megan, at Macon. Hindi na nakasama si Vaughn at ang Yaya nito dahil isinama ng mga magulang niya pauwi sa Cebu. Ayaw sana niyang pumayag ngunit nagpumilit ang Mama at Papa niya. Tinawagan din siya ng Lola Rosario niya kaya wala na siyang nagawa. Naglalambing itong ipasama pauwi ang anak niya.

Mabuti at pumayag si Nike na isama ng mga magulang niya si Vaughn sa Cebu. Ang main reason naman talaga nito kaya pinasama siya ay para makasama nito si Vaughn, na hindi rin naman nangyari.

Sa kabilang dulo naman ng yate ay nakatayo si Nike. Kausap nito ang manager ng hotel na itatayo ng kompanya ng asawa niya, si Mr. Vince Ramos. Nasa mid-forties na ang nasabing manager at kababakasan pa rin ng kagandahang lalaki.

Mula sa airport ay sinundo sila ng pribado nitong sasakyan upang ihatid sa port. Kung saan ay naghihintay na ang magarang y