Chapter 3

Maaga akong nagising upang maaga rin makapaghanap ng trabaho. Pagbaba ko mula sa kwarto ay nakasalubong ko si Tita Merly.

"Oh! Gising ka na pala. Come here. Breakfast is ready."

Napamaang naman ako sa sinabi nito. Kalaunan ay sumunod na lamang din sa kan'ya papunta kung saan.

Nakarating kami sa isang malaking kusina. May mahabang mesa at maraming upuan. May maganda at malaking ilaw sa itaas sa bandang gitna. Marami rin ang nakahayin na pagkain sa mesa.

"Halika na Ivory, maupo ka na at kakain na tayo. Don't be shy iha, feel at home."

Kung titignan si Tita Merly ay parang dalaga pa rin. Para s'yang hindi tumatanda.

Naupo na ako sa hindi kalayuang upuan mula kay Tita. Nang magsimula na s'yang kumain ay doon pa lamang din ako kumain. Kahit paglalagay ng tubig sa baso ay katulong pa ang nagawa. Naiilang ako dahil hindi naman ako sanay na pinagsisilbihan.

"May lakad ka ba ngayon?" tanong ni Tita.

"Opo, maghahanap po ng trabaho."

"Naku! Tamang tama, 'yong anak no'ng kakilala ko naghahanap ng secretary sa kompanya nila. Try mo puntahan," nakangiting saad nito.

"Secretary po? Pero hindi po ako nakapag kolehiyo."

Napatigil si Tita sa pagsubo dahil marahil sa aking sinabi.

"Gano'n ba? Gusto mo ba mag-aral?"

"Opo naman, pero siguro po kapag naka-ipon na po ako. Magta-trabaho po muna ako."

Ngumiti ito sa'kin. "Pwede naman kitang pag-aralin kung gusto mo?" sabi pa nito.

"Naku! Hindi na po Tita, kailangan ko rin po mag-trabaho para po may ma-ipadala kina Nanay. Gusto ko rin po mag-aral gamit po mismo ang pera na pinaghihirapan ko," mahabang ani ko.

Nakatitig na ito sa'kin at may multo ng ngiti sa kan'yang mga labi.

"Alam mo, ang swerte sa'yo ng mga magulang mo. Sa murang edad mong 'yan, nakakaisip kana ng gan'yan."

"Kailangan po e, hindi po kasi ako ipinanganak na mayaman. Kaya kailangan ko po paghirapan kung may gustuhin man po ako para sa sarili ko at sa pamilya ko."

Hindi na ito sumagot pa muli. Tanging pagtango na lamang ang nagawa ni Tita bilang sagot. Kaya naman tinapos na namin ang aming agahan ng tahimik.

Ipinahatid pa ako ni Tita sa kan'yang driver papunta sa company na sinasabi ni Tita. Nagpasalamat lang ako sa driver bago ito umalis.

Nakatingala ako ngayon sa napakataas na building sa harapan ko. First time ko pa naman makakita ng ganitong katataas na building. Pakiramdam ko ay magkakasakit ako sa leeg nito katitingala.

"Aray!" sigaw ko dahil sa nakabangga sa'kin. Naalintana tuloy ang pagtingala ko sa building.

"Sh*t! Pakalat kalat kasi!" sabi ng baritonong boses habang pinupulot ang ilang papel na nahulog.

"Aba! Mister, ikaw na nga nakasagi d'yan ikaw pa galit?" sabi ko.

Pagkatapos nito pumulot ng mga papel ay doon pa lamang ito tumunghay at tumayo nang maayos. Napatingala naman ako dahil sa tangkad nito. Napakurap-kurap pa ako dahil sa kagwapuhan nito. Ang kapal ng kilay at pilikmata, ang kulay berde nitong mata. Matangos din ang ilong at hindi rin kaputian ang balat. Naka-ayos ang buhok nito palikod.

Nakatitig na rin ito sa akin ngayon, at gaya ko ay parang sinusuri rin niya ang aking itsura. Nahiya ako bigla sa paraan nang pagtingin nito sa'kin.

Naka dress ako na peach na binigay ni Tita para raw pormal naman tignan. Pati sandals ko ay bigay din nito. Spaghetti strap ang dress kaya naka blazer din ako.

"S-Sorry Miss..." malalim na boses na sabi nito. Napalunok naman ako dahil sa biglang pagbabago ng awra nito.

"O-Okay lang po," magalang kong sagot.

"Why are you here?"

"Ah... Mag a-apply po sana ako.. Rito kasi ako itinuro ni Tita Merly."

"Tita Merly? Merly Guzman?"

"Oo, kilala mo si Tita?"

"Yeah, friend ng parents ko. So... Mag-a-apply ka?"

"Sana... Secretary daw sabi ni Tita.. Kaya lang nag-aalangan ako kasi 'di naman ako nakapag college—"

"You're hired." Mabilis nitong sagot.

Tinignan ko s'ya ng may pagtataka dahil sa sinabi niya. At nang mapagtanto ang kan'yang ibig sabihin ay napakurap-kurap ako.

"I-Ikaw ang boss dito?"

"Yes. And you're hired."

"Sandali... Nasa labas pa tayo ng building. Hindi mo pa rin nakikita resume ko. Hired agad?!"

"Okay. Come with me. Let's go to my office."

"Hindi ba dapat sa HR?" inosente kong tanong dito.

"I want to personally interview MY Secretary," pagdidiin nito.

"S-Secretary mo?!" nauutal kong tanong.

Parang gusto ko biglang mag back out. Nakakatakot s'ya maging boss. Parang laging galit.

"Yes. Why?"

"W-Wala... H-Hindi na siguro ako tutuloy... Bye!" sabi ko sabay talikod.

Ngunit bigla na lamang niya ako hinila sa kamay at dire-diretso akong hinila papasok sa building.

"Hoy?! S-Sandali!" pagpipiglas ko.

Pinagtitinginan na kami ng mga tao sa loob kaya nanahimik na lamang ako. Panay-panay ang bati ng mga makakasalubong namin sa lalaki. S'ya nga pala ang boss dito.

Pagkarating sa tapat ng elevator ay doon pa lamang niya ako binitiwan. Pagkabukas ng elevator ay pumasok na ito at pinagtaka ko na walang kahit sino ang pumasok o nagtangkang sumabay sa kan'ya.

"Hey! Young Lady! Come in," utos nito sa'kin.

Napatingin pa ako sa paligid dahil ramdam ko ang mga tingin nila.

"Kayo po?" tanong ko sa mga ito.

Sabay-sabay silang umiling sa'kin kaya wala akong nagawa kung hindi ang pumasok na.

Pagkapasok ko ng elevator ay nagsara na rin agad ito.

"Bakit hindi mo sila pinasabay?" tanong ko.

"Because I don't want to? Ayoko may kasabay na empleyado sa elevator."

"E bakit mo pa ako isinabay? Sana mamaya na lamang ako," sagot ko.

"Because you are MY secretary," pagdidiin na naman nito sa word na My.

"Luh?! Kuya! Hindi pa ako pumapayag. Basta mo na lamang nga ako hinila rito," sumbat ko habang nakaharap na sa gawi niya. Magkaharapan na kami ngayon.

"Kuya?" tanong nito sabay ngisi. Kinilabutan naman ako sa paraan ng pagngisi nito.

Biglang tumunog ang elevator kaya hinila na naman niya ako sa kamay palabas. Isa lamang ang kwarto sa palapag na ito. At mukhang ito ang kan'yang tinatawag na office. Malaki ito, malaki pa nga sa bahay namin.

"Hindi ka ba natatakot dito? Ikaw lang mag-isa." Tanong ko pagkapasok namin sa office niya.

"No. And I'm not alone now. You're with me as my secretary, right?" tanong nito at bahagya pang lumapit sa'kin. Napa-atras naman ako.

"Pumayag ba ko?! Hoy! Mag didisi-otso pa lamang ako kaya labag sa batas 'yang pamimilit mo ah?!" dinuro-duro ko pa ito habang umaatras. S'ya naman ay mabagal na lumalapit.

"Hmm... So pure and innocent. Just work here as my secretary Miss?" mahinang sabi nito.

Nagtataasan na ang balahibo ko sa paraan ng pakikipag-usap nito sa'kin. Pati na rin ang mga tingin nito.

"Pero hindi nga ako nakapag college. High School graduate pa lamang ako—"

"That's fine. You can back to school while working here. Just be my secretary."

Napasandal na ko sa pader, dahil wala na akong ma-atrasan at na korner na niya ako. Itinuon niya ang kanang kamay sa pader at sobrang lapit na nito sa'kin.

"Is it a deal young Lady?" hinawakan nito ang baba ko at tiningala sa kan'ya.

Napapalunok na lamang ako at nakakaramdam ng kakaiba dahil sa kan'yang ginagawa. Kinakabahan din ako sa hindi malamang dahilan. Napatitig ako sa mga mata nito, gano'n din s'ya sa mga mata ko.

"O-Okay..." Mahina ngunit kinakabahan kong sabi dahil sobrang lapit namin sa isa't-isa.

Dahil sa sagot ko ay ngumisi ito at bumaba ang tingin sa mga labi ko bago ako layuan.

"Good... You may start now."

Ano raw? Agad na?