CHAPTER 30- ASKING QUESTIONS

“Kailangan ko ba talagang sumama? Hindi ba puwedeng iba nalang ang partner mo?” nakangusong pakiusap ko kay Jacob habang patuloy pa rin ako sa ginagawa kong painting.

Narinig ko ang kaniyang pagbuntong-hininga. Hinawakan niya ang aking balikat at marahang minasahe iyon.

“Andra, kapag hindi ka pumunta, wala akong ka-partner. Don’t tell me I could find another, ayoko ng iba, ikaw lang ang gusto ko.”

Huminto ako sa aking ginagawa at pansamantalang ibinaba sa lagayan ng gamit ang paint brush na hawak ko saka humarap sa kaniya.

Ilang beses niya nang binanggit ito sa akin. Kung hindi ako nagkakamali, ay pang-apat na beses na ito ngayon. Pinipilit niya akong sumama sa last practice ng wedding entourage para sa kasal ng kaniyang ama. Nahihiya naman akong pumayag dahil una, sino ba ako para sumali sa isang family event? At pangalawa, hindi naman ako importanteng tao para maging ka-partner niya. I am a nobody. Natatakot din ako na baka maging sentro ako ng atensiyon ng mga bisita sa kasal ng