Kabanata 21

Nakatukod ang magkabilang kamay ni Yamirah sa lamesa kung saan ginanap ang treinta minutos na meeting kanina para sa kumpanyang kinabibilangan niya.

Kani-kanina lang ay napag-usapan sa meeting ang tungkol kay Phoenixxx, ang hinahangaan niyang manunulat.

Bilang manunulat na humahanga lamang sa akda ng kapwa author ay ayos lang naman sa kanya na hindi makita ito, sa totoo lang. Hindi siya interesado sa personal na buhay nito, sadyang bumabangon lang paminsan-minsan ang kanyang kuryosidad.

Ngunit sa meeting na ito ay bigla siyang nabuhayan ng dugo. Ang nananahimik niyang kaluluwa ukol dito ay nagising at mukhang persistent siya sa balak niyang gawin. Makikita na niya ito! Ngunit ang kaisa-isang paraan para mangyari ito ay hindi madali. Bagkus, hindi niya ito kayang gawin.

Magkakaroon sila ng panibagong proyekto sa kumpanya. Isang collaboration series—serye na nahati sa sampu. Nangangailangan sila ng isang manunulat sa bawat parte at isa siya sa mga recommended. Unfortunately, what they a