Chapter 29

Sabado na ngayon, heto na 'yung araw na pinaka hinihintay ko. Mabuti na lang at pinayagan ako ni Mama dahil nagkaroon sila ng biglaang outing ng mga ka-officemate niya sa Pangasinan. Bukas pa ng gabi ang uwi nila.

Nag-text naman sa 'kin si Angelica kahapon para i-remind ako na huwag mawawala sa party niya bukas. S'yempre, ako pa ba ang mawawala, e heto na 'yung pagkakataon na hinihintay ko. Hindi ko 'to palalampasin kahit anuman ang mangyari.

Wala namang nakalagay na specific na susuotin sa invitation. Nakalagay lang doon na wear anything you want. Hindi ko pa napag-iisipan kung ano ang susuotin ko. Nakakahiya naman kung mag-pants and t-shirt lang ako.

Tumungo ako sa may cabinet ko para magkalkal ng damit. Makalipas ang ilang saglit, may napili na akong suotin. Black sando na spaghetti strap, papatungan ko siya ng white long sleeves at saka maong shorts naman na pambaba.

Nagdadalawang-isip pa ako no'ng una kung rubber shoes or flat shoes ang susuotin ko. Kung flat shoes naman kasi, b