Chapter 28

Nag-text si Angelica sa 'kin kanina, gusto niya raw kaming maka-bonding na magkakaibigan. Excited naman ako dahil dati sa chinese garter lang kami nagkaka-bonding. After so many years, hindi ko inaasahan na magtatagpo ulit kami at magiging magkaibigan. Agad ko itong ipinaalam kina Osang at Gela.

"Girls, gusto raw tayong maka-bonding ni Angelica mamaya," turan ko.

"Wow, seryoso ba? Feeling ko, ang sosyal niya, e," komento ni Gela.

"Hindi naman siguro siya mahirap pakisamahan. Saka siya naman ang nag-aya, kung saan man niya tayo yayain, e 'di go," sambit ni Osang.

'Yung datingan ni Angelica, mukha nga siyang mayaman na may pagka-spoiled brat. Pero sa tingin ko kaya niyang makisama kahit na kanino. Hindi naman siya 'yung sossy na maarte, feeling ko nga, may pagka-squammy rin siya minsan.

"Mabait naman siya kapag panatag ang loob ko sa kaniya. Go ba kayo?" ani ko.

"Magkakasama naman tayong tatlo kaya sige ako," saad ni Gela.

"Push natin 'yan, sayang ang libre kapag nagkataon," wika ni Osa