KABANATA 38

MALAKAS ang buga ng aircon sa ballroom kung saan gaganapin ang mala-rustic garden wedding setup nila ni Samarra. Pero kanina pa siya pinagpapawisan nang malapot habang ang mga kamay niya nanlalamig sa kaba. Ang dibdib niya walang tigil sa pagkabog nang malakas na siyang nagpapagulo sa isip niya. Atrasado na ng kalahating oras si Samarra na dapat ay narito na sa loob ng venue ng alas-sais impunto. Hindi niya rin magawang makangiti sa mga piling-pili nilang bisita na naroon para dumalo sa biglaan nilang kasal. Mga business partner at kamag-anak niya ang naroon. Hindi niya tiyak kung may kamag-anak din si Samarra na dumalo ngayon. Dahil tanging ang mga magulang lang nito ang nakikita niyang kasama ng magulang niya sa table. Lahat sila naghihintay sa walang katiyakan kung sisiputin ba siya ni Samarra o hindi. Sa tuwing nagtatagpo ang paningin nila ni Uncle Frost na siyang nagpapadagdag sa kaba na nararamdaman niya dahil parang may pang-uuyam na ngiti sa labi nito. Parang gusto nitong sabi