KABANATA 39

Buong durasyon ng kasal nila ni Zachary ay halos wala na siyang naiintindihan. Lamang ang lakas ng kabog sa dibdib kaysa sa sinasabi ng Judge na nasa harapan nila. Ang minsanan na pabulong-bulong ni Zachary sa tainga niya at sa tuwing tinatanong siya ng Judge. Lahat ng iyon ay nginingitian na lamang niya kahit ang totoo ay wala talaga siyang naiintindihan sa mga ibinubulong nito.

Sa tuwing pinipisil nito ang kamay niya ay gumaganti rin siya ng pagpisil sa kamay nito. Sa tuwing magtatama ang kanilang mga mata para pa itong maiiyak sa hindi niya malaman na dahilan. Hindi niya alam kung bakit napaka-emosyonal nito ngayon. Malayo ang pag-uugali na ipinapakita nito sa kaniya simula kaninang umaga kaysa noong una niya itong nakilala. Nawala ang pagiging arogante nito at pagiging dominante nito na napalitaan ng pagiging sweet at caring. Hindi rin nakakaligtas sa mga mata niya ang pasimpleng pagpunas nito sa gilid ng mga mata nito. Si Zachary lang ang nakilala niyang lalaki na napaka-emosyon