CHAPTER 2

Alam ni Althea na nakita siya ni Hendrix, pero hindi pa din nito sinaway ang kasamang babae sa loob ng sasakyan at sa halip ay hinayaan lang ipulupot nito ang mga kamay sa leeg niya para yakapin siya.

Sa inis ay pumasok na siya sa loob ng sasakyan niya at pinaharurot ang kotse niya palayo sa lugar na iyon.

Pagkarating niya sa bahay nila ay agad siyang dumiretso sa kwarto para magbihis, pero ilang minuto lang ay narinig niyang may sasakyang bagong dating. Nasa loob ng walk in closet si Althea nang maramdaman niya ang prisensya ng bagong dating sa likuran niya. Hindi niya ito pinansin at patuloy lang sa paghubad sa suot niyang hikaw para ibalik sa glass cabinet na pinaglalagyan niya ng mga alahas niya.

Hendrix leaned his hand on the glass cabinet, kaya salubong ang mga kilay ni Althea nang lingunin ito.

"Galit ka ba?" Tanong nito sa kanya.

"Tumabi ka at baka anong magawa ko sayo!" Banta niya sa asawa.

"Gusto ng pamilya Mendoza na bumuo ng business partnership sa isa sa mga proyekto ng kompanya. Ilang buwan na rin simula ng umpisahan namin ni Robert, panganay at tagapagmana ng Mendoza Group of companies, at isa pa nitong kapatid na si Joseph Mendoza ang pag-uusap tungkol sa gaganaping deal. Ang babaeng kasama ko kanina ay nakababata nyang kapatid, si Iris Mendoza" Paliwanag ni Hendrix.

"At tapos ano? Kapag hindi mo inaliw ang kapatid nila, hindi nito itutuloy ang business deal nyong dalawa?" Sarkastikong saad ni Althea.

"Maayos kong ipinapaliwanag sayo ang mga bagay bagay, Althea!" Singhal ni Hendrix.

"Wala ka namang kailangang ipaliwanag eh. Pero Hendrix, kung ayaw mo na at pagod ka na sa akin, kaya ko namang magpaubaya kung gusto mo ng mag-uwi ng ibang babae dito sa bahay."

"Anong sabi mo?" Nagsalubong ang mga kilay nito at hindi makapaniwala sa sinabi ni Althea.

"Ang sabi ko, we can file for an annulment." Hindi pa din inaalis ni Hendrix ang kamay niya sa glass cabinet, kaya sa halip na ibalik doon ang suot niyang hikaw ay itinulak nalang ito ni Althea palayo sa kanya, pero ng aktong lalampasan na niya ang asawa ay marahas na hinawakan ni Hendrix ang kamay niya at muling pinaharap sa kanya at binantaan siya.

"Hinding hindi mangyayari yan, kaya huwag mo na ulit babanggitin pa ang tungkol sa annulment!" Galit nitong sabi.

Hindi na sumagot pa si Althea, dahil tapos na. Nagawa na niya at pirmado na ni Hendrix ang mga dokyumentong pinapapirmahan ng ina nito. Buo na ang isipan ni Althea, ayaw na niya sa lalaking nasa harapan niya ngayon. Even if he's against it, ay itutuloy niya ang annulment nilang dalawa.

Ang akala ni Althea ay mananatili sa tabi niya si Hendrix ngayong gabi, pero umalis din ito kinalaunan matapos makatanggap ng tawag mula sa isang malambing at umiiyak na boses ng babae.

Kinaumagahan ay nakatanggap siya ng mensahe mula sa kanyang abugado at best friend at may kasama iyong screenshot. "Post ng girlfriend ng asawa mo." Pagbasa ni Althea bago pinindot ang picture. It's an overlooking view of a beautiful green scenery, at dalawang kamay forming a cute heart shape tulad sa ginagawa ng mga magkakasintahan. Agad na nakilala ni Althea ang kamay ng lalaki. Pagkatapos ay bumaba ang tingin niya sa caption kung saan nakalagay ang mga katagang 'Waiting for sunrise with my beloved'.

Kahit nagpasya na siyang hiwalayan si Hendrix ay para pa ring winasak ng pino ang puso niya nang mabasa ang caption.

Sa mga sumunod na araw ay hindi umuwi si Hendrix sa bahay nila, at kung nagkikita man sila sa trabaho ay hindi naman siya pinapansin nito. Kahit na ang sulyapan man lang siya ay hindi nito ginagawa, kaya naman hindi rin siya nagpakita ng kahit na anong interes sa asawa.

Nilunod ni Althea ang sarili sa trabaho, at kung may bakante man siyang oras ay naghahanap siya ng condo na malilipatan. Inumpisahan na rin niyang ibenta ang mga alahas na iniregalo sa kanya ni Hendrix, mula sa mga anniversary gifts, Valentine's day gift, birthday present, at maging ang wedding ring niya ay ibinenta nya na rin. Wala ng saysay para itago at ingatan pa ang mga ito dahil wala na siyang pakialam pa sa taong nagbigay ng mga ito sa kanya.

Kinagabihan ng araw na yun ay nakatanggap ng invitation si Althea mula sa isa sa mga kaibigan niya. Nagyayaya itong pumunta sila sa isang club. Wala sana siyang balak na sumama rito, lalo pa at 10 PM na, pero naisip ni Althea na malapit na siyang umalis sa poder ng mga Bonaventura, kailangan niyang makipagkaibigan and build a connection with others lalo na kung gusto din niyang nagtayo ng negosyo balang araw.

"Hindi mo na ako dapat sinundo pa. Kaya ko naman eh" Saway niya kay Hazel.

"Baka kasi mawala ka. Di ba hindi ka sanay na pumunta sa mga club?" Sagot nito at niyakap ang braso ni Althea.

Ngumiti nalang siya bilang tugon kasi totoo naman. First time niyang pumunta sa club na to. Sabay silang umakyat ni Hazel, pero pagkarating roon ay sa mesa kung saan walang masyadong nakaupo siya pinapwesto ng kaibigan. Ang totoo ay iisa lang ang taong nakaupo doon, medyo pamilyar rin ito kay Althea, mukhang girlfriend ito ng isa sa mga kaibigan ni Hendrix.

Wala siyang choice kundi ang umupo nalang, at inumin ang wine na ibinigay ni Hazel sa kanya.

Maya maya pa ay nakarinig ng malakas na tawanan si Althea sa katabi nilang lounge. Hindi niya lang makita kung sino ang mga ito dahil natatabunan ng malaking paso ang kinaroroonan nila. Nagulat nalang siya ng ang mga masasayang ingay ay napalitan ng bulungan patungkol sa kanya kaya naman pinakinggang mabuti ni Althea ang sinasabi ng mga ito.

"Guys, pansin nyo ba, hindi na sinasama ni Hendrix si Althea sa mga parties." Rinig nitong sabi ng isa.

"Syempre, mas cute at mas bata si Iris. Kahit saan magpunta si Hendrix ay kasama nya ito at tinuturing na parang prinsesa." Boses ni Hazel iyong narinig niya.

"Kahit gaano pa kaganda si Althea, siguradong nagsawa na si Hendrix sa kanya sa kama. Eight years na ba naman nya itong kasama."

"Sinayang lang niya ang oras at panahon niya kay Hendrix, in the end, ipinagpalit lang din sya nito. Kung tapos na si Hendrix sa kanya, pormahan ko na kaya si Althea? Kahit pinagsawaan na siya ni Hendrix ay sobrang ganda pa din talaga nito."

Nawala na sa mood na magsaya si Althea sa mga narinig niya. Lalong lalo na iyong dalawang huling nagsalita. Kilala niya ang boses ng mga iyon, mga kaibigan sila ni Hendrix, at akala mo ay sinong mga mababait kapag kaharap siya, tapos ay ganun pala ang tingin nila sa kanya? Isama pa si Hazel, she thought she's her friend.

Kahit na ang babaeng kasama niya sa table ay halatang nailang dahil sa mga narinig na sinasabi ng kabilang table patungkol sa kanya, kaya naman tumayo si Althea bitbit ang iniinom at lumapit sa kabilang lounge.

"Oh come on, eight years kong nakasama si Hendrix, kahit ako sawang sawa na sa kanya sa kama eh." Singit ni Althea sa pag-uusap ng mga barkada ng asawa niya.

Lahat sila ay natahimik sa bigla niyang pagsulpot, hindi alam ang gagawin, at halatang naiilang.

Pero ilang sandali pa ay nabakasan ni Althea ng pagkabalisa at takot ang ekspresyon ng mga taong nakatingin sa kanya. Their eyes would shift to her, at pagkatapos sa bandang likuran niya.