Chapter 22

MALAKAS na sigaw ni Mauricio ang nagpagising sa ng mga tao sa loob ng mansyon ng mga Montecarlo. Namumula ito sa galit na para bang kaya na nito pumatay. Halos magkakasabay na lumabas sila Lianna, Claudia at Ishmael.

“Para lang sa pamilya ang usapan na ito, hampas lupa!” galit na sabi ni Claudia.

Napasulyap naman si Lianna kay Emmanuel na nakakunot ang noo habang nakatingin kay Claudia. Ngumisi si Lianna, total naman ay sinabi ni Emmanuel na lumaban siya pwes gagawin niya.

“Gusto ko lang makita kung paano kayo sasampalin ni Senyor Mauricio,” nakangiting sagot ni Lianna. Agad siyang hinila ni Emmanuel at saka itinago sa kanyang likod.

“Claudia, hindi ba sinabihan na kita na huwag mong kakantihin ang asawa ko. Hindi mo gugustuhin ang magagawa ko,” galit na sabi ni Emmanuel.

Hinila nito si Lianna paibaba ng hadgan at saka sila pumunta sa kinaroroonan ni Mauricio. Galit na galit ito habang nakatingin sa mga papeles.

“Daddy, anong problema na naman?” nagtatakang tanong ni Ishmael.

Agad n