Chapter 25

LUMIPAS ang ilang araw ay naging maayos naman ang buhay ni Lianna sa mansyon ng mga Montecarlo. Ilang araw na rin na nakapagpahinga siya kay Emmanuel dahil hindi na ito umuuwi pa. Masyado itong busy sa isang proyekto nito na paparating.

“Nandito pala ang isang anay,” Napatigil si Lianna sa pagpupunas ng hagdan ng narinig niya ang boses ni Savannah. Masama ang tingin nito sa kanya na para bang ang laki ng kasalanan niya rito.

Gustong ngumiti ni Lianna dahil nakita niya ang papagaling na mga pasa sa mukha ni Savannah. Akala ba ni Savannah ay uurungan niya ito? Nagkakamali ito ng inaapi dahil hinahayaan lang naman niya na apihin siya ni Claudia. Ngunit kung tutuusin ay pwede siyang gumanti na pinipigil niya sa ngayon.

“Magandang umaga, Savannah. Ano ba ang mapaglilingkod ko ngayon?” Naging magalang si Lianna saka nagpunas ulit ng hagdan. Nagulat siya ng may nahulog na mga putik sa hagdan saka nakangising tumawa si Savannah sa kanya.

“Katulong ka rito, hindi ba? Punasan mo ulit 'yan para