CHAPTER 8 COURTING

"Darlene, anong ibig sabihin ng mga ito?" Tanong ni Aliyah kay Darlene habang nakaturo sa mga damit na nakalapag sa kama niya.

Sinulyapan siya nito at tiningnan nito ang mga damit sa kama, "Sayo daw yan, Ate, binili ni Kuya." Sagot nito habang nakangiti at kinikilig.

"May mga damit naman ako ah! Nasaan ba siya?" Nangunot ang noo niya.

"Nasa kwarto niya yata. Kararating lang." Sagot nito saka nag kalikot muli sa laptop nito.

"Sabihin mo naman sa kanya, gusto ko siyang makausap! Pretty please." Pagsusumamo niya rito.

Ayaw niyang siya ang lalapit dito, dahil ipinagkakanulo siya ng sarili niya.

"Puntahan mo na siya sa kwarto niya Ate, hindi naman siya nangangagat." Pilyang sagot nito na hindi siya nililingon.

Napakagat labi tuloy siya. Ayaw niyang pumunta sa kwarto ni Reed baka kung ano na naman ang maisipan nito na gawin sa kanya. Para pa naman siyang nahi- hipnotismo kapag nagkakatitigan sila nito.

"Ayoko. Puntahan mo muna siya, please pretty. Ibibigay ko sayo lahat itong mga damit. Maganda pa naman ang mga ito at bagay na bagay sayo...See? Sakto din ang mga ito sayo." Pinakita pa niya ito.

"Ate, binilhan din kaya ako ni Kuya." Sinulyapan siya nito saglit bago binalik muli ang tingin sa screen ng laptop nito habang napapailing sa akto niya.

"Sige na kasi, puntahan mo na siya, sabihin mo mag-usap kami." Pangungulit niya rito. Nilapitan pa niya ito at niyugyog sa braso.

"Ate naman eh! Takot ka ba kay Kuya?." Huminto ito sa ginagawa at hinarap siya nito.

"Hindi ah! Ba't naman ako matatakot!" Napaiwas siya ng tingin dahil takot talaga siya. Hindi kay Reed kundi sa sarili niya.

"Ewan ko sayo Ate! Kung hindi ka takot, puntahan mo na siya doon at kausapin mo. Bakit hindi mo gayahin si Ate Reem, nang magka pamangkin na ako." Nakangiting tukso nito at sinundan ng tingin ang pagtayo niya.

"Whatever, Darlene! Makalabas na nga lang!" Wala siyang nagawa dahil hindi niya talaga ito napapayag.

Tinawanan lang naman siya nito at tinukso pa, "Ayeee! Ate, nahihiya kay Kuya Reed."

"Duh! Diyan ka na nga!" Nag martsa siya palabas ng silid at dumiretso siya sa sala.

Nagpalakad-lakad siyang muli habang nakahalukipkip, nag-iisip siya kong pupuntahan niya ba si Reed sa kwarto niya.

Hindi niya namamalayan na ang taong gusto niyang makausap ay nasa may pinto lang ng living room at nakangiting nakamasid sa kanya. Nang maramdaman niya na may nakatingin sa kanya ay lumingon siya sa may likuran niya at napaigtad siya sa gulat.

"Reed! My God! Kainis ka talaga!" Napahawak siya sa dibdib niya.

"What? Ikaw diyan ang may malalim na iniisip! Ako ba ang iniisip mo, Baby?" Tukso nito sa kanya.

Nilapitan niya ito at hinampas ito habang ito naman ay natatawa sa reaction niya.

"In your dreams. Teka nga! Bakit pala binilhan mo ako ng sandamakmak na damit? Balak mo ba akong pag tindahan ng damit dito?" Nakapamewang na hinarap niya ito.

Aanhin niya ang damit kung ang negosyo niya ay mga damit din.

Hinawakan nito ang braso niya,

" Hindi ba sinabi mong ligawan kita? Kaya ayan, nagsisimula na ako." Mayabang na sagot nito.

Napalaki ang mata niya sa narinig, at naningkit ang singkit na nitong mga mata.

"Really? At dadaanin mo ako sa materyal na bagay o kung anu-anong anik-anik na mamahalin, ganern?" Taas kilay na tinapunan niya ito ng matalim na tingin, bago tinulak ito ng marahan.

Napatawa si Reed sa sinabi niya.

"Huwag mo nga akong tatarayan, Baby! Hindi bagay sa maamo mong mukha. Hindi ka nga yata siguro marunong magalit." Nanunuksong sambit nito at dahan-dahang lumapit sa kanya.

"Wait! Diyan ka lang! Huwag kang lumapit sa akin. Sinusubukan mo ako talaga ako, Mr.Sebastian?" Paangil na bulalas niya ritohabang umaatras din.

"Maybe!? Hmmm, bakit umaatras ka yata? Ang tapang-tapang mo kani-kanina lang ah," nangingiting tukso nito.

" Hindi nga! Sobrang dami ng damit. Tsaka, aanhin ko iyon. Diyos ko, ganyan ka ba, ka kwela sa mga babae na nililigawan mo?" Napahinto siya dahil naramdaman na niya ang wall sa likuran niya.

"Eh, sa ganyan ako manligaw." Na corner siya nito at hindi na siya makakatakas pa.

Ito ang ayaw niya dito kapag magkalapit sila, nawawala siya sa katinuan. Lalo na kapag nalalanghap niya ang bango ng hininga at pabango nito.

"Ewan ko sayo bahala ka nga diyan!" Malakas na tinulak niya ito at padabog na naglakad siya patalikod ngunit hinila siya nito at iginiya papuntang kwarto nito.

"Reed, anong gagawin mo sa akin? Saan mo ako dadalhin." Pilit niyang hinihila ng braso niya pabalik, ngunit mas malakas ito sa kanya kaya naipasok siya agad sa silid nito. "Bakit mo ako dinala dito sa kwarto mo?" Naghuhuromintado ang puso niya dahil sa pagkakalapit nila.

"Gusto kong magpahinga kasama ka at matulog." Bulong nito sa punong tainga niya.

"A-Ano? Bakit Kailangan pa na nandito ako ?" Naguluhan na tanong niya.

"Syempre para hindi kita iniisip kong nasaan ka at kung ano ang ginagawa mo. Dahil nandito ka lang sa tabi ko." Kinabig siya sa baywang nito. Magkaharap sila habang nagsusukatan nang tingin. Nakakapanghina ang bawat titig nito sa kanyanat ang bango ntoKo na nanonoot sa kaloob-looban niya.

"Baliw ka talaga! Kung anu-ano ang pumapasok sa utak mo." Umiwas siya ng tingin dahil nag-iinit ang pisngi niya sa kilig dahil sa mga banat nito sa kanya.

"My God! Ilayo mo ako sa tukso!" dasal niya sa isip.

"Baliw nga ako, baliw na baliw na sayo!" Sagot naman nito at hinila siya pahiga sa kama.

Napatili siya sa ginawa nito at akmang babangon na siya, ngunit dinaganan siya nito. Hindi siya nakagalaw, ramdam niya ang matigas na bagay sa ibabang bahagi ng puson niya.

"R-Reed, I'm warning you! Kung ano man ang binabalak....." hindi na niya na ituloy ang sasabihin dahil hinalikan na siya nito sa labi.

Halik na nang-aakit at patudyo-tudyo na nagbibigay init sa buong sistema niya.

"Halik lang pala nakakapagpa tahimik sayo eh!" Bulong nito ng tinapos na ang halikan nila. Humiga ito sa tabi niya at niyakap siya sa baywang.

" I hate you, Reed. Pinaglalaruan mo lang ako. Huwag ako please!" Tumalikod siya dito.

"I'm not playing with you Aliyah! Totoong gustong-gusto kita. At ayokong hindi kita nakikita. Gusto kong nasa tabi lang kita lagi."

Hinila siya nito paharap sa kanya.

" Hindi naman ganyan kadali. Hindi pa tayo matagal na magkakilala, Reed! We don't even know each other. Baka isang araw may babaeng susugod sa akin dito at kaladkarin ako palabas." May pag-aalala sa boses niya.

Bumuntong hininga ito, "Okay. Look, I'm sorry! Pwede ka nang lumabas." Wika nito sa mababang boses at hindi na ito tumitingin sa kanya.

"Reed, intindihin mo naman ako. Takot akong masaktan! Natatakot na nga ako sa nararamdaman ko para sayo. Alam mo 'yon, hindi ko rin kayang tanggihan ka. Naninibago ako sa nararamdaman ko."

Frustrated na wika niya.

Dahil sa sinabi niya, napaharap ito sa kanya.

"What do you mean? Do you like me also?" Tanong nito na hindi na hinihiwalayan ng titig.

Tumango siya rito at napakagat labi.

"Really? Yes! " Masayang sigaw nito.

"Hoy! Hindi pa kita sinasagot, ah!" Sabi niya at nilagay ang kamay sa bibig ni Reed, baka kasi may makarinig sa kanila.

Hinawakan nito ang kamay niya, "Don't worry, kahit mag sisigaw ka pa dito, hindi ka maririnig sa labas. Tayo lang ang makakarinig kong may tao sa labas."

"Really?! Ang high tech talaga ng bahay mo. Nakakatakot mag-isa baka may anaconda sa ilalim at bigla na lang akong kainin."

Nahihintakutan niyang bulalas. Kahit naman sa kwarto ng mommy at daddy niya ay sound proof din.

"Silly girl! " Sagot nito bago pinisil ng marahan ang ilong niya.

"Ang creepy nga kasi ng Villa mo! Wala bang ahas dito?" Tanong niya habang pinagmamasdan ang masayang aura nito.

Wait! What?! Oh no!!! Tili niya sa isip bigla kasi niyang na realize na ang kamay niya ay nakayakap sa baywang ni Reed. Habang nakaunan sa makisig na bisig nito.

Namumulang pa simple niyang hinila ang kanyang kamay ngunit pinigilan siya nito.

"Please! Let stay like this. Wala akong gagawin sayo, promise," pagsusumamo nito at kinabig pa siya palapit at sinubsob ang mukha sa may leeg niya.

Lalong bumilis ang tibok ng puso niya at ramdam na ramdam niya ang hininga nito sa leeg niya. Hinayaan niya ito doon dahil gumagaan din ang pakiramdam niya.

Ang bango-bango niya.

Natitilihang wika niya sa isip at napapakagat labi na lang siya para mapigilan ang kilig na gusto ng lumabas.

"Ahmm, Reed, pwede magtanong sayo? "

" Pang-autograph ba ang itatanong mo?" Bulong nito na ngayon ay nakayakap na sa baywang niya.

Napahagikhik siya, "Hmmm, pwede rin... Bakit mo ako gusto?"

"Bakit nga ba?" Inangat nito ang mukha at nakangiting balik tanong nito.

"Haisst! Sige na, sagutin mo na kasi ako!" Pangungulit niya.

Sumeryuso ito, "Because you are different from all the women I have met. I want to take care of you. When you were about to drown, I realized that you were very weak and needed someone to lean on." Mahabang sagot nito habang hinahaplos ang pisngi niya.

"May pamilya naman akong nagmamahal sa akin ah, at tagapagtanggol. Hindi mo pa kilala ang pamilya ko." Sinulyapan niya ito. Magkalapit ang mga mukha nila at nakatingin sa isa't-isa habang pareho sila na nakatagilid.

" I know your family, Baby! That's why I like you, kasi hindi mo ipinagmamayabang ang estado mo sa buhay, hindi ka katulad ng ibang babaeng mayaman na spoiled brat at sunod sa layaw." Hinawi nito ang nakatakas na buhok niya na napunta sa pisngi niya at nilagay sa likod ng tainga niya.

"What do you mean? Kilala mo ang pamilya ko?" Gulat na tanong niya.

"Of course. Kahit ang buong angkan mo." Sagot nito.

Napalaki ang mata niya.

"Paano? Hindi naman nilalahad sa publiko ang buhay namin."

"Huwag mong e- underestimate ang kakayahan ko, Baby!" Bulong nito.

"Hmmm. Sabagay. Kilala mo ba ang Kuya ko?" Tanong uli niya.

"Yeah! He's one of my good friend also. Pero dahil sa klase ng trabaho niya ay hindi kami madalas magkita."

Napabalikwas siya sa sinabi nito, "Why not telling me this early?"

"Bakit ba? Hindi ka naman nagtatanong ah! Takot ka ba sa Kuya Azzam mo?" Nakakunot ang noo nito.

"No. I'm not! Ma-bully kaya iyon sa akin."

Nakasimangot na sagot niya saka ngumuso.

" Don't pout your lips, coz I always attempt to kiss you." Hinila siya ulit nito pahiga. Pinaunan siya nito sa mga bisig nito.

"Reed Sebastian...Kumukuta ka na sa kakahalik sa lips ko! Hindi pa nga kita sinasagot!" Kinurot niya ito sa baywang.

Ngunit hinawakan nito ang kamay niya at iniyakap sa baywang nito.

"Doon din naman ang punta natin eh! Bakit pa natin patagalin?" Sabi nito at niyakap siya ng mahigpit.

Hindi siya nakaimik sa sinabi nito. Ayaw naman niya itong sagutin.

"Diyos ko! Ilayo mo ako sa tukso. Ang sarap niyang papakin!" Ang bango-bango kasi nito talaga.

"Aliyah, thank you..." Bulong nito at hinalikan siya sa buhok. Hindi siya umimik dahil kapag magdaldal pa siya baka hindi na niya ito matiis at masagot na niya.

Pumikit siya at bahala na lang ang susunod na kabanata nila. Hanggang sa tangayin na siya ng antok.