CHAPTER NINE

"Hindi ka pa pumapasok sa silid natin, my dearest," ani Aries Dale sa asawang panay ang tingin sa main gate. Nasa balkonahe sila ng kanilang silid ngunit tanaw na tanaw nila ang buong paligid.

"Lumalalim na ang gabi ngunit hanggang ngayon ay wala pa ring Lance Steven na nagbalik dito kay Princess, my dearest. Subalit alam mo ba na wala akong makapang galit para sa kaniya kahit pa sabihing proven ng CCTV sa lugar na iyon na siya ang tumangay kay bunso? Alam kong hindi ka maniniwala subalit iyon ang totoo, my dearest. Kagaya ni Miguel ay umaasa akong ibabalik niya rito si bunso," pahayag nito.

Kaya naman ay naupo siya sa tabi nito saka bahagyang isinandig ang katawan nito sa sarili niya. Parehas lang naman silang lahat nang iniisip. Subalit kahit bali-baliktarin man ang nangyari ay bukod sa namatay ang apat na kalalakihan sa van at talagang kidnapping ang ginawa nito. Tinangay ang bunso nila at hindi agad ibinalik sa piling nila. Oras na wala pa rin ito hanggang sa kinabukasan ay declar