CHAPTER 4

ANG PAGTATANGHAL

Unang araw ni Lily bilang piyanista sa western restaurant ng pamilya ni Sussie at nagkataon na nadoon din si Gino para sa isang business meeting.

Napatda ito nang makita si Lily sa entablado, wala itong alam na marunong tumogtog ng piano si Lily. Pagkatapos ng kanilang kasal noon, ang alam lang nito ay isang mabuti, mahinhin at masunuring babae si Lily, at bukod pa doon exciting at enjoyable din ito pagdating sa kama. Maliban doon ay wala siyang alam na may espesyal na talento ito, wala siyang alam na marunong pala itong mag-piano.

May piano sa kanilang bahay noon na ipinabili pa niya sa ibang bansa na nasa Isa sulok lang bilang dekorasyon ngunit kailan man ay hindi niya narinig na tumugtog si Lily, ni hindi man lang niya nakita na lumapit at nagka-interes ito sa piano.

Ang alam lang ni Gino ang mga kamay ni Lily ay para lang sa mga gawaing bahay, tulad ng paghuhugas ng pinggan at paglilinis. At syempre upang pasayahin siya tuwing gabi, alam niya ang bawat hubog ng katawan nito, at masasabi niyang wala itong kakayahang tumugtog.

“What is she doing up there? Is she nuts? Akala ba niya ganoon lang kadaling tumugtog,” sambit ni Gino habang nakatingin kay Lily.

Ngumiti ang lalaking kausap ni Gino para sa negosyo, nakaupo sila sa isang table at nakatuon ang mga mata kay Lily.

“Well, wanna make a beat? If she is capable, bigyan mo ako ng twenrty percent discount sa deal natin, at kung hindi, I’ll sign the contract right away,” sabi ng lalaki sabay kibit balikat.

Mukhang interesado ang kausap niya kay Lily, sa paraan ng mga titig nito kay Lily habang nag-uusap sila ay halatang nagustuhan nito ang asawa. Nakaramdam siya ng pagkadisgusto, ganun pa man sumangg-ayon siya agad.

“Deal!” tipid na sagot nito.

Pagkatapos sumagot ay mataman niyang pinagmasdan si Lily, Lily is wearing a burgundy fitted dress na lalong pinatingkad ng maliwang na ilaw. Nakalugay ang mahaba at wavy nitong buhok, na bumagay sa makinis at maliit niyang mukha. She looks gorgeous, aminado siyang kaakit-akit at maganda ang hubog ng katawan nito.

Lily bite her red plump lips habang nakaupo sa harapan ng piano. She waited a little longer bago niya itinataas ang mga daliri sa ere, tila tinatantiya ang piano piece na kanyang tutugtugin.

Pagkatapos ng ilang segundo,pumailanlang ang malamyos at magiliw na musika.

Ang mga daliri nito ay parang sumasayaw sa saliw ng musika. Graceful, calculating at parang lumulutang sa gaan. Sa sandaling nagsimula itong tumugtog, parang naging ibang tao ito. She's full of confidence and she shines like a star. Sa mata ni Gino, bigla itong nag-iba, ibang-iba sa dating Lily na umiikot lang ang mundo para sa kanya.

Biglang umigting ang panga ni Gino, nakalapat ang manipis nitong mga labi. Hindi ito makapaniwala na Lily is that capable. She used to follow him around, ginagawa ang mga bagay na nagpapasaya sa kanya, tapos wala man lang siyang alam na may tinatago nitong talento. Sumibol ang galit sa puso niya. Kahit pa slight itong nagkamali sa umpisa ay mabilis naman itong nakabawi, ni wala man lang sa mga nanonod ang may oras na makapag-reklamo sa bilis ng pagbawi nito.

Pagkatapos niyang matugtog ang unang piece, masigabong na palakpakan ang sumalubong sa kanya, malapad na ngumiti si Lily, sa mainit na pagtanggap sa kanya ng mga tao sa kanyang unang araw. Tumayo siya saglit, yumuko sa harapan ng lahat tanda ng kanyang pasasalamat bago siya umupo muli at sinimulang tumugtog ulit ng ikalawang piyesa.

Biglang nagdilim ang anyo ni Gino ng masilayan ang matamis na ngiti ni Lily.

“Pano yan Mr. Tan, a deal is a deal, hindi mo na pwedeng bawin ang kasunduan natin.” sambit ng kausap ni Gino at pagkatapos ay tumawa ito ng malakas.

Agad namang kinuha ni Gino ang cellphone at may tinawagan.

“Prepare the contract at dalhin mo agad dito sa restaurant!” turan nito na hindi inaalis ang tingin kay Lily.

Eksakto alas diyes ng gabi, tapos na ang trabaho ni Lily. Nakatayo siya sa labas ng restaurant at hinintay si Sussie para sunduin siya, nangako itong susuduin siya pagkatapos ng trabaho. Habang nakatingin siya sa maingay na kalsada, sa nagkikislapang mga ilaw, bigla siyang inatake ng kalungkutan, na para bang wala siyang nagawa. Nasa ganoon siyang pag-iisip ng may magsalita sa likuran niya.

“Sa tingin mo ba, kaya mo nang mamuhay ng matiwasay dahil lang sa marunong kang tumugtog sa entablado?” sabi ng malamig na bosses ni Gino.

Huminto ito sa tapat niya at humugot ng sigarilyo sa bulsa at inilagay sa bibig. Sinulyapan ito ni Lily sa gilid ng mga mata, mas matangkad ito ng di hamak sa kanya, at nagsusumigaw ang kagwapohan nito sa liwanag ng gabi. Matigas ang panga nito, ang bibig nitong may nakasubo na sigarilyo ay extra pogi points sa kanya, tila ba sa isang iglap ay lumambot ang puso niya. Minsan na niyang naging weakness ang aura nito, kung paano tumahip ng malakas ang dibdib niya kapag nasisilayan ang gwapong mukha nito.

Pero kapag naalala niya ang pagtataksil nito sa kanya ay napapalitan ng sakit ang lubos na paghanga niya rito. Tila ba binabayo ang dibdib niya sa sakit.

“Wala ka nang pakialam kung paano ko buhayin ang sarili ko,” matigas na sambit niya at nagbigay ng distansiya sa pagitan nilang dalawa.

Alam niyang minamaliit ni Gino ang kakayahan niya, napag-alaman niya kay Sussie na isa pa lang matagumpay na negosyante si Maggie, ang babaeng kinahuhumalingan nito at wala siya sa kalingkingan ng babae kung ikumpara silang dalawa.

Pero wala na siyang pakialam, ang tanging hangad niya ngayon ay mamuhay ng matiwasay at tuparin ang mga pangarap niya na naudlot dahil sa lintik na pagmamahal niya kay Gino. Sa lalaking, sa loob ng mahabang panahon ay hindi man lang nakita ang kahalagahan niya.

Tinitigan siya ni Gino ng masama, naglapat ang manipis nitong mga labi na may nakaipit na sigariyo. Maya-maya lang ay tinanggal nito ang sigarilyo sa bibig, inihulog sa sahig at tinapakan ng madiin.

“Tandaan mo Lily, habang hindi pa aprobado ang mga papeles natin, asawa pa rin kita, kaya huwag na huwag kang gumawa ng bagay na ikakahiya ko!’ asik nito sa kanya.

“Baka nakakalimutan mo, lihim ang kasal natin, hindi alam ng publiko na asawa mo ako. Kung ayaw mong mapahiya, madaliin mo ang mga papeles, tutal naman marami kang koneksyon di ba?” biglang kumirot ang puso ni Lily sa kalamigang ipinakita ni Gino sa kanya.

Ngayon lang niya napagtanto na sa kabila ng maayos na pakikitungo niya rito sa loob ng dalawang taong, ay napakalayo pa rin nito sa kanya, ni hindi man lang lumambot ang puso nito sa kanya. Mainit lang ito sa kanya sa kama, daig pa niya ang isang parausan sa piling nito. Yun lang ba halaga niya para dito, isang tagapawi ng makamundo nitong pagnanasa? Sa loob ng mahabang panahon hindi man lang ba nito nerespeto ang pagkakabae niya, ang pagkatao niya?”