CHAPTER 3

HIWALAYAN

Lily nag-away ba kayo ba kayo ni Gino? Bakit may dala-dala kang maleta at namugmugto yang mga mata mo? Dahil ba kay Maggie? tanong ng kaibigan ni Lily na si Sussie.

“Maggie?” kunoot noong tanong ni Lily, “may alam ba si Sussie tungkol sa babae ni Gino?” tanong ng isip niya.

“Yes, kababata ni Gino si Maggie at kababalik lang nito galing ibang bansa at balita ko magkasama sila ni Gino noong isang gabi, Don’t tell me, nagseselos ka kay Maggie?”

"Hiniwalayan ko na siya Sussie, Hindi ko kayang may ibang babae si Gino maliban sa akin.”

“What!”

Napakunot noo si Sussie at hinawakan ang braso niya at kinalakkad siya sa sofa at sapilitang pinaupo doon.

“Bakit naman yata bigla-bigla ang desisyon mo?" Di ba mahal na mahal mo si Gino, mag-usap nga kayo, baka lang may hindi kayo pagkakaintindihan at isa pa baka nagpapadala ka lang sa bugso ng damdamin mo. Kung tungkol ‘to kay Maggie, isa lang siyang kababata ni Gino, at ikaw naman asawa niya. Mahunos dili ka nga girl, huwag ka nga d’yan nagpadala sa selos.” payo ng kaibigan.

Napailing si Lily, naalala niya ang pag-uusap nila ni Gino, hindi lang isang magkababata ang relasyon ng dalawa. Habang iniisip niya ang tungkol sa video at pagtatanggol ni Gino kay Maggie, tama lang na makipaghiwalay siya dito. Ramdam niyang espesyal para kay Gino si Maggie.

Kinuha niya ang kanyang telepono, binuksan ang video, at iniabot ito kay Sussie.

“Tingnan mo at sabihin mo sa akin na magkababata lang sila at wala silang relasyon.”

Napasinghap si Sussie sa nakita, at biglang nag-iba ang ekspresyon ng mukha nito. Tila ba biglang uminit ang ulo nito, namula ang pisngi nito na para bang magkakulay na ang mukha nito sa matingkad at mahaba nitong pulang buhok.

“Ang walang hiyang lalaking yun! The nerve para lokohin ka niya, you have been so good to him at ito ang igaganti niya sayo. Wala siyang konsensya! Wala siyang awa,"kuyom ang kamaong sambit ni Sussie.

Binawi ni Lily ang kanyang telepono sa kamay ni Sussie na parang madudurog na sa higpit ng hawak nito. Masyado itong nanggigil ng makita ang video.

“Why not ilabas natin ang video na yan at ng mapahiya ang dalawang yan sa kabalastugang ginagawa nila,” mungkahi ni Sussie.

Umiling si Lily at bahagyang ipinikit ang nga mata.

“Bakit naman hindi? Wala ka namang dapat ikatakot kung ikaw ang nasa tama, tama lang malaman ng publiko ang panloloko niya sayo.”

"Huwag na, tutal nakapag desisyon na ako na makipaghiwalay, para sa akin ilabas ko man ang video o hindi wala na ring saysay ang lahat, napagtanto ko na wala akong halaga kay Gino, Hindi niya ako minahal Sussie, mapapahiya lang ako.”

Wala rin namang magbabago kahit mabunyag ang pagtataksil ni Gino, makapangyarihan ang pamilya nito, hindi kayang tapatan ng pamilya niya ang pamilya nito. Maaringbakitarin ng mga ito ang katotohanan at siya pa ang magmumukhang masama sa bandang huli. Bukod pa dito alam niyang hindi siya kayang ipaglaban at suportahan ng mga magalang niya laban kay Gino.

Walang nagawa si Sussie kundi ang mapa-buntong hininga, may gusto pa sana siyang sabihin sa kaibigan pero hindi na niya ipinagpatuloy, kitang-kita niya ang desperasyon sa mukha ni Lily.

Nasa loob sila ng apartment ni Sussie sa lungsod, nang tawagan niya ito ay agad itong dumating para sunduin siya. Mayaman ang pamilya ni Sussie, pagkatapos nitong makapagtapos ng kolehiyo ay agad itong binilhan ng pamilya ng apartmernt , at isang studio sa sentro ng lungsod.

“So ano ang plano mo ngayon?” tanong ni Sussie ng matapos niyang mailagay ang mga gamit sa kwarto ng kaibigan

“Pupunta sa abogado bukas para legal na makipaghiwalay kay Gino, at kapag tapos na ang legalities, maghahanap ako ng trabaho para suportahan ang sarili ko.”

Mayroon pa naman siyang naipong pera mula sa kanyang monthly allowance, kahit papano may panggastos pa siya habang maghahanap ng trabaho.

“In that case, maari kitang tulungan, marunong kang mag-piano di ba? Kaalis ng piyanista sa restuarant ng pamilya namin, pwede kitang irekomenda doon.”

Sa pagkakaalam niya, si Sussie ang namamahala sa western restaurant na pagmamay-ari ng pamilya nila kung saan may mga nagtatanghal na piyanista para aliwin ang mga customer. At alam nitong nag-aral siya ng piano mula pa pagkabata at hindi man sa pagmamayabang alam nitong magaling siya na pwedeng ihambing sa mga propesyonal.

“Salamat talaga Sussie, ang gusto ko sana ay magamit ang kaalaman ko sa interior design, mag-submit ng resume sa mga kompanya, para makakuha ng trabaho ayon sa natapos ko. Pero habang wala pa akong nahanap na trabaho ay tatanggapin ko ang alok mo. Ayokong maging pabigat sayo Sussie, kahit papano may panggastos ako sa pagkain at tirahan ko.

Isang libangan lang para sa kanya ang pagpa-piano at hilig naman niya at gustong-gustong gawin ay ang pagdidisenyo. Alam niya sa sarili na magaling siya sa larangang pinili niya.

Bago niya pinakasalan si Gino ay nanalo na siya ng mga parangal sa kanyang matagumpay na proyekto, may magandang kinabukasan na naghihintay sa kanya sa larangan na kanyang pinili, ngunit lahat ng iyon ay ipinagpalit niya sa pagmamahal niya kay Gino. Hindi niya alam kung kaya pa ba niyang ibalik ang mga oras na iyon, Hindi niya alam kung makakasabay pa siya sa bilis ng pagbabago ng modernong panahon.

Habang iniisip niya ito ay nakaramdam siya ng paninikip ng dibdid at sandaling pagkabahala. Bahagya niyang ipinikit ang mga mata at humugot ng isang malalim na buntong hininga.

Habang tinitningnan ni Sussie ang kaibigan ay nahabag ang puso niya, bahagya niya itong tinapik sa balikat at sinabing.

“Alam kung pagod ka, you need some rest, ituring mong sariling bahay ang apartment na ‘to. May trabaho pa ako at hindi kita masasamahan, ikaw na muna ang bahala dito habang wala ako. Kumain ka at magpahinga, basta kung may iba ka pang kailangan na wala dito sa bahay tawagan mo na lang ako, okay?”

Tumango si Lily bilang tugon. Noon pa man ang bait na ni Sussie sa kanya, magkaibigan na sila noong bata pa, magkaklase sila sa mula pa noong kindergarten, nagkahiwlay lang sila noong mag kolehiyo, ngunit nanatiling matatag ang kanilang pagkakaibigan. Kahit pa nalugmok ang pamilya nila ay nanatili pa ring matibay ang pagkakaibigan nila.