THE COWARD HUSBAND'S SHAME:THE OBEDIENT WIFE HE NEVER VALUED

ANG PAGTATAKSIL

Nanginginig ang mga kamay ni Lily, matapos mapanood ang video ng pagtataksil ng asawa. Hindi siya makapaniwalang pinagtaksilan siya ni Gino, ang lalaking una niyang minahal at pinaglaanan ng kanyang buhay. Paulit- ulit na pumasok sa isipan niya ang eksenang, tila isang bangungot na ayaw mawala sa sistema niya.

Sa napanood niyang video, isang babae ang kasama ni Gino na pumasok sa kwarto ng isang hotel. Ang sabi nito ay may business meeting ito, ngunit hindi niya inakalang business with pleasure pala ang pinuntahan nito. Sa sweetness ng dalawa, alam niyang may namamagitan sa mga ito, not only business ngunit higit pa doon. Hindi na nga makapaghintay ang mga ito na makapasok sa loob ng kwarto, sa labas pa lang ay nagyayakapan at naghahalikan na ang mga ito.

Ang unang pumasok sa isip niya ay marahil nalungkot lang si Gino, lalaki ito at may pangangailangang pisikal din ito at dahil wala siya sa tabi nito kaya naghanap ito ng babae para pawiin ang init ng katawan nito. After all, he is a vigorous man. He look decent sa panlabas na anyo, ngunit siya lang ang nakakaalam kung gaano ito kahalimaw pagdating sa kama tuwing gabi, sa loob ng dalawang taong magkasama sila, mabibilang lang ng mga daliri niya ang mga gabing hindi siya nito inangkin. Ngunit iba ang sinasabi ng puso niya, salungat sa dinidikta ng utak niya, nasasaktan siya at tila gumuho ang mundo niya sa nakita.

Humugot siya ng isang malalim na buntong hininga at pinatay ang cellphone na hawak, at tiningnan niya ang cake na nasa harapan niya na ilang oras niyang pinaghirapang gawin. Alam naman niyang hindi mahilig sa mga selebrasyon si Gino, sa dalawang taong nilang pagsasama ni hindi man lang naalala at pinagdiwang nito ang karaarawan niya. Ngunit espesyal ang araw na iyon, I’ts Gino’s birthday at pinag-aralan talaga niya ang paggawa ng paborito nitong ice cream cake, para sorpresahin ito. Masyado niya itong mahal at gagawin niya ang lahat, para mapasaya ito.

Nagdadalawang isip siya kung tatawagan ang asawa at tatanungin kung anong oras ito babalik o kakainin niyang mag-isa ang ice cream cake na gawa, unti-unti ng nalulusaw ito at mga bulaklak na design sa paligid nito ay nagmukha ng dugyot. Okupado pa rin ang utak niya sa videong napanood, at nakatulala siya habang matamang pinagmamasadan ang hawak na phone at hindi niya namalayan ang pagpasok ng sasakyan ni Gino sa garahe.

Napalingon siya at napatuwid ng upo ng biglang makarinig ng pag-click ng p***o, napako ang mga mata niya doon at hinintay na magbukas iyon. Maya-maya lang bumukas ang p***o at iniluwa nito ng pamilyar na bulto ng katawang ilang taong niyang hinangaan, ang kanyang asawa, si Gino.

He looked devastatingly handsome, matangkad, matangos ang ilong, manipis ang mga labi, malapad ang mga balikat at makasig ang pangangatawan at bukod pa doon nanggaling pa ito sa isang makapangyarihang pamilya. He's wearing a black suit that suits him well. Sa nakalipas na dalawang taong nilang pagsasama, araw-araw niyang nasisilayan ang kagwapohan at kakisigan nito, but everytime na nakikita niya ito ay naantig pa rin ang puso niya sa taglay nitong karisma.

Kaya naman, nang una niya itong makita at makilala at malaman na ito ang ka-arrange marriage niya na itinakda ng pamilya niya ay hindi niya maiwasang umibig dito sa unang tingin. Yes, it was love at first sight, taliwas sa nararamdaman ni Gino para sa kanya. Ngunit ganun pa man, pumayag siya sa isang lihim na kasal, tinalikuran ang kanyang mga pangarap, at naging Mrs. Tan, isang babaeng hindi maaaring makita sa publiko. Ginugol niya ang kanyang mga araw sa pag-aalaga kay Gino at naging isang mabuting asawa tulad ng kanyang ina.

Hindi man sila pareho ng nararamdaman ni Gino pero alam niyang may puwang din siya sa puso nito, sariwa pa sa isip niya two years ago ng malugmok ang negosyo ng pamilya nila at binalak ng ama niya na ipakasal siya sa matandang negosyante para makalikom ng pera. It was Gino who saved her, pumayag ito sa kasunduang ,kasal kaya alam niyang mabuting tao ito, hindi nito kayang Makita na mapunta siya sa isang matandang hukluban, maybe it was just a pity pero malaking bagay sa kanya ang pasgsalba nito sa kanya. Sinabi niya sa sarili na balang araw ay mamahalin din siya nito gaya ng nararamdaman niya dito.

Then she suddenly thought na baka fake lang ang video, dahil sa isang anonymous ang nagpadala sa kanya ng video at gusto lang sirain ang samahan nila ni Gino. Ngumiti siya ng tipid at sinalubong ang asawa.

“Hindi niya pwedeng malaman, kaarawan niya ngayon, ayokong sirain ang mood niya,” bulong ng isip niya.

"Akala ko hindi ka makakauwi, masyado ng late" Lumapit siya kay Gino at tinulungan niya itong hubadin ang suot nitong suit, natigilan siya saglit ng malanghap ang isang matapang na amoy pambabae sa suot nito. Napatingala siya habang mahigpit ang pagkakahawak sa suot nito.

"May mga tinapos lang ako sa opisina after the meeting,” kaswal na sagot ni Gino, ngunit ang tingin ay nakatuon sa keyk na nasa mesa, bahagyang nakakunot ang noo.

"Happy birthday!" Iniwaksi ni Lily ang hinala sa isipin at masiglang binati ni Gino. She looks sincerely happy, ang tamis ng kanyang ngiti na nagpakita ng dalawang biloy niya sa pisngi at kumikinang ang kanyang mata sa tuwa.

“Thank you, pero hindi ka na sana nag-abala pa, I'm tired,” tipid na sagot nito at niluwagan ang suot na kurbata at tuluyang hinubad ito.

Bukod sa matapang na amoy ng pabango, amoy din Lily ang samyo ng alak.

“Sandali at igagawa lang kita ng hang-over soup saglit, mabuti pa, umakyat ka muna sa taas at maligo at ng mawala ang pagod mo.”

Hindi ito pa nga siya tapos makapagsalita ay umakyat na ang asawa sa itaas na wala man lang sagot. Napailing na lang siya sabay kibit ng balikat at tinugo ang kusina.

Hindi ito ang unang pagkakataon na na binaliwala siya ng lalaki. Noong una, nakaramdam si Lily ng pagkadismaya ngunit habang tumatagal ay nasanay na rin siya.