001

"BODY shots! Body shots!" malalakas na sigaw ng mga naglalaro ng truth or dare sa loob ng bar.

Maingay, madilim at mausok dahil sa mga sigarilyo ang makikita mo sa loob ng bar. Halos mapuno na rin ang mga lamesa ng mga tao.

Grupo-grupo ang mga nasa bar. Mayroong nasa dance floor at mga naglalaro ng truth and dare. Sa isang sulok naman ay ang grupo nina Anastacia at mga kaibigan niya.

Walang pakialam si Anastacia na panay ang tungga ng alak habang matalim na nakatingin sa isang pares na naghahalikan hindi kalayuan sa kanyang table.

"Anastacia, stop..." saway ni Camille sa kanya. Sinundan nito ng tingin ang kanyang tinitingnan kanina.

Nanlaki ang mga mata ni Camille. "Oh my! Is that true?"

"Bakit anong nangyari? Alin ang totoo?" Usisa naman ni Sophia.

"Tingnan mo doon, sa pinakadulo nitong mesa natin..." turong sabi ni Camille.

"Who?"

"It's Zach... may kahalikan na ibang babae." Sagot ulit ni Camille.

Biglang napatingin sila kay Anastacia. Kahit madilim sa bar, alam nilang umiiyak na ang kanilang kaibigan.

Nilapitan nina Camille at Sophia si Anastacia. Inakbayan nila pareho ito.

"Hayaan mo na si Zach. Alam mo namang kilalang playboy 'yon. May magbabago pa ba sa lalaking 'yon," sabi ni Sophia na pinapagaan ang loob ng kaibigan.

Pinunasan ni Anastacia ang mga luha sa kanyang mata. Saka muling kinuha ang baso na may lamang alak at ininom ang laman. Straight at walang itinira hanggang sa kahuli-hulihang patak.

Malakas na ibinagsak niya iyon sa lamesa na ikinagulat nina Camille at Sophia.

"Kaya ko rin ang ginagawa niya."

She loves Zach more than her own life. But there's one thing she can't give him—her virginity.

Kaya pakiramdam ni Anastacia, kaya ito nakikipaglaro sa iba't ibang babae ay para pilitin siyang magdesisyon na ibigay na rin dito ang kanyang virginity.

But Anastacia made an oath to keep her virginity until marriage. Kung makakapaghintay si Zach hanggang sa araw ng kasal nila, saka lang niya ito hahayaang makuha ang kanyang katawan at buong puso.

Narinig nina Camille at Sophia ang bahagyang panginginig ng boses ni Anastacia. Alam nilang hindi iyon simpleng galit. Nasasaktan na ang kaibigan nila.

"Ana, huwag kang padalos-dalos," pigil agad ni Camille.

Padalos-dalos? She's so calm. Kung hindi baka kanina pa niya nangudngod ang mukha ng babaeng kahalikan ng boyfriend niya. But she will stoop her low. Alam niya ang worth niya bilang babae.

Biglang tumayo si Anastacia. Bahagya pa siyang muntik matumba dahil sa dami ng nainom ngunit agad ding nakabawi.

"Bakit? Siya lang ba ang puwedeng magsaya?" mapait niyang tanong.

Hindi na niya hinabol ng tingin si Zach. Sa halip ay nilibot niya ang buong bar hanggang sa may mahagip ang kanyang mga mata.

Isang lalaki ang nakaupo mag-isa sa bar counter. Tahimik itong umiinom at walang pakialam sa ingay ng paligid. Nakasuot ito ng itim na polo na bahagyang nakatiklop ang manggas.

Nakayuko lamang ito habang iniikot ang baso ng whiskey sa kamay.

Huminga nang malalim si Anastacia.

"Perfect."

"Anastacia!" sabay na tawag nina Camille at Sophia na naglakad palayo.

Ngunit hindi na siya lumingon.

Dahan-dahan siyang naglakad papunta sa isang lalaking estranghero napukaw ang kanyang pansin.

Nang maramdaman ng lalaki ang paglapit niya, marahan itong nag-angat ng tingin. Nagtagpo ang kanilang mga mata.

"Wala bang may-ari ng upuang 'to?" tanong ni Anastacia habang itinuturo ang bakanteng stool sa tabi nito.

Saglit siyang sinukat ng lalaki ng tingin bago bahagyang umiling.

"Wala."

Hindi na nag-atubili si Anastacia at umupo sa tabi nito.

"Can I borrow you for a few minutes?" direkta niyang tanong.

Bahagyang tumaas ang kilay ng lalaki.

"For what?"

Ngumiti si Anastacia, ngunit halatang pilit lamang iyon.

"Gusto ko lang makita ng boyfriend ko na hindi lang siya ang kayang humanap ng kasama ngayong gabi. I mean, ex-boyfriend."