Chapter 9

PAGDILAT ko ng mga mata ay bigla na lang akong nakaramdam ng matinding pagkahilo at pagsakit ng ulo.

Marahil ay dahil ito sa dami ng alak na nainom ko kagabi.Hinilot ko ang sentido ko dahil namamag-asang makakatulog 'yon para maibsan ang sakit pero walang pinagbago.

This is my most hated part of being drunk!

Hangover.

Iginala ko ang tingin ko sa paligid at do'n ko napagtanto na nasa boarding house ako.

Pilit kong pinoproseso at inaalala ang mga nangyari kagabi at kung papaano ako nakarating dito.Pero kahit anong pilit ko ay wala talaga akong maalala.

Ang tanging naalala ko lang ay nakipag-inuman ako sa mga mayayamang businessman kasama si Cross at si...

Tangina.

Ramier?

Kasama nga pala namin siya kagabi!

Mas lalo akong nataranta na alalahanin ang lahat at inalog-alog ko pa ang ulo ko na parang tanga para makaalala man lang kahit katiting pero wala pa ring pumapasok sa isip ko!

Maging sa pagbangon ay nakaramdam ako ng matinding pagkahilo at parang umiikot ang paligid ko.

Kinayanan kon