Chapter 14

Ilang araw na ang lumipas simula nung ibalita sa 'kin ni Zwei ang bagay na 'yon.

Hindi pa 'ko nagtangkang buklatin sa kanya ang bagay na 'yon dahil humahanap pa ako ng tyempo.

Dito na rin siya tumira kasama ko.Nung araw pala na 'yon ay iniwan niya lang sa sasakyan niya lahat ng gamit niya at pasimpleng inilagay sa closet nung tulog ako.

Tinanong ko naman sa kanya kung bakit siya rito tumitira pero ang sagot niya lang ay marami silang ginagawa sa school at malapit ito sa skwelahan niya kaya mas mapapadali ang transportasyon nito 'pag pumapasok kung dito siya tutuloy.

Tinanggap ko naman ang sinabi niyang 'yon kahit alam ko naman ang totoong dahilan.

Pero sa tingin ko ay may lakas na 'ko ng loob ngayon na i-open sa kanya ang bagay na 'yon kaya hinihintay ko na lang siyang umuwi.

Sa isang Linggo naming magkasama ay mas nakilala ko pa siya.Wala akong nakitang hindi maganda sa kanya dahil napatunayan ko kung gaano siya kabait.May pagka-ugali lang siya na katamaran pero sa katagalan ay naiim