CHAPTER 9

CHAPTER 9

"Ganun talaga, as a Direk salo ko lahat ng pressure sa work kaya one problem after another ang nireresolba ko... anyway, let us go to the other scene, dadating ang boyfriend mong si Miguel dala ang kotse niya ang magtatanan kayong dalawa, marami ang mga maritess sa paligid ang magchichismisan pero hindi mo sila papansinin!"

"No problem po direk, memorize ko na naman ang gagawin ko eh!"

"Okay, pero this time wala munang iyakan! Kung ano ang nakasaad sa script, yun ang susundin natin!"

"Maliwanag po direk!"

Inayos na nila ang mga camera sa labas, naka ready na rin ang mga extra at si Joshua na kasalukuyang gumaganap bilang boyfriend ni Kendall. Naging matiwasay naman ang kanilang shooting at walang naging problema, naging hit ang teleserye ni Kendall at nag trend ito nang ipalabas nila ang eksena. Subalit hindi talaga maiiwasang may pumunta lalo na't ramdam na ramdam nila ang hugot ni Kendall sa kanyang ama. Nagtrending sa social media ang hashtag true to life hugot ni Kendall, bagay na hindi ikinatuwa ng kanyang ama. One month later, nang umuwi ito sa final shooting nila, kinompronta ni Ahron si Kendall na kumakain ng hatinggabi.

"Kamusta ka Kendall?" tanong ni Ahron na umupo sa harapan niya.

Nakita na naman ni Kendall ang matalim na tingin ng kanyang ama kaya alam na niya kung ano ang mga susunod na mangyayari. "Mahaba haba na namang explanation ang gagawin ko, kailangan tapangan ko lang na tumingin sa mga mata niya!" sabi ni Kendall sa sarili niya.

"Dad, okay lang naman po ako! Actually last shooting na po namin ngayon sa teleserye ko pero sobrang worth it po lahat ng pagod ko!"

Ahron crossed his arms to his chest. "Kaya nga eh, hindi mo ba alam na sobra kang sikat na sikat sa social media ngayon?"

Ngumisi si Kendall sa sinabi ng kanyang ama, "yung tungkol po ba ito sa scene namin sa swimming pool? Sobrang effort po talaga ang ginawa namin para lang sa eksena natin!"

"Sa tingin mo ba isa akong mangmang? Hindi ba't nandoon din ako sa shooting mo para suportahan ka?" paninigaw ni Ahron na rinig na rinig ng kanyang mga kasambahay na kasalukuyan nang nagpapahinga, hindi nila maiwasan ang hindi pag usapan ang tungkol kay Kendall, saksi kasi sila sa labis labis na pang aabuso nito.

"Kawawa naman si Kendall, buong buhay niya naging alila siya ng ama niya!" sambit ni Bethy na nakahiga sa taas ng double deck. Mayroon na siyang katandaan at hindi naman gaanong aktibo sa social media. Mahigit apat na taon na siyang naninilbihan sa kanilang bahay at saksi siya sa naging buhay ni Kendall.

"Oo nga eh, siguro sumakto talaga na angkop sa kanya ang teleserye kaya sobra niyang ibinuhos ang emotion niya!" pagsangayon ni Lea na nakahiga naman sa ibaba ng double deck. 26 years old pa lamang siya at galing siyang batangas, sobrang idolo niya si Kendall at ini istalk nito ang kanyang social media accounts para updated sa buhay ng dalaga.

"Sa tingin mo, ano kaya ang pakiramdam ng maging isang sikat na artista, yung tipong instant milyonara ka kaagad sa batang bata mo pa lang!"

"Agree... pero grabe naman kasi, hindi man lang siya makapag desisyon para sa sarili niya, hindi siya puwede mag boyfriend tapos grabe pa manakit ang tatay niya!"

"Wala naman tayong magagawa diyan, mga kasambahay lang tayo at isang pitik lang sa atin ni Sir Ahron, siguradong wala na tayong trabaho!"

"Sana talaga may magtanggol kay Kendall, awang awa na ako sa bata na 'yan, kung hindi siya naging artista, baka ganitong trabaho lang din ang babagsakan niya!"

Nagtaka naman dito si Bethy. "Paano mo naman nasabi?"

"Eh di ba nga hindi naman siya nakapagtapos ng pag-aaral dahil pinag-artista siya kaagad ng tatay niya? Kawawang bata, wala namang permanente sa showbiz at kahit na gaano pa siya kasikat, dadating din na tatanda siya at mas may batang papalit sa kanya!"

"Mukhang marami kang alam tungkol kay Kendall ha!?"

"Malamang, iniistalk ko siya palagi sa social media account niya at wala talaga ako ni isang solo picture niya kasama ang lalaki!"

"Kaya ako hindi ko hiniling sa mga anak maging mayaman sila, kasi kapag mayaman ka, mas lalo mo gustong maging mayaman dahil natatakot kang maghirap, kagaya ng ginagawa ni Sir Ahron!"

"Sabagay, hindi mo rin naman siguro siya masisisi, dati siyang construction worker tapos ngayon may mansion na siya ng dahil kay Kendall... kung sakaling naging suwail at hindi naging mabuti 'yan, tiyak akong mas gugustuhin niyang mag su*****!"

"Grabe ka naman, paano mo naman nasabin 'yan!"

"Siyempre pag chi chismissan lang naman siya ng bonggang bonga! Ikaw ba kakayanin ba ng pride mo na dumaan ka sa hirap, yumaman ka tapos naghirap ka ulit, ang sakit kaya nun... eh sa taas ng pride niyang si sir Ahron, hindi niya 'yun kakayanin kaya hanggat maaari, hindi niya talaga pinapahinga si Kendall kasi alam niya na darating talaga ang panahon na mawawala ang kinang ng anak niya!"

"Ahh, kaya pala hinabilinan tayo ni Sir na puro gulay lang ang ipapakain natin kay Kendall, para na tuloy siyang kambing... eh kahit naman siguro ako na matanda na, karne pa rin ang kakainin ko! Kasi kapag oras mo na oras mo na talaga, at saka nag gi gym naman siya every saturday and sunday so kahit naman siguro karne ang kainin niya, kaya naman niyang panatilihing sexy ang katawan niya!"

"Hindi rin, malakas kaya kumain si Ma'am Kendall, minsan nga tatlong rice pa ang kinakain niyang kada gabi tapos may chocolate shake pa siyang iniinom tapos pizza!"

"Eh ganoon talaga kapag mayaman ka, lahat ng gusto kaya mong bilhin, tingnan mo si sir, ang saya saya kasi may nabili na siyang bagong farm!"

"Talaga?"

"Oo, naglinis kasi ako sa kwarto niya at nakita ko na may titulo siya ng farm so ibig sabihin talagang maraming raket si Kendall at si sir ang mas nakikinabang, samantalang tayo hindi man lang gumagalaw ang sweldo natin!"

"Itulog mo na lang 'yan malay mo kahit man lang sa panaginip, mangyari ang sinasabi mo!"

"Sana multuhin ng konsenya 'yan si sir Ahron or hindi kaya dalawin ni Kamatayan sa sobra niyang kasakiman!"

"Sige na matutulog na ako, gudnyt!"

"Gundyt din!"