CHAPTER 111 (THE WEDDING CONT.)

Coleen

Ang lakas ng kabog ng dibdib ni Coleen nang magsimulang bumukas ang malaking pintuan ng simbahan. Kasabay nun ang pagtugtog ng isang kanta kaya hindi niya mapigilan ang pagtulo ng mga luha niya.

Naiiyak siya na nakatanaw sa kanyang groom na kanina pa naghihintay sa kanya sa harap ng altar. Hindi niya akalain na darating pa sila sa puntong ito. Na kahit dalawang taon mahigit silang nagkahiwalay ni Vince ay hindi nawala sa asawa niya ang plano nito na muli siyang pakasalan and this time sa simbahan mismo sa harap ng altar. This time hindi na sapilitan. This time punong puno na ng pagmamahalan sa harap ng Diyos, sa harap ng kanilang mga anak, harap ng mga magulang nila, mga kaibigan at mga taong nagmamahal sa kanila.

Mahigpit ang pagkakahawak niya sa kanyang bouquet. At patuloy naman sa pagpatak ang kanyang mga luha na hindi niya mapigilan. Lalo pa at natanaw niya na nagpupunas ng mga mata si Vince, alam niyang umiiyak din ito ngayon habang nakatingin sa kanya at hinihintay ang