Tainted Hearts 70

Napupunta ang tingin ko sa kanya habang nagmamaneho siya. Panay kasi ang ngiti niya at pinaglalaruan ang ibabang labi. Nanatili pa kami ng ilang oras sa sasakyan niya. Magliliwanag na rin nang hinatid niya ako. Pagkatigil ng sasakyan, lumapit siya't hinalikan ako habang abala akong magtanggal ng seatbelt na suot ko.

"I will wait here. Pagkatapos mong makausap si Xion, iuuwi ko na kayo."

Umiling ako. Iniiwasan ko na magpang-abot sila ni Creed. Matatagalan din ako dahil si Creed ang una kong kakausapin bago ang anak namin. Maaga pa at maaaring natutulog pa si Xion.

"Umuwi ka muna. Tatawagan na lang kita."

Ayaw niya sanang umalis ngunit pinilit ko siya. Magtatagal ako at hindi ko maisasama si Xion ng biglaan paalis sa penthouse ni Creed. Kailangan ko muna siyang mapaliwanagan ng maayos.

Habang nasa elevator, na kay Creed ang buong isip ko. Bumagsak ang isang luha sa kaliwang mata ko na mabilis kong pinunasan. Sobrang bait niyang tao pero…nagawa ko ito sa kanya.

Huminga ako ng malalim nang