Chapter 7

KINAUMAGAHAN ay nagising si Maruja dahil sa kiliting naramdaman sa kanyang tainga at leeg. Nang bahagya niya itong lingunin ay nakita niya si Adam, pinapatakan siya nito ng halik. Tumabi kasi ito sa kanya kagabi pagkatapos may mangyari sa kanila sa sopa. Hindi niya alam kung anong pumasok sa isip niya upang hayaan ito na angkinin siya nang paulit-ulit sa kabila ng pag-aatubili niya na baka malaman ng kapatid ang kanilang ginagawa. Sa oras na iyon ay hindi man lang sumagi sa kanya ang mararamdaman ng Ate niya kapag nalaman ang lahat. Para siyang naging blanko sa oras na iyon.

“Good morning, gorgeous!” he huskily whispered at her ear.

Mariing naipikit ni Maruja ang mga mata at bahagyang tumaas ang kanyang balikat. Dahil nakatalikod siya ay hindi nito nakita ang pamumula ng kanyang pisngi.

“Arvin, stop it!” wala sa sariling asik niya.

Ngunit agad siyang natigilan din. Ang sunod-sunod na halik ni Adam ay nahinto. Bakit ang pangalan ni Arvin ang kanyang nasambit? Nang bumitaw ang binata s