Kabanata 6

Kinabukasan, nagmulat ako ng mata at napansin na nasa high-end bar pa rin ako. Napa-ungol ako sa sakit ng ulo ko hanggang sa pumasok sa ala-ala ko na may lalaki akong nakaniig kagabi. Si Evos, ang aking asawa.

Napasinghap ako at agad napatingin sa damit ko pero laking gulat ko nang makita na walang nagbago. Ang damit na suot ko ay ang damit kong napunit kagabi.

Teka, panaginip lang ba yun lahat?

Tatayo na sana ako nang biglang sumakit ang nasa gitnang bahagi ng hita ko.

Anong nangyayari? Bakit masakit? Nakipagsex ba ako kay Evos kagabi? Kung oo, then bakit nasa club pa rin ako?

“Gising ka na,” ang sabi ng bartender.

“Anong nangyari kagabi?”

“Hmm.. Naparami ang inom mo tapos nakatulog ka diyan sa kinauupuan mo kagabi.”

“S-Sigurado ka ba? Hindi ba ako pinuntahan ng lalaki dito? H-Hindi ba ko umalis?”

“Hindi naman. Bakit?” nakangisi niyang tanong.

“W-Wala. Kalimutan mo na lang ang tanong ko.”

Nagmamadali akong umalis kahit na masakit ang nasa gitnang bahagi ng hita ko. Hindi ako sigurado kung yung sex kagabi ay totoo o panaginip lamang lalo pa’t yung damit kong napunit ay suot-suot ko pa ngayon.

Pag-uwi ko ng bahay, nakita ko si Evos. Napatigil ako sandali habang nakatingin sa inosenteng mukha niya. Kung hindi man ako sigurado kung nakipagsex ba ako kagabi, sigurado naman ako na may ibang babae ang asawa ko.

Sumisikip ang dibdib ko habang kaharap siya.. Ayoko muna siyang makita kaya nagmamadali akong pumunta sa kwarto ko para maligo.

At habang nasa ilalim ako ng shower, sinikap kong ala-alahanin kung anong nangyari. Mas tumatak pa yun sa’king isipan kesa sa katotohanang nambabae si Evos.

Nababaliw na ba ako? Nakipagsex ba ako o hindi?

Kung ano man itong pananakit sa gitnang bahagi ng hita ko, dala lang siguro ito ng alak o di kaya baka ay malapit na akong duguin.

Pagkatapos kong maligo, nakita ko si Vivi na hawak ang damit na suot ko kanina.

“Ma’am, hindi ba sa ukay lang natin binili ang damit na ito?” tanong niya.

“Oo. Bakit?”

“Mamahalin pala itong damit na napili mo sa ukay ma’am. Galing pala ito sa kilalang brand. Tignan mo, may nakaburda.”

Kumunot ang noo ko at lumapit. Oo nga. Tama siya, galing ang damit sa kilalang brand.

Pero ilang beses ko ng nasuot ang damit na ito at hindi ko naman napansin na branded pala siya.

“Alisin mo na yan Vi. Masakit ang ulo ko. Ayoko ng magdagdag ng isipin at gusto kong matulog.” Sabi ko dahil yun ang balak kong gawin. Ang matulog.

Pero nang buksan ni Vivi ang pinto, isang katulong ang naghanap sa’kin. “Hinahanap ka ni ma’am Hazie. Gawan mo raw siya ng tea.”

Nakagat ko ang pang ibabang labi ko. Pagod na pagod ang katawan ko pero kahit pa siguro magkasakit ako, wala pa rin silang pakialam. Para sa kanila, alila nila ako at bawal ako magreklamo.

Ni hindi man lang sila nagtanong kung bakit hindi ako nakauwi kagabi.

Gumawa na ako ng tea at dinala sa pool area dahil naroon silang lahat. Naroon si mama, mga kapatid ni Evos, siya at mga pinsan niya. Lahat ng mata nila ay nakapukol sa’kin. Yung mga tita niya ay para bang tinatawanan ako.

Nanginginig ang mga binti ko. Pagod na pagod ang katawan ko at masakit pa ang ulo.

“Mama!”

Biglang dumaan sa tabi ko si Vadessa at bigla niyang sinagi ang siko ko at natulak ako sa pool.

Kinabahan ako ng husto dahil hindi ako marunong lumangoy.

Kahit anong kampay ko ay hindi ako umaangat sa tubig, mas lalo pa akong hinihila pababa. Akala ko mamatay na ako pero nakita ko ang mukha ng asawa ko.

Kitang kita ko ang takot sa mga mata niya habang inaabot ang kamay ko.

At bago pa ako mawalan ng ulirat, inangat niya ako sa tubig at tuluyan kaming naka-ahon.

“Wife! You scared me!”

Nagulat ako ng bigla niya akong niyakap. Bakit siya ganto? Akala ko ba may babae siya? Bakit ang lakas ng tibok ng puso niya na para bang takot na takot siyang mamatay ako?

Hindi ko siya maintindihan.

“Are you okay? Answer me. M-May masakit ba sayo?”

Hindi ako makakilos o makapagsalita. Unang beses akong niyakap ni Evos. Unang beses kong nakita sa mukha niya na nag-aalala siya sa’kin. Unang beses kong naramdaman na asawa ko siya.

Yung luha ko ang tanging naging sagot ko sa tanong niya.

“I’ll bring you to the hospital.” Sabi niya at hinawakan niya ang kamay ko.

“Evos, saan mo siya dadalhin?” tanong ni mama.

“Muntik ng mamatay ang asawa ko ma! I’ll bring her to the hospital.”

“But she’s okay. Merida, answer him! Tell him that you’re okay!”

“MA!” Sigaw ni Evos sa mama niya.

First time niya akong ipagtanggol sa mama niya.

“I said, I’ll bring my wife to the hospital.”

First time kong makita na ako naman ang kinampihan niya. Anong nangyari sa mga nagdaang taon? Bakit hindi ganito ang Evos na nakasama ko?

He was cold to me. He even ignored me. Kailangan ko pa bang malagay sa kamatayan bago niya ako magawang pahalagahan?

“Wife, let’s go..”

Naglakad na kami paalis pero narinig namin ang sigaw ni Evangeline.

“EVOS! NAHULOG SI VADESSA SA POOL! SAVE HER!”

Kung gaano ko katagal hinintay na ipagtanggol ako ni Evos, kung gaano ko katagal hinintay na hawakan niya ang kamay ko ay ganoon rin niya kabilis bitawan matapos makita si Vadessa sa pool na nalulunod.

I thought, nagbalik na ang asawa ko, hindi pa pala. Mali pala ako.

Nakita ko kung paano niya kunin si Vadessa pool at balutin ng tuwalya. Nang tumingin siya sa’kin, nakita kong naglakad siya para sana lumapit sa’kin pero nagsalita na naman ang kapatid niyang si Evangeline.

“What are you doing Evos? Bring Vadessa to the hospital. She’s in danger. She’s pregnant with your child!”

At doon tuluyang huminto ang pag-ikot ng mundo ko. Lahat ng nandito ay nagulat, pero sa amin lahat, ako lang yung nasaktan dahil lahat sila masaya.

Ngayon napagtanto ko na ang lahat. Tama ang hinala ko, may namamagitan sa kanila ni Vadessa.

I realized that the mistress of my husband is no other than, my stepsister that I raised after our parents died.