Takasan Ang Bilyonaryong Taksil

Paaaakkk!

Isang malakas na sampal ang aking natamo mula kay mama Hazie, ang aking mother-in-law matapos kong matapunan ang gown ni Vadessa ng tea.

“Hindi ka nag-iingat! Bakit ba ang tanga-tanga mong babae ka?”

Sunod-sunod ang pagpatak ng luha ko sa sakit ng pagkakasampal niya sa'kin. Pakiramdam ko e parang nabali ang leeg ko.

“Mama, ayos lang po. Huwag niyo ng saktan si ate.” Sabi ni Vadessa na pinipigilan si mama na saktan ulit ako.

Napahilot si mama sa kaniyang ulo.

“Umalis ka dito sa harapan ko Merida.”

Tumingin ako kay Vadessa, ang aking stepsister. Nasa pangangalaga ko na siya mula ng 13 years old pa siya dahil namatay ang mga magulang namin pagkatapos kong maikasal kay Evos Rendova.

Ngunit hindi kagaya ko, mahal si Vadessa ng mga in-laws ko. Tinuring nila itong tunay na anak at kapamilya.

“Sige na ate, umalis ka na. Magbihis ka na rin dahil magsisimula na ang party mamaya.”

“Pasensya ka na Vadessa at nasira ko ang debut gown mo.”

“Ayos lang ate. Marami namang niregalo sa akin si kuya Evos na gown.” Aniya sabay ngiti.

Nakagat ko ang labi ko at umalis. Pero bago ko isara ang pinto, narinig ko pa si mama na nagsalita. “Kahit kailan, lampa ang babaeng iyon. Ewan ko ba, sana matauhan na ang anak ko at hiwalayan na niya yun.”

Bago pa tuluyang malaglag sa sahig ang luha ko, tumakbo na ako papasok ng kwarto ko.

Umiyak ako ng ilang minuto. Kahit anong gawin ko, hinding hindi ako matatanggap ng mother-in-law ko.

Maya-maya pa, lumapit ako sa salamin at tinignan ang sarili.

Maliban sa namamaga kong pisngi, puno rin ng pawis ang aking katawan dahil tumulong ako sa paghahanda para sa 18^th birthday ni Vadessa.

Nakagat ko ang labi ko nang makita na napaka-losyang ko na kahit 23 years old pa lang ako.

“Ma’am Merida, papasok po ako!” Napatingin ako sa pinto nang kumatok si Vivi, ang aming katulong.

“Tulungan ko na po kayo magbihis ma’am.” Sabi niya nang buksan niya ang pinto.

Tumango ako at nagmamadali naman siyang pumasok. Pero agad napatigil nang makita ang pisngi ko.

“Sinaktan po ba kayo ulit ni Evangeline, ma’am?” puno ng pag-aalala ang boses niya.

“H-Hindi. Si mama..”

Napasinghap siya at namilog ang mga mata. “Sobra na po si ma’am Hazie. Hindi na tama itong ginagawa niyang pananakit sayo.”

“Kasalanan ko naman Vivi. Huwag nalang natin pag-usapan. Sige na, tulungan mo na akong makapaghanda.”

“Pero ma’am-“

“Sige na Vi. Please…”

Walang itong nagawa kun’di ang sundin ako. Nagtungo siya sa closet para maghanap ng damit ko.

“Ma’am, wala po ba kayong bagong dress?”

Umiling ako. “Wala Vi. P-Pero may itim akong dress diyan, pwede na yan.”

“Pero ma’am, ilang beses niyo na po kasing nasuot ito. Ang luma na po nito. Hindi po ba kayo binigyan ni sir Evos?”

Umiling ako. Ni hindi nga niya naalala na ngayon ang ikalimang wedding anniversary namin.

Nalukot ang mukha niya. “Naiinis na talaga ako kay sir Evos ma’am. Bakit hindi ka niya binibigyan ng damit samantalang halos araw-araw siyang nagriregalo kay Vadessa. Ni hindi nga niya siguro alam na wedding anniversary niyo tapos wala pa siyang pakialam na sinasaktan kayo ng mama niya.”

Nakagat ko ang labi ko para pigilan ang pagtulo ng luha ko.

Ni isang beses, walang binigay si Evos sa akin na regalo. Ni hindi rin niya ako pinagtanggol mula sa pamillya niya.

“S-Sige na.. A-Ayusan mo na ako.”

Makikitang naawa si Vivi sa’kin habang inaayusan niya ako. At kahit na luma ang damit, sinubukan pa rin niya na pagandahin ako.

Pagdating ko ng pool area kung saan gaganapin ang party, nakita ko si Evos na isinasayaw na si Vadessa habang may ngiti sa labi.

Nagsimula na ang party, na hindi man lang ako hinintay.

Ang asawa ko ang 18^th roses ni Vadessa. Masiyadong malapit ang dalawa na halos magyakapan na sila. Alam kong mangyayari ito, pero hindi ko alam bakit sobrang lakas ng kabog ng dibdib ko.

Ganito na ba sila kaclose na halos magkadikit na ang katawan nila?

Bakit? Bakit nagagawa ng asawa kong ngumiti sa kapatid ko ng ganyan habang sa akin ay hindi?

“Asawa ba yan ni Evos Rendova?”

Napatingin ako sa isang guest na nagsabi no’n.

“Oo. Ang ganda ng asawa niya tapos ang bata pa.”

Nagbaba ako ng tingin. Kumuyom ang kamao ko. Walang masiyadong nakakaalam na ako ang tunay na asawa. Masakit marinig na napagkakamalan ng iba ang kapatid ko na totoong asawa ng asawa ko.

Nang mapatingin ako sa harapan ulit, nakita ako ni Vadessa at binigyan niya ako ng kakaibang ngisi na ikinagulat ko.

Sa oras na ito ay kinukutuban ako.

Is that intentional?

Pero hindi. Kapatid ko siya, at alam kong hindi niya ako magagawang saktan.

Ako ang nagpalaki sa kaniya.

Hinatid siya ni Evos sa upuan niya at pinaupo para alalayan ng mensahe mula sa mga mahal nito sa buhay.

Nagmamadali akong pumunta sa harapan dahil ako ang kapatid kaya kasama ako pero bigla akong hinarangan ng isang katulong.

“Saan ka pupunta?”

“Magbibigay na ng mensahe sa debutant. I should be there.”

Tinignan niya ako mula ulo hanggang paa.

“Kung pupunta ka doon sa ganyang ayos mo, papahiyain mo lang si Ms. Vadessa. At pinapasabi pala ni ma’am Hazie na kunin mo ang cake at dalhin dito.”

Nagulat ako kasi bakit ako ang uutusan e trabaho iyon ng server? I’m the wife, I am not the maid here.

“Ano pang tinatayo mo diyan? Gusto mo ba siyang galitin?”

Napatingin ako kay mama at nakita ang nakamamatay niyang tingin sa akin. Nakagat ko ang labi ko at umalis para kunin ang cake sa buffet table.

Gusto ko na talagang umiyak. Alam kong unfair.

Dapat pinapahalagahan rin nila ako kasi isa akong Rendova, asawa ako ni Evos na tagapagmana ng Rendova Enterprises.

Pero bakit nila ako tinatrato na parang katulong? Ni hindi nila ako mabigyan ng regalo… 5^th wedding anniversary rin namin ito ni Evos, bakit wala akong party?

Kagat-labing kinuha ko ang maliit na cake sa buffet table at naglakad papunta kina Vadessa.

Ngunit napansin ko ang mga tao na nakatingin sa akin.

“Who is she? Katulong?”

“Or perhaps, a relative of debutant?”

“No. I think I’ve seen her once. I think, asawa yan ni Evos.”

“What? Asawa yan? No way! She looks so cheap and ugly.”

Na-conscious ako sa itsura ko. Ganito ba ako kapangit para magulat sila asawa ako ni Evos? Dahil sa hiya, binilisan ko ang lakad ko nang biglang nabali ang takong na suot ko.

Alam kong mahuhulog ako sa pool, kaya pumikit na lang ako. Napahiyaw na rin ang mga tao sa paligid. Pero nagulat ako nang maramdaman na may kamay na humawak sa likuran ko.

Nang imulat ko ang mata ko, isang matangkad, gwapo at matipunong lalaki ang nakita kong nakadungaw sa akin habang kunot ang noo.

‘S-Sino itong lalaking ito?’

Nanunuot sa ilong ko ang pabango nito. Napapikit ako sa sarap ng amoy..

Bigla niya akong itinayo at nagulat ako nang bigla niyang ilapit ang katawan niya sa akin…

“You’re not a maid here. You shouldn’t be doing that.” He said it calmly but coldly na walang kahit anong pangungutya, at saka siya naglakad palayo.

Napasunod ang tingin ko sa kaniya.

“Hindi ba si Danny yun?” rinig kong sabi ng babae na nasa tabi ko.

Danny?