Kabanata 15

VANCE'S POV

"SALAMAT sa pagkain!" bigkas ko bago ko hinigop ang sabaw sa bowl ng nilagang baka na ulam namin.

"Ah!" hindi ko na napigilang isigaw sa harap ni Steven ang sarap na nararamdaman ko nang humagod sa lalamunan ko pababa ang masarap at mainit na sabaw.

Nakaupo na kami ngayon ni Steven sa hapag kainan at pinagsaluhan ang mga pagkaing nakahain. Ang mga pagkaing nakahain ay nilagang baka, pritong manok at sugpo, na lahat ay mga paborito ko.

Ganadong-ganado akong kumain dahil sa sarap ng pagkakaluto niyon.

Nakalimutan kong magdahan-dahan at maging maayos sa pagkain sa harap niya. 

Nang matauhan ay pasimple akong napatingin sa kanya. Nasamid ako nang mahuli ko siyang nakatitig lang sa akin. 

Sinuntok ko ang dibdib ko para habulin ang aking hininga at alisin ang pagkaing nakabara sa lalamunan ko. Agad namang kumilos si Steven, mabilis kong ininom ang tubig na inabot niya.

Tumayo siya para lapitan ako pero nakatulon