Kabanata 26

VANCE'S POV

NAKATULALA akong nakatitig sa nagliliyab na apoy. Nakaupo ako ngayon sa malaking punong kahoy na nakatumba sa harap ng bonfire.

Nakapagpalit na rin ako ng bagong damit. Bumagsak ang mata ko sa suot kong tsinelas. Lahat ng suot ko ngayon ay binigay sa akin ng mga taong nagligtas sa akin kanina.

"Excuse me," lumapit ang isang lalaki sa bonfire at binawasan 'yon ng apoy para daw hindi masyadong malayo ang maabot ng liwanag nito.

Napansin ko ang umbok ng maiksing baril na nakasukbit sa bewang ng lalaki. Oo, kasama ko ngayon ang mga taong nakita kong may mahabang baril kanina.

Humugot ako ng malalim na paghinga. Hindi ko maiwasang mag-alala. Sila ang tinatawag na rebeldeng grupo dito sa probinsya na binisita namin.

Kanina narinig ko sa usapan nila, na kailangan naming mag-ingat dahil may balita sila na nasa malapit lang ang isang grupo ng mga militar na nag-iikot sa gubat. Hindi daw ito ang oras para magkasagupa sila dahil may mga kasama silang sibilyan at kami 'yon ni Steve