Chapter 37

Averill's POV:

Natatawa akong tumingin kay Silas nang magpaikot-ikot siya sa kwarto gaya ng ginagawa ng bagong aso na binili ni Kuya, isang linggo na ang nakakaraan.

Hindi ko nga alam kung para sa amin ba talaga ang aso na 'yon o para sa girlfriend niya.

Sumipol ako at saka tinawag si Chuchay, iyon daw kasi ang gustong ipangalan ni Kuya kahit na ang baduy-baduy pakinggan.

"Arf! Arf!" tahol naman nito habang papalapit sa akin.

Natawa na lang ako at saka hinawak-hawakan ang balahibo niya.

"Ahh!" sigaw ko nang dilian niya ang mukha ko at natawa pagkatapos.

Ang kulit-kulit talaga ni Chuchay!

Tumahol lang ito nang tumahol dahil sa paglalaro ko sa kaniya.

Sabi ni Kuya Elias, kaya raw niya binili si Chuchay ay para bantayan ako at tumahol kapag may nakikita siyang multo.

Mukha namang palpak ang plano nila Kuya dahil naging magkaibigan pa nga sina Chuchay at Silas.

"Chuchay, let's go," wika ni Seya at saka sabay silang tumakbo ni Seya palabas ng kwarto.

"Mag-ingat kayo! Baka madapa ka," pagpa