CHAPTER 19

Nakangising Gen. Gomez ang bigla na lang sumulpot sa harapan nina Andrei at Tamara. Pilit pa sana siyang iiwasan ng magkasintahan pero huli na dahil nakita na siya ng mga ito.

"Lieutenant Montillano, don't worry. Ngayong wala na ako sa serbisyo, wala na akong pakialam sa security ng bansa. Therefore, you and your girlfriend have nothing to worry na," wika ng heneral.

"Sana nga, general," maikling sagot ni Andrei bago sila lumayo sa dating pinuno.

Si Tamara ay naging alerto. Mga nakangiti kasi ang mga nasa harapan niya pero nakikita ng dalaga na nag-aapoy ang tingin nila sa isa't isa. Ang hawak din ni Andrei sa mga kamay niya ay napaka-higpit, senyales na alam ng binata na may panganib.

"See you around, Lieutenant Montillano," sabi pa ni Gen. Gomez bago lumayo sa kanila.

Nang mapag-isa ang magkasintahan ay hindi na ngumingiti si Andrei. Mabilis ang paghinga nito at malikot din ang mga mata.

"Umalis na lang tayo rito," saad ni Tamara. "Alam kong hindi ka na comfortable dito. Hindi