CHAPTER 18

Nang aktong babarilin na sina Andrei at Tamara ng mga armadong lalaki, biglang iniharang ni Allan ang katawan niya.

"Mga boss, ano ang problema? Pwede bang pag-usapan muna natin ito?" tanong ni Allan.

"Kukunin namin si Tamara. Gusto siyang ipakuha ng boss namin?" sagot ng isa sa mga lalaki.

Nang narinig iyon ay agad na sumampa si Andrei sa loob ng sasakyan. Wala siyang plano na ibigay ang kasintahan kahit pa dehado sila ng mga kalaban. Pinaandar niya rin agad ang makina ng sasakyan.

"Mga boss, kaibigan ko ang babaeng ito at kahit hindi ko gusto ko ang kasama niyang lalaki ay baka pwede kong hingiin sila sa inyo. Kung pwede lang, hayaan n'yo na sila," pakiusap ni Allan sa mga armadong lalaki.

"Hindi pwede!" Angil ng isa sa mga lalaki.

"Boss, sabihin n'yo lang ang kailangan n'yo at kung kaya ko naman ay ibibigay ko. Huwag lang ang dalawa na ito," pakiusap ni Allan.

"Mukhang okay kang makipag-usap. Sige, pagbibigyan ka namin. Ngayon lang ito dahil sa susunod ay gagawin na namin ang