Matapos ang naging bunutan, hinatid na ni Kise si Keisha. Naiwan naman doon si Reyannah dahil ayon sa kaniya, susunduin siya ng kaibigan niya.
“May pupuntahan ka pa ba pagkatapos nito?” tanong ni Kise habang nagmamaneho.
“Wala naman. Sa bahay lang.”
Nang hindi nagsalita si Kise ay napatingin si Keisha rito. Kumunot ang noo nito dahil napansin niyang may gustong sabihin ang lalaki. Imbis na magsalita ay kinagat na lang nito ang kaniyang ibabang labi upang pigilan ang sarili.
“What is it?” hindi mapigilang tanong ni Keisha.
“Nothing.”
“Really?”
Hindi agad siya sumagot. “It’s not important. Gusto sana kitang ayaing mag-dinner pero alam kong pagod ka na.” Umiling-iling ito. “It’s not important.”
Natutop ni Keisha ang bibig, hindi alam kung ano ang isasagot sa sinabi ng binata. Hindi niya inaasahan ang sasabihin nito kaya hindi agad siya nakapagsalita.
Mayamaya pa ay binasag na rin ni Keisha ang katahimikan. “Saan ba tayo kakain?”
Mabilis na napatingin si Kise sa kaniya ngunit agad ring binalik sa daan. “What?”
“Ang sabi ko, saan ba tayo kakain?”
Hindi na naitago pa ni Kise ang ngiti niya at mabilis na sumagot, “Kahit saan mo gusto.”
“Okay.”
Tinuro ni Keisha ang daan kung saan niya gustong kumain. Wala namang tanong na sumunod si Kise habang malawak pa rin ang pagkakangiti. Hindi rin naitago ni Keisha ang ngiti sa hindi malamang dahilan.
Nang makarating sila, pinahinto ni Keisha ang sasakyan sa isang karinderya. Agad na napansin ni Keisha ang reaksyon nito.
“Bakit? Hindi ka ba kumakain sa mga karinderya?”
“Hindi naman sa gan’on. Kumakain kami madalas ng mga kaibigan ko sa ganito. Hindi ko lang inaasahan na sa ganito mo mapipiling kumain. I can treat you to a more expensive restaurant, you know.”
“And starve? No, thanks. Mapili ang tiyan ko at allergic ako sa mga mamahaling mga pagkain. Sana handa na ang wallet mo dahil malakas akong kumain.”
Mahinang natawa si Kise. “That’s good. Eat all you want. My treat.”
Agad silang um-order ng pagkain. Nagkwentuhan sila habang hinihintay ang order nila. Hindi ganoon karami ang mga tao. Hindi rin ganoon kainit dahil may nakatapat sa kanilang wall fan.
Muling napansin ni Kise na siya lang ang madalas na magkwento sa kanilang dalawa. Ngunit hindi siya nabahala dahil sobrang titig na titig si Keisha sa kaniya na para bang kinakabisado ang lahat ng sinasabi niya.
Paminsan-minsan din naman itong sumasagot sa tuwing tinatanong niya. Sinisigurado niyang hindi ito mababagot habang kasama siya.
At sa sobrang dami niyang kwento ay hindi na niya napansin ang oras. Mag-aalas nuebe na rin nang mapatingin siya sa orasan.
“I’m so sorry,” ani Kise. “Hindi ko napansin ang oras. Ang daldal ko kasi. Sorry.”
“It’s okay. Maaga pa naman, actually. Alas dyes ang uwi ni Krisha dahil nasa bahay siya ng kaklase ngayon at gumagawa ng project.”
“Tara. Ihahatid na kita sa inyo.”
Nagbayad na siya ng kinain nila bago nagtungo sa sasakyan na nakaparada sa harap ng karinderya.
“Thanks for coming, Keisha. Alam kong hindi pa tayo gaanong magkakilala pero sumama ka pa rin.”
“It’s okay. You’re Paulle’s brother. Hindi naman niya ako ipagkakatiwala sa ‘yo kung alam niyang may gagawin kang hindi maganda, ‘di ba?”
“You’re right. Halos ipagtulakan na nga niya ako sa tuwing magkikita kami. But I can still be a bad guy, you know.”
“Are you?”
Mahinang natawa si Kise. “I’m not. Madaldal ako pero hindi ako masamang tao.”
“I know.”
Nang makarating sila sa compound nina Keisha ay hindi agad bumaba si Keisha. Saglit pa silang nanatili sa loob nang walang nagsasalita.
“So… ahm…” ani Kise habang nagkakamot ng batok. “Thank you.”
“Ako dapat ang magpasalamat. Palagi niyo na lang ako nililibreng magkapatid. Sa susunod, ako naman ang manlilibre sa inyo. Bawal ang tumanggi.”
Napangiti ito. “I’m looking forward to that.”
Hindi na rin napigilan pa ni Keisha ang mapangiti habang nakatingin sa binata. Mabilis siyang napaiwas ng tingin nang makaramdam ng hiya. Nagpaalam na siya at muling nagpasalamat bago bumaba ng sasakyan.
Malapad ang pagkakangiti niya habang pauwi. Ngunit agad rin iyong nawala nang mapagtantong may ibang tao sa loob nila maliban sa nanay at kapatid niya.
Agad niyang sinipat ang reaksyon ng kapatid at mukhang hindi ito natutuwa sa kung ano ang nangyayari. Nakatitig ito sa dalawang lalaki na ngayon ay kaharap nilang nakaupo sa sala.
“Nandito ka na pala, anak,” ani Aling Susan, ang nanay ni Keisha.
“Sino sila?” bungad na tanong nito.
“Sila sina Gavin at Philip. Sige at magmano ka sa tito Gavin mo.”
Kumunot ang noo ni Keisha dahil alam niyang wala siyang tito na nagngangalang Gavin.
Nasagot naman ang tanong niya nang magsalita si Krisha. “Welcome them, ate. Sila nga pala ang bago nating tatay at kapatid. Bakit hindi tayo mag-celebrate?”
Pero imbis na matuwa ay padabog pa itong tumayo at nagmartsa pabalik sa kaniyang kwarto.
“Krisha!” tawag ni Aling Susan. “Bumalik ka ritong bata ka. Wala ka talagang respeto!”
Akmang susundan ang anak nang pigilan siya ni Keisha. “Ako na ang kakausap sa kaniya. Pagsilbihin niyo na lang po ang mga bisita niyo.”
Hindi na niya hinintay pa ang sagot ng ina at tuloy-tuloy nang pumasok sa silid nila ni Krisha. Narinig pa niya ang ina na kung ano-anong masasamang salita na naman ang pinupukol sa kanilang magkapatid.
Napabuntonghininga siya nang makitang nakatalukbong ng kumot ang kaniyang kapatid.
“Kumain ka na ba?” tanong niya ngunit wala siyang natanggap na sagot.
“Balak bang magtayo ni nanay ng orphanage?” Kumunot ang noo ni Keisha ngunit hindi nagsalita. “Ilan pa tayong mga anak ang kailangang pagdaanan ‘to?”
Napabuntonghininga si Keisha nang mapagtanto kung ano ang ibig nitong sabihin. “Alam mong malas si nanay sa mga lalaking nakikilala niya.”
“O ang mga lalaki ang malas na nakilala si nanay.”
“Krisha,” may halong panenermon na banggit nito.
Nagtanggal naman ng kumot si Krisha at saka naupo sa kama upang harapin ang kapatid. “Bakit hindi na lang siya makuntentong tayo ang kasama niya? Ganoon ba kaimportante ang magkaroon ng lalaki sa buhay?”
“Masyado ka pang bata para maintindihan. Pero lumaki si nanay na walang tatay na gumagabay sa kaniya. Masama bang pangarapin na magkaroon ng tatay ang mga anak niya?”
Natutop ni Krisha ang kaniyang bibig at saka yumuko. “I’m sorry. Hindi ko sinasadyang sabihin ang mga ‘yon.”
Tipid na napangiti si Keisha. “Naiintindihan ko. Alam kong mahirap pang tanggapin sa ngayon, pero hayaan na natin si nanay. Gaya natin, gusto niya lang din na sumaya. Pero pinapangako ko sa ‘yong sa oras na saktan ka rin ng bagong lalaki ni nanay, ako ang haharapin nila.”
“Kailangan makita ko ulit ‘yong turning long mo kapag dumating ang oras na ‘yon, ah?”
Sabay silang natawa. “Oo naman. Matagal na noong huling nag-taekwondo ako pero may muscle memory ako. Isang pagkakamali lang niya, patutumbahin ko siya.”
Matapos nilang mag-usap ay sabay silang lumabas ng kwarto upang makipagkilala sa bago ng nanay nila nang mas maayos. Kumpara sa mga naging lalaki ng kanilang ina ay mukhang mas matino ito.
Ngunit hindi agad napanatag ang loob ni Keisha dahil na rin sa mga lalaking pinakilala sa kaniya noon ng ina. Pakiramdam niya ay gaya ng mga nauna, sasaktan lang din ni Gavin ang nanay niya kapag may nagawa itong hindi niya gustuhin.
“Pasensiya na po sa inasal ng kapatid ko kanina,” ani Keisha.
Yumuko si Krisha sa harap nito. “Pasensiya na po. May mood swings lang ako kaya ganoon ang reaksyon ko. You know, girls…”
Pinigilan ni Keisha ang matawa sa tinuran ng kapatid. Napatingin siya sa lalaking katabi ni Gavin na kung hindi siya nagkakamali ay Philip ang pangalan. Tipid itong ngumiti sa kaniya kaya agad niya ring sinuklian.
“Naiintindihan ko. Alam kong hindi rin kayo makapaniwala sa biglaan naming pagdating.” Nagkatinginan silang mag-ama.
“Kayo po ang magiging bago naming tatay, hindi po ba?” deretsong tanong ni Krisha.
Nagtama ang tingin nina Gavin at Susan. Wala ni isa sa kanila ang nakasagot agad.
“Naiintindihan namin,” ani Keisha. “Kung saan masaya ang nanay namin, doon kami. Pero ito lang po ang gusto kong sabihin. Sa oras na saktan niyo si nanay o ang kapatid ko, ako ang makakaharap niyo.”
Imbis na matakot ay napangiti si Gavin nang makita ang seryoso nitong tingin. “Makakaasa kang hindi ko sila sasaktan, hija.”
Bumalik na sina Keisha at Krisha sa kwarto nila at doon kumain ng hapunan. Kahit na ganoon ang naging asta nila sa harap ng bagong tatay nila, hindi pa rin buo ang tiwala nila rito. Kailangan nitong patunayan na hindi siya gaya ng mga naging lalaki ng kanilang ina.
*
Tumayo sina Kise at Keisha sa gitna ng maraming tao sa loob ng mall. Hindi nila alam kung ano ang gagawin at sasabihin matapos iwan nina Paulle at ng mga pinsan nila. Hindi na rin sila nakaangal pa dahil sa bilis ng pangyayari.
Alam ni Keisha na plano ito ni Paulle noong una pa lang. Napapansin na niyang pinagtutulakan siya ng kaibigan sa kapatid nito. Pero kahit na inaasahan na niya ay wala pa rin siyang magawa.
“Ahm…” ani Kise. “Gusto mong manood ng sine?”
“Hindi ako nanonood ng sine. Nahihilo ako.”
Tumango si Kise at nag-isip ng ibang palusot. “Ah! Gusto mong mag-arcade? May card ako rito.”
Naningkit ang mga mata ni Keisha. “Basketball?”
“Any game you want.”
“May futsal ba rito?”
Natawa naman si Kise sa naging tanong nito. “Napaka-competitve mo, ‘no? Tiyak naman akong may pag-asa kang manalo sa ‘kin sa kahit anong laro. But basketball is mine.”
Nagkibit-balikat si Keisha. “Hindi ako papakasigurado riyan.”
“Oh, you think you can beat me? Naglalaro na ako ng basketball noong three years old ako.”
“Masyado mong minamaliit ang swerte ko.”
Napangisi ito. “Let’s see.”
Nilaro muna nila ang lahat ng pwede nilang laruin. Binibilang din nila ang bawat panalo nila at tinitiyak na hindi magkakadayaan. Pareho nilang gustong manalo kaya naman napagpasyahan nilang kung sino ang mananalo ay ililibre ng matatalo.
Nang mag-tie ang score nila at wala na silang ibang malaro ay saka sila nagtungo sa basketball. Marami rin kasing tao roon kanina kaya hindi sila makasingit. Nang makita nilang wala nang tao roon ay dali-dali silang pumila.
Nagkatitigan muna sila bago nag-swipe ng card at nagsimulang mag-shoot.
Panay ang tingin ni Kise sa scoreboard ni Keisha, ayaw na ayaw na malamangan. Halos bumilis ang tibok ng puso niya dahil halos wala ring mintis ang mga bola ng dalaga. At nang mahagip ng tingin niya ang mukha nito ay napatigil siya.
Madalang niyang makita itong ngumiti. At sa tuwing ngumingiti ito nang totoo ay palagi itong naglalaro ng futsal. Bukod roon, ngayon na lang niya nakita ang matamis at totoo nitong ngiti.
Halos mapapitlag siya nang tumunog ang nilalaro nila, hudyat na tapos na ang oras. Nang makita ang score ay gusto niyang batukan ang sarili.
“I won,” ani Keisha. “Sa tingin ko, kailangan nang pag-isipan ng school kung worth it pa ba ang scholar na binabayaran nila para sa ‘yo.”
Imbis na ma-offend ay malakas na natawa si Kise. Ito ang unang beses na natalo siya sa basketball ng isang babae. Alam niyang na-distract lang siya ng ngiti ng dalaga, pero kasalanan niya rin dahil siya ang tumingin sa kaniya.
“Where do you want to eat?”
“Kahit saan mo gusto. Ikaw naman ang mamili ngayon.”
“Great!”
Napagpasyahan nilang kumain sa isang restaurant. Hindi naman ganoon kamahal kaya hindi na umangal si Keisha. Alam naman niyang deserve niya dahil nanalo siya kanina. Kahit na alam niyang nagpatalo lang ito.
Habang nagkukuwento si Kise tungkol sa pagpunta nila sa Hong Kong ilang linggo magmula ngayon, isang pamilyar na bulto ang nakita niyang papasok sa restaurant kung saan sila kumakain.
Hindi niya dapat ito papansinin ngunit huli na ang lahat. Nakita na rin siya nitong nakatingin sa kaniya.
“Hey!” bati ni Philip kay Keisha. “You’re here. Are you with a friend?”
Huminga nang malalim si Keisha. “Yeah.”
“Great! Nandito rin ako kasama ang mga kaibigan ko. Gusto sana kitang yayain pero mukhang may kasama ka. We can eat outside next time.”
“Maybe.”
Humarap si Philip kay Kise at nilahad ang kamay nito. “I’m Philip, you are?”
“Kise.” Inabot niya ang palad nito ngunit agad ring binawi. Napansin niya kasi ang pagkawala sa mood ni Keisha dahil sa pagdating nito.
“I’m going home,” ani Keisha. “Tapos na akong kumain. Thank you for the treat.”
“I’ll take you home.”
“It’s okay. I can go home by myself.”
“No,” agad na sambit ni Kise. “Ihahatid kita sa inyo.”
Bago pa siya makaapila ay hinila na siya nito palabas ng mall. Imbis na umangal naman ay sumunod na lang siya at hinayaan itong hatakin siya sa kung saan.
Tinapik ni Keisha ang balikat ni Krisha nang marinig itong nagbuntonghininga. Napaangat naman ang tingin niya sa kaniyang ate at tipid na ngumiti.“I can’t wait to be rich,” sarkastikong sambit ni Krisha.“We’ll be fine.” “Sana nga. Ang hirap din magpalipat-lipat ng bahay. Mabuti nga at malapit lang din ang bahay nila rito kaya hindi natin kailangang lumipat na naman ng school.”Napatigil si Keisha. Ngayon niya lang din napagtanto ang bagay na ‘yon. Parang ayaw na lang niyang isipin na aalis na naman sila at lalayo gayong napalapit na ang loob niya kina Paulle at sa mga pinsan nito.Not to mention Kise…“Parang hindi ko rin kayang malayo rito.”“Is it because of that guy?” tanong ni Krisha.“Anong guy?”“Iyong kasama mo sa mall noong nakaraan. Dumaan kami ng kaklase ko para bumili ng supplies na gagamitin natin. I saw you with a guy. Naalala ko siya noon sa party kina ate Paulle.”“Hindi siya ang dahilan kung bakit ayoko nang malayo rito. Well, he’s one of the reasons. Pero hindi la
Keisha“Ano’ng meron? Nag-away ba kayong magkapatid?” tanong ni Reyannah nang mapansing hindi nagpapansinan ang magkapatid.Miski ako ay napansin kong hindi na sila nagpapansinan. Kaninang nagkasalubong sila, para bang hindi sila magkakilala. Kung noon ay panay ang bangayan nila at asaran, ngayon ay wala. Ni tingnan ang isa’t isa ay hindi nila magawa.“Huwag natin siyang pag-usapan, please lang. He grosses me out!” Tinungga pa niya ang juice na iniinom hanggang sa maubos ‘yon.“Ang unusual lang,” ani Reyannah. “Ang tahimik kasi natin. Hindi na rin niya ginugulo ‘tong si Keisha.”“That’s good, right?” tanong ko.“Yeah,” sagot ni Paulle. “At ‘wag na ‘wag mo siyang kakausapin. Baka mahawa ka ng virus niya. Ikaw rin.”Nagkatinginan na lang kami ni Reyannah at hindi na nagkomento pa. Mukhang nag-aaway nga ang magkapatid sa hindi malamang dahilan. At kung hindi niya pa kayang sabihin sa ‘min ang dahilan, hahayaan na lang namin. Baka naman kaya na nilang iresolba ‘yon ng silang dalawa lang.
Today is Kise’s basketball competition. Gaya ng mga naunang laro nila ay puno na naman ng mga tao ang buong gym.Bukod sa sikat talaga ang larong basketball sa school nila, ang iba sa mga ito ay narito upang panoorin at suportahan ang kanilang mga iniidolo. Natapat ding uwian na ng ilan sa mga estudyante kaya naman dito sila dumeretso imbis na umuwi agad.Maaga pa lang ay naroon na sina Paulle, Keisha at Reyannah upang suportahan ang mga kaibigan nila. Maglalaro din si Kise at kabilang ito sa first five ng kanilang school. Kahit hindi man ipakita ni Paulle ay naroon siya para suportahan ang kapatid. Kahit naman may tampo ito sa kaniya dahil sa sinabi ay kapatid pa rin niya ito. Nangako siya sa sariling susuportahan ang kuya sa tuwing may kompetisyon ito.Sa kalagitnaan ng laro, napansin agad ni Paulle ang kakaibang kilos ng kapatid at ng kaibigang si Keisha. Sa katunayan, ilang araw na rin niyang napapansin na palagi itong magkasama at magkasabay na umuwi.Ngayon niya lang nasigurado
Isang itim na sasakyan ang huminto sa harap ng Ayala residence. Mabilis ang kilos ng mga maid at butler upang salubungin ang bagong dating.Unang lumabas ang driver upang pagbuksan si Gavin Ayala. Inalalayan naman nito si Susan sa pagbaba bago pumasok sa loob ng mansyon.“Nasaan ang mga bata?” bungad na tanong ni Gavin.“Nasa eskwela pa po si ma’am Krisha, sir,” sagot ni Jana, ang mayordoma. “Sina sir Philip at ma’am Keisha naman po ay kanina pa sa kusina.”Nagkatinginan sina Gavin at Susan dahil sa balita. “My son and Keisha are together?” Tumango ang mayordoma. “Is everything okay?”Napangiti ang mayordoma. “Yes po, sir. Mukhang nagiging maganda na rin po ang relasyon ng magkapatid.”Dahil hindi pa rin makapaniwala si Gavin sa narinig ay sila na mismo ang nagtungo sa kusina upang silipin ang dalawa. Hindi sila makapaniwalang nag-uusap, at higit sa lahat, nagtatawanan ang dalawa habang nagbe-bake.“I can’t believe my eyes,” bulong ni Gavin.“Ang cute nilang panoorin,” ani Susan.“I g
Keisha"Kailangan natin ng matinong goalkeeper ngayon!" sigaw ni Yeshua habang kinakalampag ang kaniyang mga palad sa meeting table sa bawat salita niya. Tumingin siya sa ‘ming mga kasama nang ilang sandali, huminga nang malalim, at bumalik sa pagkamot ng kaniyang ulo na para bang kinukuto siya.Ang maliit na club room namin ay puno ng mga bola ng futsal at iba pang mga gamit sa pagsasanay tulad ng iron weights at isang single leg press. Mayroon ding mga poster ng mga sikat na soccer players sa pader. Mayroong isang maliit na cabinet na may apat na cubicles sa kaliwa ng kwarto. Bukod roon, puno na ito ng basura.Nagkatinginan sina Gina at Miya sa isa't isa at nagkibit-balikat."Kumalma ka nga lang, captain,” ani Miya habang ngumangata sa chichiryang binili niya kanina pang umaga. “Simula pa lang ang semestre. Alam ko na nag-aadjust pa ‘yong ibang freshies.”Pinandilatan siya ni Yeshua. "Wala na tayong oras! Malapit na ang Intramurals. May training pa. Kailangan pa nating gumawa ng tea
Keisha“Pasensiya na talaga, guys!” bulalas ni Yeshua pagkasalampak sa sala kung saan kami ngayon nakatambay.Nakauwi na ang mga tito at tita ni Yeshua. Miski ang mga naging kaklase niya noon ay nakauwi na rin. Ang tanging nandito na lang ay kaming nasa futsal team at ang mga pinsan niyang hanggang ngayon ay nagkakantahan pa rin sa labas.Ngayon lang namin nakitang nakaupo si Yeshua dahil sa sobrang tao kanina kaya naman pinagpahinga na muna namin siya. Nakakain na rin kami kanina habang hinihintay siya habang nanonood ng soccer sa TV nila.“Okay lang, ano ka ba?!” Pinalo ni Miya si Yeshua sa balikat habang natatawa. “Ganito talaga kapag nagbe-birthday. Ikaw pa ‘yong pinaka-busy.”“Nakakahiya kasi sa inyo. Tinulungan niyo pa ako kanina mag-serve sa mga bisita, eh, bisita ko rin naman kayo.”“Baliw ‘to! Anong gusto mo? Tawanan ka lang naman habang nagkakandaugaga ka na sa mga bisita mo? ‘Buti umuwi rin ang parents mo. Kung hindi, ewan ko na lang.”“Wala ring silbi kapatid ko. Siya pa n
Keisha“Hello, Keisha!” bati ni Paulle, isa sa mga pinsan ni Yeshua na kaklase ko ngayong senior high school. Matagal ko na siyang kilala pero hindi ko pa siya nakakausap before. Madalas kasi siya sa room namin kasama ang kaibigan niyang si Reyannah na siyang naging kaklase ko.“Hi!” Sinigurado kong medyo may kalakasan na ang boses ko dahil baka mapagkamalan na naman akong snob.“Classmate pala tayo ngayon. Nice to meet you! Sana maging mabuti tayong magkaibigan.”Napangiti ako habang nakatingin sa nakangiti niyang mukha. Nakakahawa kasi ang pagka-hyper niya.“Ito nga pala si Reyannah. Classmate din natin siya.”“I know her,” ani Reyannah. “Naging kaklase ko siya noong junior high school. Tahimik lang siya masyado kaya hindi kami ganoon ka-close.”“Mukha ngang tahimik ka, Keisha. Pero huwag kang mag-alala, ako ang bahala sa kwento.”Sa bandang dulo kami ng room naupo at doon nagkwentuhan. Hindi naman ako na-OP sa kanilang dalawa lalo na at si Paulle lang talaga ang nagsasalita. Pamins
KeishaNapalunok ako habang kumakain kami sa isang fast food chain. Kasama ko sina Reyannah at Paulle pagkatapos ng basketball game. Bigla kasi kaming nagutom kaya nagpunta muna kami rito bago umuwi.Pero ang hindi ko inaasahang panauhin ay si Kise.Kasama namin siya sa table imbes na sumama siya roon sa mga teammate niya na kumakain din malapit sa table namin. Hindi ko tuloy malunok nang maayos ang kinakain ko dahil kaharap ko siya at kanina pa siya nakatitig.Wala naman kaso kung gusto niya sa ‘min sumama dahil kapatid siya ni Paulle. Pero nakakailang na kasi ang tingin niya. Babae rin ako. Nakaka-conscious sa tuwing may nanonood sa ‘king kumain.“Bakit ba kasi nandito ka?” tanong ni Paulle. “Nandoon ang mga ka-team mo. Doon ka sumama at i-celebrate ang pagkapanalo niyo.” Bahagya pa niyang tinulak-tulak ang kapatid at pilit pinaaalis ng upuan.“Bakit ba? Gusto ko rito. Kung ayaw mo akong kasama sa isang table, ikaw na lang ang umalis.”“Wow, ah? Hiyang-hiya naman ako sa ‘yo. Kaibiga