Chapter Six

HAZEL ALLISON LEVISTE'S POV

MONDAY came at wala kaming masyadong ginawa ng mga anak ko kundi ang magliwaliw sa bahay. Wala naman kaming gagawin kasi naka-leave ako sa trabaho tapos ang pasok pa ng mga bata ay next week pa.

"Mommy please, please mag-mall na tayo. Gusto kong magpunta sa mall," here's Artemis, begging me. 

Lagi naman kaming namamasyal sa mall nung nasa Australia pa kami, hindi ko alam bakit hanggang dito gusto pa ring mag mall, wala naman masyadong pinagkaibihan ang mga mall sa Australia at sa Pilipinas.

"Fine, fine baby. Pupunta na tayo ng mall kaya huwag ka ng kapit nang kapit sa akin," malumanay kong sabi at napangiti naman siya.

"Archer, you should come with us too." saad niya sa kambal na laging may hawak na libro.

"Nothing's special in mall." simpleng sagot ni Archer habang nagbabasa.

Ako na ang nagsalita para hindi na humaba ang usapan nila. "I will take you with us, Archer. Dapat lumalabas ka rin paminsan-minsan." 

"Fine." yan na lang ang nasabi niya.

Nag-ayos lang kami saglit bago sumkay sa van at nagpahatid kay Manong Karlo sa isang malapit na mall.

Wala naman kaming masyadong ginawa kundi ang mamili ng mga damit, laruan at kung ano pa. Pinilit pa nga ako ni Artemis na bumili ng cellphone.

"You're too young to have a phone," yan ang laging sinasabi ko.

"But mommy, I saw my fellow Filipinos at the same age as mine kanina, may cellphone na po sila." pamimilit niya.

"You're just 8 years old, Artemis. Hindi magandang bata ka pa nagse-cellphone ka na." pagpapaliwanag ko sa kanya. Mahirap na, baka umiyak ito sa mall.

"Pero mommy—" 

Hindi na niya natapos ang sasabihin nang unahan siya ni kapatid niya sa pagsasalita.

"Cellphones are for high schoolers, Artemis. Mom will only buy us a phone after we graduate from elementary." saad nito habang nagkatingin sa kapatid.

Pasimple akong napangiti. Buti na lang at nakakaintindi itong si Archer. Well, I asked him one time and he said he prepares books than phones. 

"Fine, fine. No cellphones 'til we graduate from elementary level." nakatungong sagot ni Artemis at hindi na nagpumilit pa.

Kumain lang kami sa Mang Inasal dito sa mall pagkatapos mamili.

"Wait lang ha may tatawagan lang ako," pagpapaalam ko sa kanila at tumayo muna. 

Lumabas ako sa pinagkakainan namin at kinuha ang phone ko para tawagan si Kuya Seth. May itatanong lang sana ako tungkol kay Sky. 

Habang nagdadial ako bigla na lang tumawag sa pangalan ko nang hindi ko inaasahan kaya napalingon ako sa likuran ko nang mabilis.

"Allison." Isa lang naman ang tumatawag sa akin sa second name ko. At yon ay si—

"S-Sky..." napalunok ako bago nagpilit na ngumiti.

Mas lalo akong nakaramdam ng pagkamiss sa kanya nang makitang malapit siya sa akin. Ang tagal kong naramdaman ang presensya niyang malapit sa akin.

Nakasuot siya ng isang simpleng navy blue shirt at pinarisan ng simpleng dark grey jeans. Napatingin ako sa katabi niya at si Arianna iyon na nakasuot ng white dress. 

Sumama bigla ang pakiramdam ko.

"Hi, Hazel. Nakabalik ka na pala." nakangiting bati sa akin ni Arianna at kumapit kay Sky na parang pinapahiwatig niyang sa kanya na siya.

"Um, yes. Kakabalik ko lang." pinilit kong maging normal sa harapan nila.

"Mag-isa ka lang?" tanong na naman ni Arianna at doon ko lang naalala ang mga anak ko! Sana hindi sila lumabas para hanapin ako.

Should I tell them kasama ko mga anak namin ni Skyler? Pero baka bigla itong magwala.

I glanced at Sky and he is looking at me coldly. Parang kinamumuhian niya akong makita dito. Because of his way of staring at me coldly, umatras ang plano kong ipakilala ang mga anak ko sa kanya ngayon.

Maybe next time na lang. Kung may next pa nga.

"U-uh, yes. Mag-isa lang akong namamasyal dito." tumawa ako nang mahina habang nakatingin kay Arianna.

Hindi ko kayang makipagtitigan kay Sky. Bumabalik ang sakit. Baka kapag naalala ko lahat ng mga masasakit na binitawan niya sa akin noon, iuwi ko bigla ang mga anak ko sa Australia.

"Ah..." Arianna smiled at me sweetly. "Gusto mo sumama sa amin ng BOYFRIEND KO?" nakangiti niyang tanong. Pinapamukha niyang wala na akong babalikan dito.

Napatingin ulit ako kay Sky na nakatingin na ngayon kay Arianna habang nakakunot ang noo. Akala ko sisitahin niya ito pero wala siyang sinabi.

"H-hindi na rin siguro. Pauwi na rin kasi ako." napipilitan kong sagot.

"Aww, okay. Plano sana naming kumain ni Sky dito sa Mang Inasal. Magdedate kasi kami ngayon eh," nakangiting saad niya.

What? Kakain sila dito sa Mang Inasal?

"Ah hahaha... enjoy niyo date niyo." nakangiwing saad ko at umiwas ng tingin. 

Damn. Kinakabahan ako. Baka makita nila ang mga anak ko na nakapuwesto malapit sa entrance. 

"We have to go." malamig na usal ni Sky at hinawakan si Arianna sa siko. Bakit parang sinasaktan niya ang girfriend niya sa way ng pagkakahawak niya? Ginanyan ba niya ako dati?

Nagtataka namang napatingin si Arianna sa kanya. "Huh? Pero akala ko ba dito tayo kakain sa Mang Inasal? Hindi ba ikaw nag-suggest?" 

"Nawalan ako ng gana," at tumingin siya sa akin na parang may ginawa akong sobrang mali.

Napatingin naman sa akin sandali si Arianna bago tumingin pabalik kay Sky. Napangiti siya nang matamis nang marealize na niya. "Oh? Haha. Sige, babe. Anything for you." bumaling naman si Arianna sa akin. "Paano ba yan? Ayaw na pala si Sky dito. Aalis na kami."

Nakatingin lang ako sa likuran nilang papalayo at napailing na lang. Mabuti na rin at hindi sila tumuloy.

"Mommy? Sino kausap mo?"