Chapter 5: After The First Night

Masakit na liwanang na nagmumula sa kung saan ang nagpamulat kay Samantha kinabukasan. Malakas na ang buhos ng liwanag mula sa bintana ng kanyang kuwarto. Ibig sabihin, tanghali na at hindi na siya nakapasok sa opisina pagkatapos ng mga nangyari kagabi.

Kagabi.

Napakagat-labi siya nang maalala ang nagdaang gabi. Ang paghahabol niya sa oras. Ang pagkawala ng kuryente sa SSL building. Ang eksenang natagpuan niya sa loob ng penthouse ni Sir Aaron at ang…

Sir Aaron.

Marahan siyang napapikit at dinama ang kanyang labi. Ramdam pa niya ang init ng h***k ni Sir Aaron doon. Dama pa ng balat niya ang bawat paghaplos ng mga palad nito. At dala pa rin ng puso niya ang ligaya na dulot ng pag-angkin nito sa kanya.

Marahan siyang nagmulat nang maramdaman ang pamumula ng pisngi niya. Mabilis niyang kinuha ang unan sa tabi niya at itinakip iyon sa kanyang mukha. Gusto niyang magsisigaw at maglulundag dahil panay ang alon ng kilig sa d****b niya. Ngayon na maayos na ang huwisyo niya at naaalala niya ang lahat, tila nahihiya siya. Pero kagabi, habang kusang loob niyang ibinibigay kay Sir Aaron ang sarili niya, ni hindi niya naisip ang hiya o kung ano pa mang dapat niya sanang maisip. Ang tanging naiisip lang niya ng mga oras na iyon, ang ‘di maipaliwanag na saya sa puso niya at ang mga h***k at yakap ng boss nila.

Alam niya, para siyang gaga. Ibinigay niya ang sarili niya sa isang lalaking lango sa alak at walang kasiguruhan kung maaalala pa siya. Pero hindi siya nagsisisi. Gusto niya si Sir Aaron. Marahil nga, higit pa sa gusto. At ewan ba niya kung bakit pakiramdam niya na dapat siya talaga ang naroon kagabi at hindi si Ms. Krisitine na siyang palagi nitong binabanggit.

Napabuntong-hininga siya at bumangon sa kanyang kama. Napangiwi siya nang makaramdam siya ng kaunting sakit sa kanyang pagkababae. Patunay talaga iyon na nangyari ang kagabi at hindi siya nag-iilusyon lang.

Wala sa sarili siyang humarap sa salamin. Aside from losing her innocence, wala namang nagbago sa kanya. Siya pa rin si Samantha Bautista. Nag-iisang anak, working student at marami nang responsibildad sa buhay sa edad na bente-tres.

Bumuntong-hininga siya at kinuha ang cellphone niya na nakapatong sa tokador.  Kailangan niyang mag-text kay Ms. Lalaine na magha-half day siya ngayon. Hindi siya pala-absent pero dahil sa mga pangyayari kagabi, hindi niya sigurado kung makakakilos din siya nang maayos agad sa opisina. Kailangan niyang ipahinga ang katawan niya kahit ilang oras lang.

Tatlong ulit siyang inangkin ni Sir Aaron kagabi. At nanatili siya sa penthouse nito ng halos dalawang oras. Kung paanong nangyari ang mga nangyari kagabi, hindi niya pa rin alam. Subalit isa lang ang sigurado siya, hindi niya makakalimutan ang nagdaang gabi kahit na kailan.

Mabilis siyang tumipa sa cellphone niya. Nag-text siya kay Ms. Lalaine kung puwede siyang maghalf-day. Minuto lang ang binilang, nag-reply ang boss niya. Pumayag ito sa request niya. Maya-maya pa, tumawag ito. Kinakabahan man, sinagot niya ang tawag.

“H-hello, Ma'am?” bati niya sa boss niya, alanganin.

“Sam, naibigay mo kay Sir Aaron 'yong file kagabi?” diretsong tanong ng boss niya sa kanya.

Napangiwi siya, tumikhim. “M-medyo po, Ma'am.”

“Medyo?”

Sinubukan niyang pigilan ang pagbangon ng kaba sa d****b niya. Kaya lang nagsimula nang pagpawisan ng malamig ang mga kamay niya. Mabanggit lang ang kagabi, parang nakukunsensiya na siya at kinakabahan nang sabay na hindi niya malaman.

“M-ma'am, ano po kasi...” Napalunok siya. “N-nawalan po ng kuryente kagabi kaya hindi ko po naibigay kay S-Sir Aaron nang personal 'yong file. K-kaya po iniwan ko na lang sa desk ni Ms. Viviane. S-sorry po. Hindi ko po kayo na-inform agad.” Napangiwi siya. Hindi siya sanay magsinungaling. Kaya lalo siyang nakukunsensiya sa ginagawa niya ngayon. Pero anong magagawa niya, hindi niya puwedeng sabihin sa iba na nagpunta siya sa bahay ni Sir Aaron kagabi at may nangyari sa kanila.

Nang makatulog si Sir Aaron bandang alas-dies y media ng gabi, saka pa lang siya dahan-dahang lumabas ng penthouse. Hindi pa bumabalik ang kuryente at lalo niyang ipinagpapasalamat iyon dahil hindi gumagana ang mga CCTV. Naging pabor iyon sa kanya upang isakatuparan ang plano niyang burahin ang anumang bakas ng pagkakakilanlan sa kanya kagabi. Ginamit niya ang staircase para pumunta sa executive floor at ilapag sa table ni Ms. Viviane ang report na  ibibigay niya sana kay Sir Aaron. Gusto niyang pagmukhain na hindi talaga siya nakarating sa penthouse at malabo na nagkita sila ni Sir Aaron kagabi.

She was just at the wrong place at the wrong time. ‘Yon lang ‘yon.

At kahit na alam niyang imposible, ayaw niyang mahanap siya ni Sir Aaron kung sakali. Isa pa, gusto na niyang kalimutan ang mga nangyari kagabi at ipagpatuloy ang buhay niya na parang walang nangyari. Dahil alam niya, kahit na gaano kaganda para sa kanya ang nangyari kagabi, wala iyong bale kay Sir Aaron. Ni hindi nga siya nito kilala dahil pangalan ng girlfriend nito ang tinatawag nito tuwing inaangkin siya nito. Kaya ano pang panghahawakan niya? Ano pang aasahan niya?

Last night will be just a memory. A very beautiful memory.

“I see. That’s good. Mabuti na rin na hindi kayo nagkita ni Sir Aaron kagabi,” kalmadong pagbabalita ni Ms. Lalaine.

“B-bakit po?” kinakabahang tanong niya.

“May nangyari daw kay Sir Aaron.”

Napatuwid na siya ng tayo. Bumangon ang kaba sa d****b niya.

Anong nangyari kay Sir Aaron? Nasaktan ba ito? Naaksidente? Maayos naman niya itong iniwan kagabi. Siniguro din niyang naka-lock ang pinto at—

“I guess it’s between him and his actress girlfriend. He was upset. Viviane called and said that Madam Liza is calling off all meetings today on his behalf.  Which is kind of good. We all need a breather after all the tension from the board for the past 6 months,” ani Ms. Lalaine bago nagbuga ng hininga. “Anyway, you can take the day off Sam. Take the extra hours of today to catch up with your lessons from your night classes.” Mabilis siyang nagpasalamat sa boss niya. Ilang minuti pa, pinutol na nito ang tawag.

Napabuga siya ng hininga. Mukhang alam na niya ngayon kung bakit naglasing si Sir Aaron kagabi. Dahil sa girlfriend nito.

Marahan siyang napailing nang makaramdam siya nang kaunting kurot sa d****b niya. Masakit mang isipin, pero ginamit lang siya talaga ni Sir Aaron para sa kung ano mang frustration nito sa girlfriend nito.

Well, ano ba ang ine-expect niya? Na nagustuhan siya ni Sir Aaron kaya may nangyari sa kanila?

Napahilot na siya sa ulo niya na biglang nanakit. Kailangan na niya sigurong mag-kape para mahimasmasan siya at umayos na ang huwisyo niya.

Mabilis siyang nagtali ng buhok at lumabas ng kuwarto niya.