Chapter 5

Nina POV

Napaka kontrabida naman ng lalaking ito. Kaya sumimangot ako ng bongga. Nang tumigil ang sasakyan ay mabilis akong nagtungo sa gate.

Kinausap ko ang security guard na lalabas lang ako saglit. Nabuksan na ng guard ang gate nang pigilan ito ng machong gagong kontrabida. Mabilis akong lumabas ng gate at lumapit sa manliligaw ko.

May inabot itong isang paper bag sa'kin. Masaya ko naman iyon na kinuha. Nagpasalamat ako ng bongga sa manliligaw ko.

Napaka generous talaga nito. Mabait pa, kaya hindi ako magdadalawang isip na sasagutin ito kapag nagsabi lang ito na gusto niya ako. Kaya lang, masyado pang maaga para sagutin ito.

Magsasalita sana si Bernard nang may bumusina sa tabi namin. Napalingon kaming dalawa sa nagbusina. Ang kontrabidang lalaki ang nagbusina. Ang lakas pa naman iyon. Tarantado talaga siya.

"Pinapatawag ka ni Don Sebastian. Mamaya ka na makipaglandian kapag wala kang trabaho sa loob," seryoso nitong sabi at matalim na tumingin kay Bernard at sa'kin.

Mukha itong galit.

Hindi ko ito pinansin at humarap ako kay Bernard para magpaalam na. Ikikiss ko pa nga sana ito sa pisngi. Pasasalamat sa regalong bigay nito.

Pero napapitlag ako ng bumusina ulit ito ng napakalakas. Gago talaga. Istorbo! Inggetero! Kontrabida! Pakialamero! Gigil kong sabi sa isipan ko.

Kaya wala akong choice kundi ang pumasok na sa loob habang nakapagpasalamat ulit ako kay Bernard. Inirapan ko muna ang machong hippopotamus na ito bago pumasok na ng tuluyan. Patakbo na akong nagtungo sa bahay namin.

Oo, may sarili kaming tirahan, nakahiwalay sa mansion at solo ko ang isang kwarto. Kaya pabor iyon sa'kin para may privacy ako. At magawa ko ang gusto kong gawin sa kwarto ko.

******

Hindi ko ito pinansin nang sunduin na namin si baby Serenity sa paaralan nito. Mabuti at nagbukas ito ng radyo para hindi boring.

Kachat ko din ang manliligaw ko. Masayang masaya ang pakiramdam ko. Sweet din kasi at medyo kalog ang lalaki. Nasa thirty-plus na ang edad nito at gwapo, tama lang sa standard ko. Kaya alam kong bagay kami.

Kinikilig ako sa tuwing nagme-message ito sa'kin. Heto nga at tumatawag ito ngayon sa'kin. Matamis akong napangiti at sinagot agad ang tawag nito.

"Hello Be." Be ang tawag ko sa kaniya at Ni naman ang tawag nito sa'kin.

Nagtanong ito kung nagustuhan ko ang regalo nito para sa'kin.

"Yes, thank you. Ang ganda, salamat ha." Sabi ko. Hindi ko pinansin ang driver na umubo.

Heto na nga at nagtatanong na kung kailan ang day off ko. Magdate daw kami. Kinilig naman ako.

Dahil sa excitement ko, napalakas ang pagkakasabi ko na magdate kami.

"Magdate tayo?" Dahil sa excitement ko, napalakas ang boses ko sa kilig. "Sige, sige, magpapaalam ako kay Don Sebastian. Kailan ba, sa linggo na ba?" excited ko pang tanong.

Kinilig naman ako sa sinabi nito.

"Ay sige, bet ko yan. Excited na ako makapasyal sa labas. At makadate ka," bulalas ko pa.

Tumawa naman ang kausap ko sa kabilang linya. Magsasalita pa sana ako nang nilakasan ng gagong lalaki ang radyo. Hindi ko na tuloy marinig ang sinasabi ng kausap ko. Napaka kontrabida naman ang nakakainis na lalaking ito.

"Sige na, usap na lang tayo mamaya. May nagpa-party dito sa loob ng sasakyan. Hindi kita marinig Be, siguraduhin mo ang date nat----ahhh!" sigaw ko nang nag-preno ng malakas ang driver ko.

Dahil hindi ako naka-seatbelt sa likod at sa gitna ako umupo. Tumilapon ako sa gitna ng pagitan ng upuan sa harapan. Nabitawan ko ang cellphone ko at nahulog sa harapan.

"Gago ka ba?!" inis kong sabi. "Aray ko," daing ko pa. Nasaktan ang braso ko at balakang ko sa ginawa nito.

"Biglang nag-red light, hindi ko nakita," simpleng sagot lang nito.

Tangina, hindi man lang mag-sorry. Gagong 'to ah. Sarap kutusan eh. Hinanap ko ang cellphone ko.

Dudukwang sana ako para pulutin ang cellphone ko nang inunahan niya ako na pulutin ito. Akala ko ibibigay nito sa'kin.

Pero napanganga na lang ako nang basta nalang niya ihagis sa labas ng bintana ang cellphone ko.

"Huwag!" sigaw ko.

Pero huli na. Naitapon na niya ang cellphone ko sa labas. Napasunod pa ang tingin ko sa cellphone na ibinato nito sa labas.

Nagkanda-basag-basag at nagkalat sa kalsada ang nagkapira-piraso kong cellphone. Napatingin na lang ako sa kawawang cellphone ko habang papalayo na ang sasakyan namin.

"Ang cellphone ko," mahinang sabi ko.

Hindi ako nakapagsalita sa gulat sa ginawa nito sa kawawa kong cellphone. Regalo pa iyon ng Papa ko noong graduate na ako ng vocational.

Sobrang iniingat-ingatan ko iyong cellphone na iyon. Tapos ibabato lang nito sa labas ng gano'n lang kadali, dahil pangit ang cellphone ko.

Anong dahilan niya bakit niya ginawa iyon?

Napaluha na lang ako sa sama ng loob sa lalaking ito. Gusto ko siyang sabunutan at suntukin, kaso baka madisgrasya kami.

Bwesit talaga ang lalaking ito. Sobrang nakakainis siya. Tuloy pa rin ang pag-agos ng luha ko sa mga mata. Hanggang sa nakarating na kami sa paaralan ng alaga ko.

Tumingin ito sa akin pero nag-iwas ako ng tingin sa kanya. Nagpunas muna ako ng luha bago lumabas na sa loob ng sasakyan. Nakita kong labasan na ng mga bata kaya dali-dali akong lumapit sa classroom ng alaga ko.

Inayos ko ang facial expression ko para hindi mahalata ng alaga ko na malungkot ako. Na masama ang loob ko at galit ako. Gusto ko talaga siyang mura-murahin kanina. Kaya lang nawalan ako ng boses sa pagkagulat.

*****

Gardo POV

Unang kita ko palang sa dalaga, attractive na ako sa kaniya. Hindi ko deni-deny iyon. Gano'n ako ka-vocal sa sarili ko.

Kung may gusto ako sa isang tao, bagay, hayop at kung ano-ano pa. Magagawan ko agad ng paraan para makuha ko lang iyon. Para mapasaakin agad-agad.

I'm Gerardo Bustamante, of course I can do anything. Everything!

Kahit pa makipagpatayan pa ako kay Satanas, hindi ko siya uurungan. Wala akong inuurungan. Wala akong hindi kayang gawin na hindi ko nakukuha.

This woman, gagawin ko ang lahat para mapasakin lang ito. She's not boring she is a talkative, funny, and caring person.

Ang daming personality nito na nagustuhan ko. Ang ayaw ko lang sa kanya ay sobrang talkative niya.