Chapter Six: A Surprising Invitation

Kasulukuyang namang nagwawalis si Clarissa ng hardin nang araw na iyon. Natuwa si Donya Victorina at ang Mayordoma sa mga ginagawa niya sa hardin dahil mas napaganda niya daw iyon. Kaya naman siya na ang nakatokang magmintina sa malawak na hardin na iyon.

Oo, nakakapagod magdilig ng mga halaman at linisin ang napakalawak na hardin ng mga Esquivel, pero mas nananaig ang kanyang kasiyahan sa tuwing nakikita niya ang mga bulaklak na namumukadkad at kapag nakikita niyang malulusog ang nga halaman. Pakiramdam niya ay ito ang kanyang kaharian, at isa siyang prinsesa ng mga bulaklak at ng mga halaman...

"Hi there!"

Biglang nabitawan ni Clarissa ang hawak na hose dahil sa labis na pagkagulat nang makarinig siya ng boses mula sa kanyang likuran.

Agad siyang lumingon upang tignan ang taong nasa likod niya. Mas lalo siyang nagulat nang makita ni ang future na mapapangasawa ni Rafa na si Jasmine...

"Oh, pasensiya ka na kung nagulat ka. I'm really sorry..." ang hinging-paumanhin sa kanya ng babae.