Chapter Two: Rafa Esquivel, The Politician's Son

"Ikaw na ang bahalang maghatid sa kanya sa bayan, parekoy..." ang pakiusap ni Caloy sa kaibigang traysikel driver.

"Akong bahala parekoy." ang tumatanging tugon ng driver.

"Maraming salamat po ulit sa lahat, Mang Claro at Caloy... And I'll see you again, Clarissa." ang makahulugamg nasabi ni Rafa.

Tumango na lamang si Clarissa bilang sagot dahil hindi niya rin naman alam kung ano ang sasabihin.

Makalipas pa ang ilang sandali ay umandar na palayo ang traysikel. Sinundan niya iyon ng tingin hanggang sa mawala ito sa kanyang paningin.

Muling umalingawngaw sa kanyang isipan ang mga huling sinabi ni Rafa sa kanya...

"Mapapadalas ang pagpunta ko dito..."

"I'll see you again, Clarissa..."

Nalilito ang kanyang puso at isipan sa mga sinabi ng lalaki, pero isa lang ang nasa isip niya. Excited siya na makitang muli si Rafa Esquivel...

=========================

Makalipas ang ilang araw.

Nakapangalumbaba si Clarissa sa may bintana habang nakatitig siya sa maiitim.na langit. Ang panggabing langit ay napapaligiran ng mga nagkikislapang mga bituin, na para bang ngumingiti ang mga ito sa kanya.

Medyo nalulungkot lamang siya dahil sa mga nakalipas na araw ay hindi niya nakikita si Rafa sa palengke. Pero naisip din niya na parang imposible din naman na mapadpad ito sa palengke dahil anak ito ng mayaman, lalo na at galing ito sa mga angkan ng Esquivel.

Naputol sa pagmumuni-muni si Clarissa nang marinig niya ang boses ng kanyang Kuya Caloy.

"Clarissa,may bisita ka...Si Lilet. Puntahan mo na sa may salas at may sasabihin daw siya sa'yo.

Agad namang tumalima si Clarissa. Mabuti na lamang at napadalaw si Lilet dahil kailangan niyang may kakwentuhan upang maalis muna sa kanyang isipan si Rafa Esquivel.

Si Lilet ay kapitbahay niya at kababata. Sabay silang lumaki, nag-aral sila sa iisang eskwelahan, at ngayon nga ay balak nilang mag-aral ng kursong Nursing sa isang kolehiyo sa Maynila.

"Lilet, mabuti naman at napunta ka dito. Tamang-tama ang dating mo kasi naghahanap ako ng kakwentuhan." ang bati.ni Clarissa sa kaibigan.

"Saka na muna ang tsismis... May maganda akong balita sa'yo." bungad agad ni Lilet sa kanya.

"Ano ang magandang balita na iyan?" ang curious na tanong ni Clarissa.

"Eto na nga... Nakausap ko si Tiya Maring kanina at sabi niya ay naghahanap daw ng part-time na kasambahay ang pamilyang pinaglilingkuran niya. Maganda daw pagpasweldo ang mga amo niya, libre ang pagkain at puwede daw mag-uwian. Mga dalawang buwan lang daw ang trabaho." ang excited na pagbabalita ni Lilet.

"Aba, magandang offer nga iyan! Makakadagdag sa ipon natin iyan sa plano nating pagpunta ng Maynila!" ang masayang turan naman ni Clarissa.

"Tumpak ka doon! O, ano, payag ka ba sa raket na ito?" tanong ni Lilet.

"Hindi na ito kailangang pag-isipan pa, Lilet. Kailangan tayo magsisimula?" 

"Ang sabi ni Tiya Maring ay pumunta daw tayo sa bahay ng mga amo niya sa Lunes. Magtatanong lang daw sila ng kaunti, pero pasok na daw tayo kasi inirekomenda na tayo ni Tiyang." ang paninigurado ni Lilet.

"Mabuti naman kung ganoon. Makakatulong din ang ekstrang trabaho upang mas lalo tayong makaipon..." tumatangong sabi ni Clarissa.

Makalipas pa ang ilang sandali ay nagpatuloy ang kuwentuhan ng magkaibigan hanggang sa lumalim ang gabi...

===============================

Napaawang ang bibig ni Clarissa nang makapasok sila sa malawak na hardin ng pamilyang paglilingkuran nila sa loob ng dalawang buwan.

Sa sobrang lawak ng hardin ay puwede nang makapagpatayo ng bahay ang isang barangay. Mala-palasyo din sa laki at gara ang mansyon ng kanilang magiging amo. Pakiramdam niya ay mawawala siya sa sobrang lawak ng lugar na iyon...

"Naku, itikom mo iyang bibig mo at baka mapasukan ng langaw." ang natatawang saway sa kanya ni Lilet.

"Hindi ako makapaniwala sa mga nakikita ko, Lilet! Parang nakikita ko lang ang ganitong lugar sa mga pelikulang banyaga! At parang ganito ang mga nakikita kong tahanan ng mga Hari at Reyna sa England!" ang nasabi ni Clarissa.

"Oo nga pala, maghintay ka muna dito at pupuntahan ko si Tiya Maring para ipaalam na nandito na tayo. Babalikan kita kapag puwede na tayong pumasok sa loob, okay?" ang anunsiyo ni Lilet.

"Sige Lilet, titingin muna ako ng mga bulaklak dito." nakangiting sagot ni Clarissa.

Nang makapasok na sa loob ng mansyon si Lilet ay binusog ni Clarissa ang kanyang mga mata sa iba't-ibang bulaklak sa hardin. Merong mga pula, puti at pink na rosas, at meron ding iba't-ibang klase at kulay na mga orkidyas. Natutuwa siyang mapaligiran ng mga iba't-ibang klase na mga bulaklak. Pakiramdam niya ay prinsesa siya ng mga bulaklak!

May nakita siyang napakaganda at kakaibang bulaklak. Hindi na niya napigilan ang sarili na pumitas ng isang bulaklak at inilagay iyon sa kanyang buhok...

Hindi niya alam kung bakit, pero naramdaman niya na parang may nakatingin sa kanya. At hindi nga siya nagkamali. May isang lalaki na nakatingin sa kanya sa may balkonahe habang nakangiti ito sa kanya.

Unang beses pa lamang niyang nakita ang lalaking iyon, pero pakiramdam niya ay napaka-friendly nito. 

May pagka-chinito ang mga mata ng lalaki... Hindi ganoon katangusan at hindi naman pango ang ilong ng lalaki, pero tama lamang ang shape ng ilong nito sa shape ng mukha nito. Nakangiti ang lalaki sa kanya, at ang ngiting iyon ay umabot sa mga mata nito.

Itinigil niya ang pag-survey sa mukha ng lalaki nang mapagtanto niya na nakikipagtitigan siya dito.

"Naku, sorry po kung nakapitas po ako ng bulaklak ninyo!" ang agad na hingi niya ng paumanhin sa lalaki.

"You don't have to apologize. Actually, you look pretty with a flower on your hair.. Kung gusto mo ay kumuha ka pa ng mga bulaklak. By the way, I'm Ralf Esquivel. Ikaw, anong pangalan mo?" ang tanong ng lalaki.

May sasabihin pa sana si Clarissa ngunit hindi na siya nakapagsalita dahil tinawag na siya ng Mayordoma upang ma-interview na sila...

Binigyan niya ng huling tingin ang lalaki na nakangiti pa rin sa kanya. Pagkatapos noon ay agad na siyang sumunod sa Mayordoma...

Samantala, sinundan naman ng tingin ni Ralf ang babae hanggang sa mawala ito sa paningin niya.

"She looks really pretty being surrounded with flowers..." Ralf wondered aloud, at hindi pa rin naaalis ang ngiti sa kanyang mga labi.