Kabanata Sampo

Tatlong araw nang nandito ang labi ni nanay sa bahay namin kung saan siya binuburol ngayon. 

“Alexa, kumain ka na. Palagi ka nalang hindi kumakain. Alalahanin mo 'yong bata na nasa sinapupunan mo. Nag-alala na ako sa 'yo ng husto,” pagmamakaawa ni Aling Berna sa akin. No'ng wala na si nanay, hindi n'ya ako in-iwan. Palagi siyang nasa tabi ko.

Minsan tinataboy ko na nga siya dahil may trabaho pa dapat siya at imbes na mag-trabaho, palagi siyang nandito sa bahay para tingnan ako. Alam ko na sobrang nag-alala talaga siya sa akin. Na-i-intindihan ko naman siya at alam ko rin na naiintindihan n'ya ako kung bakit ayaw 'kong kumain.

“Mamaya na po. Busog po ako,” pagsinungaling ko sa kaniya. Napasinghap ito nang ako kaniyang tingnan at saka siya malungkot na tumingin sa akin.

“Palagi nalang ganiyan ang sinasabi mo na busog ka. Alexa naman... Simula nang namata