Kabanata Siyam

Dahan-dahang humakbang si Madam papunta sa akin. Sa bawat hakbang ni Madam papalapit sa akin ay kinakabahan ako. Wala ring expresyon ang buong mukha nito. Kaya hindi ko mahuhulaan kung galit ba siya, natutuwa or what na magkaka-apo na siya ngayon.

Pero laking gulat ko nalang nang naramdaman kong may biglang mabigat na bagay na dumapo sa pisnge ko. 'Yon pala sinampal ako ni Madam gamit ang kanang palad n'ya. Tiningnan ko ang mga mata nito na nanlilisik marahil sa galit at masama ang tingin na pinupukol n'ya sa akin.

“Ang lakas naman ng loob mo na ipa-ako sa anak ko 'yang batang pinagbubuntis mo. Hindi ka na nahiya. Ang sabi mo walang kayo. Tatlong buwan, tapos bumalik ka dito para sabihing buntis ka? Kung sabagay, may pinagmanahan ka naman. Nagmana ka lang naman sa nanay mo na... dating dancer sa isang club. Kung plano n'yong mag-ina 'to, na magpapabuntis ka sa anak ko? Hindi ako papayag na pananagutan ka ni Karlos!”