Kabanata labing-anim

AFTER SEVEN YEARS...

"Mama!" Humahangos na takbo ng isang batang lalaki papunta sa akin ngayon.

"Uy! Namiss kita!" sabik na sambit ko sa kaniya nang yumuko ako para mapantayan ko siya at mayakap ng sobrang higpit.

"Mama, bakit ngayon lang po kayo pumunta dito?" Hindi ko napigilang ngumiti sa kaniya sabay haplos ko sa kaniyang buhok ngayon at saka ko siya dinampihan ng halik sa kaniyang noo.

"Namiss mo talaga si mama. Tara sa loob," anyaya ko sa kaniya at hawak kamay kaming dalawa pumasok sa loob ng bahay.

"Alexa, nandito ka na. Mabuti nakapunta ka dito. Alam mo ba 'yang bata na 'yan? Miss na miss ka na n'ya. Palagi ka n'yang hinahanap sa akin." Napangiti naman ang bata na buhat ko na ngayon nang siya ay lingunin ko.

"May chocolate ako dito. Heto, para sa 'yo 'yan," sabay abot ko sa kaniya ng chocolate na tinanggap n'ya naman at saka ko na siya binaba. Nangang