Kabanata 4

“Ganda ng bago mong apartment!” puri ng kapatid ni Charlie.

Vinirtual tour ni Charlie ang kapatid niya sa kanyang bagong apartment sa pamamagitan ng video call. Gabi na pero ganadong-ganado siya. Hindi siya makatulog!

“Alam ko, malinis at malawak. Worth it talaga ang $3000. Haha!”

“Pfft,” natawa ang kapatid niyang si Freya. “Sa tingin ko mura ito.”

“Hindi! Haha!” Natawa ulit si Charlie. “Hindi kasing unlad ng Halliport ang Luxford. Kilala lang ito para sa unibersidad. Kaya, hindi dapat ganito kamahal ang renta, pero masaya ako dahil may matutuluyan na ako.”

Ngumiti si Charlie ng maupo siya sa sofa. Tumingin siya sa paligid, umiihip ang hangin mula sa balkonahe ng living room. Sinabi niya, “Pakiramdam ko ang condong ito at view ay makakatulong para matapos ko ang natitira kong taon a Luxford.”

Isang taon na lang ang mayroon siya, at hindi magiging maganda kung lilipat pa siya. Kaya baka, baka lang, matiis pa niya ito.

Kasunod nito ay nakipag-usap si Charlie sa kanyang pamilya. Marami silang mga katanungan, lalo na tungkol sa kanyang mga kaibigan, pero sinabi niya, “Gusto ko lang ng magandang view—para mas magkaroon ng inspirasyon na manatiling numero uno sa overall standing!”

“Good girl!” sambit ng nanay niya na si Riley King.

“Proud ako sa natamasa mo, lalo na sa pagiging independent mo,” sambit ng kanyang ama, na si Adrian King. “Hindi pa din ako makapaniwala na lumipat ka mag-isa at nakahanap ng bagong matutuluyan ng mag-isa—”

Natawa si Charlie, hindi na natapos magsalita ang ama niya. “Ama naman, hindi na ako bata, at oo, marami akong natutunan simula ng mag-aral ako dito.”

Ang dalawa niyang mga kapatid, sina Kian at Jasper, ay tinukso siya mula sa background tungkol sa kahit na ano, sinusubukan kunin ang atensyon niya. Naging nakakatawa itong family conference call.

Sa huli, ipinaalala ng kanyang ama, “Focus ka sa mga goals mo at wala munang date date hanggang sa—”

“Hanggang sa maging dalawamput limang taong gulang ang edad ko. Oo na. Oo na,” tinapos ni Charlie para sa kanyang ama ang sinasabi niya. Natawa siya sa loob-loob niya, iniisip na kung gaano ito makaluma. Ngunit, naiintindihan niya na protective lang ang kanyang ama sa kanya.

“Good night, Charlie Rae. Mahal ka namin. Araw-araw ka namin namimiss,” sambit ng nanay niya.

Nag flying kiss si Charlie para sa nanay niya, at sinabi, “Namimiss din kita, nanay. Mahal kita. Mahal ko kayo nina Ama, Freya at ang mga nakakainis kong mga kapatid na lalaki!”

“Hoy, namimiss mo lang kami!” sambit ni Jasper.

“Pusta ko, walang nandyan para asarin ka,” si Kian, ang isa pang kapatid ni Charlie, ay nagsalita.

Kinalaunan, natapos ang tawag. Mag-isa na naman si Charlie, namimiss ang tahanan niya. Masakit pa din ang puso niya mula sa kamakailan lang na pagtataksil, pero alam niya na makakamoveon siya.

Nagsimula si Charlie sa “pagmomoveon” gamit ang pagtulog sa kanyang bagong apartment.

Naging kumportable siya sa bagong kama at nagkumot siya. Isang bagong text ang nagpakita sa screen niya bago siya pumikit. Binasa niya ang preview” [Hi, ako ang roommate mo. Madaling araw na ako dadating, pero huwag ka mag-alala. Makakapasok ako mag-isa. Ako’y…]

Sa kasamaang palad, nakatulog na si Charlie. Hindi na siya nag-abalang basahin ang natitira sa text.

***

Noong umaga, bumangon si Charlie para uminom ng maligamgam na tubig. Routine niya ito sa pag gising. Noong naglakad siya pabalik sa direksyon ng kanyang kuwarto, narinig niya ang showers a banyong pinaghahatian nila.

“Oh, nakabalik na ba si Miss Dawson?” tanong ni Charlie sa kanyang sarili. Pagkatapos, naalala niya na nagtext si Miss Dawson sa kanya kagabi!

Kuminang ang mga mata niya. Nag-alinlangan siyang kausapin si Miss Dawson mula sa pinto ng banyo, pero hindi niya gusto na isiping bastos siya, kaya bumati siya, “Magandang umaga, Miss Dawson!”

Tumigil sandali ang shower. Ipinakilala ni Charlie ang sarili niya, “Ako ito, si Charlie. Hahayaan na muna kitang magshower, at puwede tayong mag-usap mamaya. Masaya akong makilala ka.”

Ngumiti si Charlie at tumalikod, pero sa sumunod na sandali, bumukas ang pinto ng banyo at may boses ng lalaki na maririnig, “Sino ka naman? At anong ginagawa mo dito?”

Agad na bumilis ang tibok ng puso ni Charlie. Napalingon siya sa direksyon ng boses at matapos makita ang pamilyar na mukha, sumigaw siya, “Oh Diyos ko!”

Si Taylor West!

“Paano ka nakapasok dito?” Galit na sinabi ni Taylor. “Sinong nagbigay sa iyo ng susi?”

“Anong ibig mo sabihin? Baka nasa maling unit ka? Kalahati ng apartment na ito ay inuupahan ko!” sagot ni Charlie. “At bakit ka topless?”

Napansin niya sawakas na nakatapis lang si Taylor, kung saan tumutulo pa ang tubig mula sa hinulma niyang katawan. Panandalian siyang nawala sa focus!

Paanong may ganitong perpektong katawan?

“Hoy! Tumigil ka na kakatitig sa dibdib ko at sagutin mo ako!” galit na sinabi ni Taylor. Pagkatpaos, mukhang napagtanto niya sawakas. Nagtanong siya, “Kilala kita. Ikaw ang nakabangga sa akin noong Biyernes. Inistalk mo ba ako matapos akong makilala?”

“Ano?!” nagreact si Charlie. “Hindi kita inistalk! Nakatira ako dito, pambihira naman! Kakalipat ko lang dito kahapon!”

“Ikaw—ano? Lumipat ka dito?” tanong ni Taylor habang nakaturo kay Charlie. Nanlaki ang mga mata niya ng linawin niya, “Ikaw… si Charlie King?”

Tumingin si Charlie sa kaliwa’t kanan. Tumaas ang boses niya ng sumagot siya, “Oo! Ako iyon! Paano mong nalaman ang pangalan ko?”

May matagal na katahimikan, dahilan para kabahan lalo si Charlie. Umatras ng kaunti si Taylor at tinignan siya ng mabuti. Pagkatapos, nagtanong siya, “Babae ka!”

Tumaas ang kilay ni Charlie at sinabi, “Oo, malinaw naman, babae ako at trespassing ka sa apartment ko! Paano ka ba nakapasok dito?!”

Nanginig ng kaunti ang mga labi ni Taylor. Nilinaw niya ang boses niya at nagtanong ulit, “Ikaw si Charlie King?”

“Ilang beses ko bang uulitin sa iyo? Ikaw ang dapat na magpaliwanag dito. Sino ka at anong ginagawa mo dito?” tanong ni Charlie. Pagkatapos, naalala niya na siya si Taylor West. Hindi lang siya bad boy, pero marami din nagsabi na iba’t ibang mga babae ang sabay-sabay niyang dinedate. “May relasyon ba kayo ni Miss Tanya Dawson?”

“Ikaw si Charlie King,” inulit ni Taylor habang nakaturo sa kanya.

Habang iniiwasan si Taylor, tumakbo sa kuwarto si Charlie, at nagtanong siya, “Nandito ba si Miss Dawson? Puwede niyang ipaliwanag sa iyo.”

“Miss Dawson. Miss Dawson! Ako ito, si Charlie King!” kumatok si Charlie sa pinto, pero walang sagot.

“Hindi, wala si Tanya sa kabilang pinto dahil pinsan ko siya! Technically, nirerentahan ko ang buong apartment at napagdesisyunan na maghanap ng kahati! Ako ang humiling sa property manager na maglagay ng listing para sa co-tenant!” siwalat ni Taylor. “Sa akin ka nagbayad ng kalahati ng deposito, hindi kay Tanya!”

Napanganga si Charlie. Panandaliang tumigil ang puso niya. “Magiging roommate ko si Taylor West?”

“Nooooo waaaaayyyy!”