CHAPTER 5: Ang Planong Bilyonaryo

Ngunit sa sandaling iyon, habang tinititigan ni Jaime ang tikas at paraan ng pananalita ng lalaki, biglang nag-sink in sa kanyang isip ang isang bagay: Hindi lang basta-basta guest ang lalaking ito. Ang paraan ng pagpapalakad nito, ang pag-address ng mga staff, at ang kumpiyansa sa sarili—lahat ay nag-iisang senyales na siya ang nagmamay-ari o may mataas na posisyon dito.

Sa pagkaalarma at pag-iwas sa anumang komplikasyon, agad na umurong ang loob ni Jaime.

"Ah, Sir, hindi na. Bibili na lang ako. Salamat," malamig niyang sabi, sabay mabilis na tumalikod para maglakad palayo.

Napakunot ang noo ni Tristan sa narinig. "Ah Okay"

Ngunit bago pa makalayo ang dalaga, lumingon ulit si Jaime sa kanya. Agad namang nabuhayan si Tristan, lumawak ang ngiti sa kanyang labi, at naghandang sumagot. "Yes?"

"Saan pala ang mini-shop dito?" tanong ni Jaime, pilit na pinapanatili ang pagiging pormal.

"Ah, sa may left side ng reception. Gusto mo samahan k—"

"Ah, hindi na. Salamat," mabilis na putol ni Jaime sa sasabihin nito, sabay talikod ulit at nagmartsa paalis, na nag-iwan kay Tristan na nakatayo at mapapailing na lang sa hangin.

Natawa si Tristan nang mahina habang pinapanood ang mabilis na pag-alis ni Jaime. Umiling-iling siya at napangiti sa sarili.

"Grabe naman 'yun… sasamahan na nga kita, ayaw mo pa," bulong niya habang nakatingin sa direksyon kung saan nawala ang dalaga.

Ngunit sa halip na mainis o masiraan ng loob, biglang may pumasok na ideya sa isip ng bilyonaryo. Isang ngiting may bahagyang pagkapilyo ang gumuhit sa kanyang mga labi. Kung ayaw magpatulong ng dalaga sa maayos na paraan, aba, gagawa siya ng sarili niyang paraan para makuha ang atensyon nito.

Agad niyang dinukot ang kanyang cellphone mula sa bulsa at mabilis na idinial ang numero ng mini-shop ng resort.

“Hello, Sir Tristan?” Ang boses ng isang staff ang sumagot sa kabilang linya.

"Makinig kang mabuti," seryosong utos ni Tristan, ngunit may halong amusement sa tono. "Kapag may nagpunta diyan na babae sa mini-shop na naghahanap ng Type-C charger… sabihin mo na walang stock. Baka next next week pa ang dating. Naintindihan mo?"

Sandaling natigilan ang staff sa kabilang linya bago sumagot, "A-Ah, opo, Sir Tristan. Noted po. Walang stock at next next week pa darating."

"Good. Sige," maikling wika ni Tristan bago ibaba ang tawag.

Isinuksok niya pabalik ang telepono sa kanyang bulsa at muling s******p sa natitirang kape. Habang nakatingin sa malayo, tahimik siyang natawa. No choice ka  kundi bumalik sa akin,  Jamie Casandra Reyes, aniya sa sarili, habang handa na sa susunod na hakbang ng kanyang maliit at lihim na laro.

Ilang minuto ring lumakad si Jamie habang sinusundan ang mga senyas patungo sa mini-shop ng resort. Medyo naiinitan na siya at lalong naiinis sa sarili dahil sa nangyari kanina. Kailangan na kailangan niya ang charger dahil patay na ang kanyang cellphone at wala siyang paraan para makontak ang pamilya o maiayos ang mga naiwang responsibilidad sa Maynila.

Nang makarating siya sa tapat ng maliit ngunit elegante at air-conditioned na tindahan, mabilis siyang pumasok. Lumapit siya sa babaeng bantay sa counter na may ngiti pa sanang sumalubong sa kanya.

"Good morning po, Ma'am! Welcome po sa Isla Del Carmen mini-shop. Ano po ang maipaglilingkod ko sa inyo?" tanong ng staff.

"Hi. Naghahanap sana ako ng Type C charger," diretsong wika ni Jamie, pilit pinapanatili ang kalmado at pormal na boses.

Nagkunwaring nag-isip ang staff at tiningnan ang mga istante. "Ah, Type C charger po ba, Ma'am? Ay, naku, wala na po…pasensya na po. Kaka-check ko lang dito sa system at inventory namin, eh..."

Sumimangot si Jamie. "Ay ganon wala na?"

"Wala na po, Ma'am, eh. Naubos na po kasi kamakailan," pagpapatuloy ng staff habang inaalala ang bilin ng boss. "Baka raw po siguro... next next week pa ang dating ng bagong shipment namin."

Nanlaki ang mga mata ni Jamie sa narinig. "Next next week?!" Bulong niya sa sarili, halos hindi makapaniwala. Paano siya tatagal ng isang linggo rito nang walang cellphone? Paano kung may tumawag o kailanganin siya?

"Wala na bang ibang branch o kaya ay extra dito sa resort? Kahit second-hand o pahiram muna?" pakiusap ni Jamie. Halata na ang pagka-frustrate sa boses.

Umiling nang marahan ang staff, nagpipigil ng ngiti dahil alam nitong parte lang ito ng utos ng kanilang bigating amo. "Wala na po talaga, Ma'am. Sorry po talaga."

Wala nang nagawa si Jamie kundi bumuntong-hininga nang malalim. Padabog niyang hinawakan ang strap ng kanyang bag, umiiling sa kamalasan, at lumabas ng mini-shop nang may mabigat at problemadong hakbang.

Dismayadong naglakad pabalik si Jamie patungo sa dining area habang mahigpit na hawak ang kanyang patay na cellphone. Palinga-linga siya sa paligid, bakas sa mukha ang matinding pagka-frustrated dahil sa nalaman sa mini-shop. Wala siyang choice; kailangan niyang humanap ng paraan para umandar ang telepono niya kahit papaano.

"Looking for me?"

Isang pamilyar, may kalmadong boses ang biglang umalingawngaw mula sa kanyang likuran.

Napakunot ang noo ni Jamie at mabilis na lumingon. Nakita niya ang lalaking kanina pa niyang kinaiinisan—si Tristan. Subalit hanggang sa mga sandaling ito, sa kabila ng ilang beses nilang pagkikita simula sa airport, sa waiting area, sa eroplano, hanggang sa pagsakay sa parehong shuttle, ni minsan ay hindi pumasok sa isip ni Jamie o na-recognize man lang kung sino ito. Para sa kanya, isa lang itong istorbong estranghero.

Dahil wala na siyang ibang pagpipilian at desperado na sa charger, nilunok ni Jamie ang kanyang pride. Lumapit siya rito nang may pormal na ekspresyon.

"Sir… out of stock po 'yung charger sa mini-shop," bungad ni Jamie, medyo alanganin ngunit direkta. "Puwede ko bang mahiram muna 'yung spare charger mo?"

Isang makahulugang ngiti ang sumilip sa mga labi ni Tristan. Nasa mga kamay din kita sa wakas, naisip niya.

"Yeah, sure," mabilis na tugon ni Tristan. Agad siyang lumingon sa isang malapit na staff at sinenyasan itong kumuha ng charger sa kanyang opisina.

Makalipas lamang ang dalawang minuto, mabilis na bumalik ang staff dala ang isang brand-new Type-C charger at iniabot ito kay Tristan.