Chapter 5

Maegan

“Sandali lang Mr. Vegafracia, hindi pwede itong gusto mo!”  protesta ko sa bagong boss ko pero poker face pa rin siya at tila hindi nabagabag sa sinabi ko

“You just signed the contract, Blair! At bakit sa akin mo ipapasa ang negligence nitong handler mo?” balik tanong naman sa akin nito saka siya tumingin kay Paul

“Yes Sir, I understand pero pwede pa naman siguro nating pag-usapan!” pakiusap ko dahil hindi talaga ako kumportable sa nakasaad sa kontrata

She is a model and not an escort, for crying out loud!

“Okay! So gusto mo bang magback-out? Sabihin mo lang para makahanap na ako ng kapalit mo! Pero isipin mong mabuti kung ano ang magiging epekto nito sa career mo!” cool na sagot ni Lander sa akin at naisip ko na totoo din ito

Matagal na siya sa industriyang ito at never pa akong nagback-out sa trabaho. Never akong nasangkot sa eskandalo kaya naman puring-puri ako ng mga elders.

At isa din siguro ito sa dahilan kung bakit hindi ako nawawalan ng projects. 

“Magdecide na kayo! I will give you five minutes!” sabi ni Mr. Vegafracia saka siya tumayo at lumabas ng conference room

Nung masiguro ko na nakalabas na siya ay napatayo ako pero hinila ako ni Paul kaya napaupo ulit ako.

“This is not happening, Paul! Hindi pwede ito!” inis sa saad ko kaya napahinga ng malalim si Paul

“Sorry Maegan! Kasalanan ko ito eh! Akala ko naman kasi…” an Paul pero hinawakan ko agad ang kamah niya dahil kilala ko naman ito

Hindi siya gagawa ng ikapapahamak ko kaya naman there is no way na sinadya niya ito.

“Okay lang yun Paul! Wala ka namang kasalanan!” sabi ko sa kanya

“Maegan kung hindi ka okay sa project, pwede naman tayong magback-out!” sabi nito pero umiling ako agad

“Nakikita mo ba ang hilatsa nung lalaking iyon? Sigurado ako na kapag umatras tayo, gagawa yan ng gulo!” nag-aalalang sabi ko sa kaibigan ko

“So ano na? Okay na sa iyo? Isa pa, hindi naman siguro escort per se’ ang ibig sabihin ni Mr. Vegafracia! Siguro ang gusto niya, kasama ka lang sa mga events since ikaw ang brand ambassador ng kumpanya!” paliwanag sa akin ni Paul at naisip ko naman din yun

“Okay Paul! Pero huwag lang magkamali yang lalaking yan dahil idedemanda ko siya!” sagot ko sa kanya kaya natawa naman ito

“Ano ka ba?! Kung tutuusin, hindi naman kailangang mamilit niyang boss natin kung babae lang din ang gusto niya! Kaya nga branded as one of the top bachelor yan eh kasama ni Papa Mitchell!” kinikilig pa na sabi ni Paul kaya ngumiwi na langg ako

Well, aaminin ko naman, gwapo itong bagong boss ko! Advantage na yan lalo pa at isa din siya sa mayamang negosyante dito sa bansa. 

Sigurado ako, babaero din ang isang ito! Parang ang kakambal ko!

“Oo na Paul! Buhatin mo pa!” inis na sagot ko sa kaibigan ko pero natawa siya at napitlag pa kami ng biglang bumukas ang pinto

“So! What’s it gonna be? Masyado ng tumatagal ang araw na ito!” anito kaya napailing na lang ako

Siya na ang boss!

“Okay na po sir! Nag-usap na po kami ni Maegan and willing na po siyang tanggapin ang nasa kontrata!” nakangiting sabi ni Paul dito

Naupo sa kanyang upuan si Mr. Vegafracia and his eyes darted at me.

“Good! Now we are talking!” sabi pa niya at sinenyasan niya si Paul na lumabas pero hindi yata ito naintindihan ng kaibigan ko

“Ano yun sir?” 

“Out! I want to talk to Blair!” sikmat niya dito kaya agad na tumayo ang pobreng bakla na natakot yata sa lalaking ito

Paglabas ni Paul ay tinignan ko namam ng masama ang boss ko dahil hindi ko gusto ang pagsigaw-sigaw niya.

“You don’t have to shout!” sabi ko dito pero hindi naman niya amo sinagot

“Now, Blair! As I have said, kailangang kasama kita sa lahat ng mga events na pupuntahan ko! Ikaw ang modelo namin so I demand you to be in your best behavior dahil ayoko sa lahat ng eskandalo, understood?” sabi ni to sa akin so I just nodded

“Do you have a boyfriend?” he asked out of the blue havang nakaytngin sa akin and I felt the chills running through my spine

“Wala po Mr. Vegafracia!” 

“Lander! Call me that!” anito saka niya inabot sa akin ang isang folder

“That is  your schedule for the next two weeks, Blair!” sabi niya kaya huminto ako sa tangkang pagbasa ng papel na nasa folder

“Please don’t call me Blair!” sabi ko sa kanya

“Why? I like your name kaya bakit hindi pwede?” tanong niya ulit kaya napapikit na lang ako

“Yung boyfriend ko lang ang tumatawag sa akin ng Blair!” inis na sagot ko kaya napataas ang kilay nito 

“Akala ko ba wala kang boyfriend?” tanong ni Lander sa akin at parang lalo yatang nagdilim ang mukha niya

“Wala na siya, Lander! He died, five years ago!” sagot ko sa kanya at nagbago naman ang aura ng mukha niya

He went back at looking at the papers in front of him and he softly muttered.

“I’m sorry!” 

Nag-angat siya ng paningin and now, his eyes are softly looking at me. Napansin ko na kulay abo ang mga maya ni Mr. Vegafracia amd they are so beautiful pero agad kong ding iniwas ang paningin ko.

“But I still like to call you, Blair, really!” sabi pa niya at tumango na lang ako dahil mukhang desidido naman siya aa bagay na yun

Hindi ako nagkomento and I started to check the schedules at nakita ko na jampacked ito.

At may pupuntahan siyang event mamayang gabi so ito na siguro yung sinabi niya na simula ng trabaho ko.

“Susunduin kita sa unit mo ng alas-siyete ng gabi! I will also ask someone to get you ready!” sabi ni Lander at tumango na lang ako

Wala naman akong choice eh!

“Kung wala ka ng sasabihin, aalis na ako!” I said and he nodded so I stood up at nagpaalam  na ako sa kanya

Paglabas ko ng office niya klay naka abang na sa akin si Paul. Palakad lakad siya na parang takot na takot but felt relief when he saw me.

“Okay ka lang? Wala bang ginawang bad sayo si Sir?” tanong niya kaya agad akong umiling

“Wala, Paul! Nag-usap lang kami at bingyan niya ako ng kopya ng schedules ko

Kinuha ni Paul ang folder at binasa ito kaya nanlaki naman ang mga mata niya.

“Grabe, fullpacked! Makatulog ka pa kaya nito?” tanong niya sa akim kaya napailing ako sa kanya

“Well, worth it naman yan dahil maganda naman ang offer nila! Hindi na tayo talo!” masayang pahayag niya sa akin

“Tara na! Mag lunch na tayo!”aya ko sa kanya dahil nagugutom na ako

Sa isang malapit na restaurant kami napadpad ni Paul dahil nagugutom na ako at hindi ko na kayang mag hanap ng iba pa.

We ordered as soon as the waiter approached us at habang naghihintay ay nagkwentuhan muna kami ni Paul.

Ang subject, si Mr. Lander Vegafracia!

“Ano ba ang alam mo tungkol sa kanya, Paul?” tanong ko dahil hindi namna ako pamilyar sa mga negosyante ng metro 

“Girl, bakit kaya hindi si Papa Mitchell ang tanungin mo tutal, dabarkads naman yata sila!” sagot sa akin ni Paul

“I won’t do that! Baka mamaya isipin pa nun na may gusto ako sa taong iyon!” tanggi ko kasi natitiyak ko na yun ang iisipin ng kambal ko

“Pero in fairness talaga, ang gwapo niya no! Alam mo yung pag dumaan siya, makalaglag panty talaga!” kinikilig na sabi ni Paul and I agree with him naman

Pero sure ako na mas gwapo si Knight!

Hindi ko nga lang mabanggit ito kay Paul dahil wala naman siyang idea aa nangyari sa akin years ago.

Wala talaga akong pinagsabihan kahit na ang mga magulang ko dahil natakot ako na patigilin nila ako aa pagmomodelo.

This is what I love to do kaya naman ayokong matigil sa ginagawa kong ito.

“Kaso sorry, Paul! Mukhang hindi siya pumapatol sa bakla!” biro ko pa dito kaya agad niya akong sinimamgufan

Mabuti na lang dumating na ang pagkain at kumain na kami ni Paul dahil gusto kong matulog muna mamaya bago ang lakad namin ni Lander.

Nasa kalagitnaan kami ng pagkain nung mamataan ko na papasok ng restaurant si Lander at may kasama itong magandang babae.

Kung titignan ko, mas bata sa kanya ito and I guess, masasabi ko na close sila sa paraan ng pagkapit nito kay Lander.

Napatingin sa mesa namin si Lander at agad na ibinaling ko ang mata ko sa ibang direksiyon dahil ayokong isipin niya na tinitignan ko siya.

Mabuti na lang hindi sila lumapit sa mesa namin pero natawa naman ako sa sarili ko. 

‘Bakit naman kasi siya lalapit, Maegan?” tanong ko sa aking sarili

Pagkatapos naming kumain ay naghanda na kami ni Paul para makaalis na kami. Habang naglalakad ay nasulyapan ko si Lander at mukhang seryoso ang pinag-uusapan nila ng babaeng kasama niya. 

Hinawakan pa niya ang kamay ng babae kaya ibinaling ko na ang paningin ko sa iba. Mahirap namang makita pa ako ni Lander na tinitignan sila at baka magbuga na naman ito ng apoy.

Hinatid ako ni Paul sa unit ko at hindi na nga siya umakyat dahil may meeting pa daw siya para sa isang modelong hawak niya.

“Maegan, yung usapan ninyo ni Mr. Vegafracia, huwag na huwag kang male-late ha! Baka mamaya, makatulog ka na naman diyan!” bilin pa nito sa akin bago ako bumaba sa kotse

“Promise bakla!” natatawang sagot ko sa kanya 

Pag-akyat ko ng unit ay agad akong nahiga sa kama at hinagilap si Knight. Niyakap ko ito agad saka ko ito muling kinausap.

“Knight, alam mo ba, may isang lalaki na tumawag sa akin ng Blair! Noong una, akala ko  ikaw siya pero nung makilala ko ang ugali ng taong yun, natawa na lang ako sa sarili ko! There is no way na ikaw siya dahil ang sama ng ugali niya!” 

I sighed as I held Knight closer to me.

“Sana hindi mo muna ako iniwan Knight! Hindi ko man naiintindihan ang sinasabi mo noon, alam ko na mahalaga ako sayo dahil ginawa mo ang lahat para protektahan ako! And I will be forever grateful for that!” 

Hinalikan ko si Knight na gaya ng lagi kong ginagawa sakamko pinikit ang aking mga mata.

Pero bago ako tuluyang makatulog, ay sinet ko muna ang alarm ko at baka nga magkatotoo ang sinabi ni Paul na makatulog na naman ako ng mahimbing.

“I miss you, Knight…..” bulong ko saka ko ulit niyakap ang teddy bear ko

Hindi ko alam kung gaano na ako katagal nakatulog but I am pretty sure that I am still asleep. I can see myself in a building at may nakita akong lalaki na nakatayo at nakaharap sa basag na bintana.

“Knight! Knight!” sigaw ko pero wala namang lumalabas sa lalamunan ko kundi puro ungol

Lumingon sa akin si Knight at nakita ko ang mukha niyang natatakpan ng maskara. 

He was about to remove it in front of me and I waited for it dahil makikita ko na siya….sa wakas!

Kring….Kring….Kring….