Chapter 14

Naalimpungatan si Alina sa madaling araw nang marinig ang malakas na tunog ng cellphone. Umungol siya at inalis ang bagay na nakapulupot sa baywang niya. Pero humigpit lamang ito at lalo siyang hindi makabangon. Sa una ay nalilito siya at pilit na binabaklas iyon pero nang hilahin pa siya ng bagay na ito at tumama sa likod ng taynga niya ang mainit na hininga ay saka siya nahimasmasan.

Bahagya niyang nilinga si Eros sa likod niya na mahimbing na natutulog. Natigilan siya dahil hindi niya inaasahan na matutulog dito ang binata. At sa tabi pa niya mismo.

Hindi nito pinatay ang lampshade sa bedside table kaya malaya niyang napagmasdan ang mukha ni Eros. Mula sa makapal na kilay nito. Sa malalantik at mahabang pilik mata. Ang matangos na ilong at ang pinkish na labi nito. Hindi masasabing makapal at hindi rin masyasong manipis. Bahagya pang nakabuka ang bibig nito kaya nakikita niya ang perkpektong puting ngipin nito. Kung naging babae lang ito ay baka mas maganda pa ito kaysa sa kanya.

P